উপদেশক 2:24 - Chakma Bible

²⁴ সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

উপদেশক 2:24 ပူးပေါင်းရင်းမြစ်များ

১ রাজাবলী 4:20

যিহূদা আর ইস্রায়েলর মানচ্চুন অলাক্কে সাগর পার ধূল্যেচর ধোক্কেন্‌ গুণি ন-পুড়েইয়্যে।

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

উপদেশক 2:10

মঅ চোগেদি যিয়েন্ গম্ লাগিদো মুই সিয়েনই গুজি লদুং; মুই নিজোরে বেক্ রঙ্গ-ফুত্তিগানি গুরিবাত্তে দিদুং। মর্ বেক্ কামানি ইদু মঅ মনানে হুজি অদঅ, আর ইয়েনই এলঅ মর্ বেক্ কামানির্ বক্‌শিজ্।

উপদেশক 2:25

কিত্তে তে ন-দিলে কন্না হেই পারে বা হুজি ওই পারে?

উপদেশক 2:3

মুই স্বজ্ঞানে আংগুর-রস হেইনে কিয়্যেগানরে ঝাগেরেলুং আর ভুলো ধোক্ক্যেন কাম্ গুরিনে নিজোরে হুজি গুরিবার চেলুং। মুই দেগিবাত্তে চেলুং, আগাজ তলেদি মান্‌জ্যর বানা কয়েক দিনোর্ জিংকানিত্ তাত্তেই কুবোন্ গম-জ্ঞানর্ পধেদি যানা নাহি ভুল্ পধেদি যানা।

উপদেশক 3:22

সেনত্তে মুই দেগিলুং, নিজো কামত্ রঙ্গ-ফুত্তি বাদে আর গম্ কিজু মান্‌জ্যত্তে নেই। সিয়েনই তার্ পাওনা, কিত্তে তা মরণর্ পরেদি কি ঘুদিবো সিয়েন কন্না তারে দেগেই পারিবো?

উপদেশক 5:17

হাঙেলেত্যে, যন্ত্রণা আর রাগ্‌কোই সারা জিংকানিবর্ তে আন্ধারত্ কাদায়।

উপদেশক 6:12

মান্‌জ্যর্ জিংকানিত্ তাত্তে কুবোন্ গম্ সিয়েন্ কন্না হবর্ পায়? তে দঅ তার্ কয়েক্কো দিন ছাবা ধোক্ক্যেন্ কাদায়। তে যানার্ পরেদি বেলান তলেদি কি অবঅ সিয়েন্ কন্না তারে কোই পারিবো?

উপদেশক 6:2

গোজেনে কনঅ মান্‌জ্যরে এদক্ ধন, সোম্বোত্তি আর সর্মান দান গরেদে যে, তার্ চাইদ্যে ধোক্ক্যেন্ আর্ কিচ্চু ন-থায়, মাত্তর্ গোজেনে তারে সিয়েনি ভোগ্ গুরিবার খেমতা ন-দে, অন্য একজনে সিয়েনি ভোগ্ গুরিবো। ইয়েন বাহ্‌জে, ইয়েন অমকদ দুঘো কধা।

উপদেশক 8:15

সেনত্তে মুই জিংকানিত্ রঙ্গ-ফুত্তিত্ বাঈনী গোজ্যং, কিত্তে বেলান তলেদি হানা-দানা আর ফুত্তি গরানা বাদে মান্‌জ্যত্তে গম্ আর কিচ্চু নেই। সালে বেলান তলেদি গোজেনর্ দিয়্যে মান্‌জ্য জিংকানির্ বেক্ দিনুনোত্ তা কামত্ ফুত্তিগান্ অবদে তার্ সমাজ্যে।

যিশাইয় 56:12

বেক্কুনে কন্, “যেই, আংগুর-রস আনিই; যেই, আমি পেট্ ভরে সং মদ হেই। এচ্চ্যেত্তুন্ কেল্যে আরঅ গম্ অবঅ।”

প্রেরিত্‌ 14:17

মাত্তর্ তো তে নিত্য নিজো পৌইদ্যেনে সাক্ষি দিয়্যে। তে আগাজত্তুন্ ঝড় দিইনে আর সময় মজিম ফসল দান গুরিনে তার্ দোয়্যে তমারে দেগেয়্যে। তে ভালোক্কানি হানা দান গুরিনে তমা মনানিরে হুজিয়্যে ভর্‌‌‌পুনোং গোজ্যে।”

১ করিন্হীয় 15:32

ইফিষত্ ঝার্‌বো এ্যামানুনো সমারে মত্তুন্ যে লড়াই গরা পোজ্জ্যে, সিয়েন যুনি বানা জাগতিক্ উদেচ্চ্য নিইনে গুরি থাং, সালে সিয়েনত্ মর্ কি লাভ ওইয়্যে? মরাগুনোরে যুনি জেদা গুরিনে তুলো ন-ওই থায় সালে চলেত্তে কধা মজিম, “এজঅ, আমি হানা-দানা গুরিই, কিয়া কেল্ল্যে দঅ আমি মুরিবোং।” তুমি ভুল্ ন-গোজ্জ্য।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।