উপদেশক 4:1 - Chakma Bible

¹ বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

উপদেশক 4:1 ပူးပေါင်းရင်းမြစ်များ

ইয়োব 16:4

তমা অবস্থাগান যুনি মঅ ধোক্ক্যেন্ অদঅ সালে মুইয়ো তমা ধোক্ক্যেন্ কধা কোই পাত্তুং, তমা বিরুদ্ধে বোউত্‌ কধা কোই পাত্তুং আর তমারে দেগিনে মাধাবোয়ো লারে পাত্তুং।

ইয়োব 35:9

অত্যেচারর ভরে মান্‌জ্যে রঅ ছাড়ন্; তারা বোলীগুনোর আঢত্তুন্ রেহাই পেবাত্তে কোজোলী গরন।

ইয়োব 6:29

তুমি নরম্‌ অ, অন্যেয় ন-গোজ্য; আরঅ ভাবি চঅ, কিত্তেই মুই এজঅ সং গম্‌ আগং।

ইয়োব 9:24

শদানুনোর্‌ আঢত্‌ পিত্‌থিমীগানরে ইরি দিয়্যে ওইয়্যে গোজেনে বিচেরক্‌কুনোর চোখ্‌কুন নাদি থোই দিয়্যে। তেয়ই যুনি সিয়েন্‌ ন-গরে সালে কন্না সিয়েন্‌ গোজ্যে?

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

গীতসংহিতা 142:5

ও লগেপ্রভু, মুই তইদু কান্যং; মুই কোইয়োঙে, “তুয়ই মর্ আশ্রয়, এ পিত্‌থিমীত্ তুয়ই মর্ সোম্বোত্তি।”

গীতসংহিতা 42:3

মঅ চোগোর পানিগানই মর্ দিনো-রেদোর খরাগ্ ওইয়্যে; আর ইন্দি মান্‌‌জ্যে মরে বানা কদন্, “কুদু গেলঅ তর্ গোজেনে?”

গীতসংহিতা 42:9

মর্ গোজেনর ইদু, মর্ আশ্রয়-মুড়োবোর ইদু, মুই এ কধাগান কোম্, “কিত্তেই তুই মরে ভুলি যেইয়োচ্? কিত্তেই মত্তুন্ শত্রুর অত্যেচারে মনত্ দুখ্ গুরিনে বেড়া পুরিবো?”

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

গীতসংহিতা 69:21

মর্ হানাগানত্ তারা বিষ দুয়োন্ আর পানি তিরেজর্ সময়োত্ দুয়োন সিরকা।

গীতসংহিতা 80:5

হেবার জিনিস ইজেবে তুই চোগো পানি তারারে হেবাত্যে দুয়োচ্ আর বোউত্ চোগো পানি খাবেয়োচ্।

যাত্রা 1:16

“গুরো অবার্‌ অক্তত্ ইব্রীয় মিলেগুনোরে বল্‌ দিবাত্তে গেলে তুমি গমেডালে রিনি চেবা তারা গুরোগুন্‌ মিলে না কি মরদ; মরদ অলে তারারে মারে ফেলেবা আর মিলে অলে বাজেই রাগেবা।”

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

গম্ উপদেজ্ 19:7

নাঢা মান্‌জ্যরে তা কুদুম্মোগুনে বেক্কুনে যেক্কে চোগেদি ন-দেগন্ সেক্কেনে ইয়েন ঘেচ্চেক্‌গুরি তা সমাজ্যেগুনে তাত্তুন্ দূরোত্ থেবাক্; তা কোজোলীলোই তারা কান ন-পাদিবাক্।

গম্ উপদেজ্ 28:3

যে নাঢা মানুচ্চুনোর নেতা নাঢা মানুচ্চুনো উগুরে অত্যেচার গরে তে এমন ঝড়র্ নালা ধোক্ক্যেন্ যিয়েনর পরেদি আর কনঅ খেত্‌‌খেত্তি ন-থায়।

গম্ উপদেজ্ 29:2

গোজেন ভক্ত মানুচ্চুন্ বাড়িলে মান্‌‌জ্যে হুজি অন্, মাত্তর্ পাজি মানুচ্ শাজন্‌গুরিয়্যে অলে মান্‌‌জ্যে ছদ্‌‌ফদান।

উপদেশক 3:16

মুই বেলান তলেদি আর এক্কান বেপার দেগিলুং, ন্যায়বিচের আর গম্ জাগানিত্ পাজি কামানি আঘে।

উপদেশক 5:8

তঅ চাগালাত্ যুনি কনঅ নাঢা মান্‌জ্যরে অত্যেচার্ অদে দেগচ্ বা কনজনরে ন্যায়বিচের্ বা তার পেবার্ অধিকার ন-পাদে দেগচ্ মাত্তর্ ন-দোরেচ্, কিত্তে এক্কো কামগুরিয়্যে উগুরে দাঙর্ আর এক্কো কামগুরিয়্যে আঘে আর তারার্ দ্বিজন উগুরে আরঅ দাঙর্ দাঙর্ নেতা আগন্।

উপদেশক 7:7

জ্ঞানি মান্‌জ্যে যুনি জুলুম্ গরে সালে তে ভুল্ ওই যায়, আর ঘুষ্‌চানে রিবেঙানরে বর্‌বাত্ গরে।

উপদেশক 8:9

বেলান তলেদি যিয়েনি গরা অয় সিন্দি মনযোগ্ দিইনে মুই দেগিলুং, এক্কো মান্‌জ্যে অন্যগুনো উগুরে সদ্দারি গঙায় আর সিয়েনত্তে তারার্ ক্ষোতি অয়।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 51:23

মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিরমিয় 16:7

যিগুনে সেই মরাগুনোত্তে আবিলেচ্ গরন, এন্ কি, বাবা বা মাবোত্তে আবিলেচ্ গরন তারারে বুঝেবাত্তে কনজনে হানায়ো ন-দিবা বা পানিয়োও ন-দিবা।

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 1:17

সিয়োনে তা আঢ্‌‌‌তানি বাবেই দিয়্যে, মাত্তর্ তারে বুঝেবার কনজন নেই। লগেপ্রভু যাকোবত্তে এ উগুমান দিয়্যে, তা পাড়াল্যেগুন তার শত্রু অবঅ। তারা ভিদিরে যিরূশালেমান ওইয়্যেদে এক্কান অসিজি জিনিস।

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আমোষ 3:10

প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

আমোষ 3:9

তুমি অস্‌দোদ আর মিসরর বেক ঘরানির্ মানুচ্চুনো ইধু কঅ, “তুমি শমরিয়ার মুড়োগুনো উগুরে এগত্তর্ অ; চঅ, সিয়েন ভিদিরে কদক্ যাগুলুক্! তা মানুচ্চুনো ভিদিরে কদক্ অত্যেচার!”

মালাখি 2:13

আর এক্কান ভান্ন্যেই কাম্ তুমি গুরি থাগঅ; সিয়েন অলঅ, চোগো পানিয়ে তুমি লগেপ্রভুর পূজোবো ভাজঅ। তুমি কানাকুদি আর বিলেপ্ গরঅ, কিত্যেই তুমি যিয়েনি দুয়ো সিয়েনি উগুরে তে আর মনযোগ্ ন-দে বা হুজি মনে তমা আঢত্তুন্ সিয়েনি গুজিয়ো ন-লয়।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।