উপদেশক 8:11 - Chakma Bible

¹¹ অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

উপদেশক 8:11 ပူးပေါင်းရင်းမြစ်များ

২ শমূয়েল 11:15

সিয়েনত্‌ তে এ কধাগান লেখ্যে, “যিয়েনত্‌ জদবদে যুদ্ধো চলের্‌ সিয়েনত্‌ সৈন্যগুনোর মুজুঙোন্দি সুর্‌বোত্‌ ঊরিয়রে পাদেবা, সে পরেন্দি তা পিজেন্দিত্তুন্‌ তুমি সুরি যেবা যেনে তে আঘাত্‌ পেইনে মুরি যায়।”

ইয়োব 24:23

তে শদানুনোরে গমেডালে জিরেবাত্তে দি পারে, মাত্তর্ তা চোগ্‌‌কুন তান্দে তারার পথ্‌তান ইন্দি।

গীতসংহিতা 10:4

পাজি মানুচ্চো বার্‌‌বো গরানার্ কারনে লগেপ্রভুরে অগ্রাজ্য গরে; তা কুজুরোমির্ পিজেদি এ মনভাবপান্ এলঅ- গোজেন বিলিনে কনজন নেই।

গীতসংহিতা 10:6

তে মনে মনে কয়দে, “এমন্ কিজু নেই যিয়েনে মরে লারেই পারে; মর্ দজা কনঅ কালত্ ন-অবঅ।”

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

যাত্রা 34:6

তে মোশি মুজুঙেন্দি এ কধাগান্‌ ফগদাঙ্‌ গুরি গুরি গেলঅ‌, “লগেপ্রভু, লগেপ্রভু, তে মেয়্যেলোই ভরা আর দোয়্যের্‌ গোজেন। তে সহজে বেজার্‌ ন-অয়। তার্‌ অমকদ কোচ্‌পানা আর বিশ্বেজর্‌ দুযি নেই।

যাত্রা 8:15

মাত্তর্‌ বেঙ ভানাগানত্তুন্‌ রেহাই পেইনে ফরৌনে আরঅ তা মনান্‌ দর-মর গুরিনে মোশি আর হারোণ কধা কান ন-পাদিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:32

মাত্তর্‌ এবেরায়ো ফরৌণে তা মনান্‌ দর-মর গুরিলো আর মানুচ্চুনোরে যেবাত্তে ন-দিলো।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

যিশাইয় 57:11

“কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

যিরমিয় 42:15

সালে যিহূদার বাদবাগি মানুচ্চুনে লগেপ্রভুর কধানি শুনো। ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, তুমি যুনি মিসরত্ যানাগান ঠিগ্ গুরি থাগঅ আর সিদু যেইনে বজত্তি গরঅ,

যিরমিয় 48:11

এক কুমোত্তুন্ আর এক কুমোত্ ঢালা ন-অলে মদ যেবাবোত্যে তা গাদ উগুরে পড়ি থায় সেবাবোত্যেগুরি মোয়াবে তার চিগোনত্তুন্ ধুরি নিশিদেগুরি পড়ি আঘে; তে বন্দীদজাত্ ন-যায়। সেনত্তে তার সুয়োত্তান্ আগ ধোক্ক্যেন রোইয়্যে, তা তুম্বাজ্‌‌চান্ ন-বদলে।