উপদেশক 3:20 - Chakma Bible

²⁰ বেক্কুনে এক জাগাত যান্; বেক্কুনে মাদিলোই বানেয়্যে আর মাদিত্ ফিরি যান্।

উপদেশক 3:20 ပူးပေါင်းရင်းမြစ်များ

পত্থম 25:17

ইশ্মায়েলে একশঅ সাত্রিশ বজর বাঁজি এলঅ। সে পরেদি তে মুরি যেইনে তা পুরোণি মানুচ্চুনোর ইদু গেলগোই।

পত্থম 25:8

এক্কান দোল্‌ আর সুগোর্ জীংকানি কাদেইনে ভালোক্ বজর বাদে তে মুরি যেইনে তা পুরোণি মানুচ্চুনো ইদু গেলগোই।

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

ইয়োব 14:10

মাত্তর্‌ মানুচ্‌ মুরিলে তে থুম্‌ ওই যায়; তে শেজ্‌ নিজেস্‌ ছাড়িনে কুদু যায়?

ইয়োব 14:14

মানুচ্‌ মুরিনে কি আরঅ জেদা অন্? যুনি অন্‌, সালে মর্‌ জদবদে কাম্‌ গরানার্‌ বেক্‌ দিনুনোত্তে মুই নুয়ো গুরিনে উদিবাত্তে বাজ্জেই থেম্‌।

ইয়োব 17:13

যুনি মর্‌ ঘর ইজেবে মুই মরণর জাগায়ানরে আজা গরং, আন্ধার ভিদিরে যুনি মর্‌ বিচ্ছোনান্‌ পাদং,

ইয়োব 30:24

যে পড়ি যেইয়্যে আর দুঘোত্ সাহায্যত্তে কানাকুদি গরের্ তারে কি কনজনে আঘাত্ গরন্?

ইয়োব 34:15

সালে বেক্ মানুচ্চুনে একসমারে ভস্ত ওই যেদাক্, তারা আরঅ ধূল্যে ওই যেদাক্।

ইয়োব 7:9

মেঘ যেধোক্ক্যেন্ ন-দেখ্যে গুরিনে যায়ই, সেধোক্ক্যেন্ যে মরাজাগানত্‌ যায় তে আর ফিরি ন-এজে।

গীতসংহিতা 103:14

কিবাবোত্যে গুরি আমারে বানেয়্যে সিয়েন দঅ তার জানা আঘে; আমি যে ধূল্যে বাদে আর্ কিচ্চু নয় সিয়েন তার ইদোত্ আঘে।

গীতসংহিতা 104:29

তুই মুয়োন লুগেলে তারা দরান্; তুই তারার জিংকানি-বোইয়্যেরান্ নেযেলে তারা মুরি যান, আরঅ তারা ধূল্যে ওই যান্।

গীতসংহিতা 49:14

ভেড়া পালরে যেধোক্ক্যেন ঠিগ্ গোজ্যে খোয়াড়ত্ নেযা অয়, সেধোক্ক্যেন ঠিগ্ গোজ্যে গোরত্ সে মানুচ্চুনোরেয়ো নেযা অবঅ; সিয়েনত্ মরণানে তারার্ গরক্ অবঅ। বেন্যেমাদান্ গোজেন ভক্ত মানুচ্চুনে তারা উগুরে জিদিবাক্; গোরানে তারার কিয়্যেগানি হেই ফেলেব; তারার থেবার জাগা বলতে আর্ কিচ্চু ন-থেবঅ।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

উপদেশক 3:21

মান্‌জ্য পরাণান্ যে উগুরেদি যায় আর য়েমান পরাণান্ মাদি তলেদি যায় সিয়েন কন্না হবর্ পায়?

উপদেশক 6:6

সেই মানুচ্চো যুনিয়ো বা দ্বিআজার্ বজর্ বাঁজি থায় মাত্তর্ জিংকানিত্ সুগ্ ন-পায় সালে তার্ লাভ্ কি? বেক্কুনে কি এক জাগাত্ ন-যান্?

উপদেশক 7:2

হানা ঘরত্ যানাত্তুন্ আবিলেচ্ গরেদে ঘরত্ যানা গম্, কিত্তে বেক্কুনে একদিন্ মুরি যেবাক্; জেদা মানুচ্চুনোর্ এ কধাগান্ মনত্ রাগানা উজিত্।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

গণাণা 27:13

তর্‌ ভেই হারোণে যেধোক্ক্যেন তার্‌ পুরোণি মানুচ্চুনো ইদু যেয়েগোই দেজ্‌চান্‌ চেবার্‌ পরেদি তত্তুনো সেধোক্ক্যেন তর্‌ পুরোণি মানুচ্চুনো ইদু যাহ্ পুরিবো।