উপদেশক 8:16 - Chakma Bible

^16-17 জ্ঞানান্ পেবাত্তে আর পিত্‌থিমীত্ যিয়েনি অয় সিয়েনি বুঝিবাত্তে যেক্কেনে মুই মনযোগ্ দিলুং সেক্কেনে দেগিলুং, এক্কো মান্‌জ্যর্ চোগ্ যুনি দিনে-রেদে কাঢাও ন-যায় তো বেলান তলে গোজেনে যিয়েনি গোজ্যে সিয়েনি তে বেক্কানি বুঝি ন-পারে। মানুচ্ সিয়েন তোগেই নিগিলেবাত্তে নানান্ বাবোত্যে চেট্ট্যা গুরিনেয়ো সিয়েনি নিগিলেই ন-পারন্। এমন্ কি, এক্কো জ্ঞানী মানুচ্অ যুনি সিয়েন হবর্ পায় বিলিনে দাবি গরে তো তে ঘেচ্চেক্‌গুরি বেক্কানি বুঝি ন-পারে।

উপদেশক 8:16 ပူးပေါင်းရင်းမြစ်များ

পত্থম 31:40

মুই দিনোত্‌ পুজ্যং গরমত্‌ আর রেদোত্‌ গির্‌গিরেয়োং ঠান্ডায়, মর্‌ চোগোত্‌ ঘুম্‌ ন-এলঅ। ইয়েনই এলঅ মর্‌ অবস্থা।

গীতসংহিতা 127:2

তুমি মিজে মিজে হানা যোগেবাত্তে কাম্ গুরিবাত্তে বেন্যেপোত্যে উদো আর দেরি গুরি ঘুমেবাত্তে যঅ; মাত্তর্ লগেপ্রভু যিগুনোরে কোচ্‌পায় তারা যেক্কেনে ঘুম্ যান সেক্কেয়ো তে তারার দর্‌কারানি যোগেই দে।

উপদেশক 1:13

আগাজ তলেদি যিয়েনি গরা অয় সিয়েনি জ্ঞানদি পোরোক্ক্যে গুরিবাত্তে আর তোগেবাত্তে মুই মনান্ থির্ গুরিলুং। চেলুং, কি অমকদ দুঘ্ গোজেনে মান্‌জ্য উগুরে জাবেই দিয়্যে!

উপদেশক 1:14

বেলান তলেদি যিয়েনি গরা অয় সিয়েনি বেক্কানি মুই দেগিলুং, দেগিলুং বেক্কানি বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

উপদেশক 1:17

সে পরেদি মুই জ্ঞান বুদ্ধি আর নীতি নেইয়্যে বুদ্ধি নেইয়্যে পৌইদ্যেনে বুঝেবার চেলুং। সেক্কে বুঝিলুং, সিয়েন্অ বোইয়্যের পিজেদি দাবা দেনা বাদে আর কিচ্চু নয়;

উপদেশক 2:23

পত্তি দিন্ তা কামানিত্ থায় পিড়ে আর কাঙেলেত্যে; রেদোত্‌অ তা মনান্ জিরেন্ ন-পায়। ইয়েন্‌ অ বাহ্‌জে।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

উপদেশক 5:12

যে কাম গরে তে কম হোক্ বা বেশ্ হোক্ তা ঘুমান্ গম্ অয়। মাত্তর্ তাগোয়্যে মানুচ্চোর্ বোউত্ ধন-সোম্বোত্তি তারে ঘুম্ যেবাত্তে ন-দে।

উপদেশক 7:25

সেনত্তে মুই মনান্ থির্ গুরিলুং যেনে জ্ঞান আর বেক্কানির্ পিজেদি যে সল্লাগান্ আঘে সিয়েন্ জানি পারং আর পোরোক্ষ্যে আহ্ তোগেইনে চেই পারং, আর বুঝোং, পাজিগান্ অলঅ ভুলো কাম্ আর বুদ্ধিনেইয়্যেগান্ অলঅ বিচেরবুদ্ধিনেইয়্যে।

উপদেশক 8:7

কিত্যে কনঅ মান্‌জ্যে যেক্কে হবর্ ন-পায় কি ঘুদিবো সেক্কে কনজনে তারে কোই ন-পারন্ কক্কেনে সিয়েন্ ঘুদিবো।

উপদেশক 8:9

বেলান তলেদি যিয়েনি গরা অয় সিন্দি মনযোগ্ দিইনে মুই দেগিলুং, এক্কো মান্‌জ্যে অন্যগুনো উগুরে সদ্দারি গঙায় আর সিয়েনত্তে তারার্ ক্ষোতি অয়।