উপদেশক 2:16 - Chakma Bible

¹⁶ মান্‌জ্যে ভুলোরে যেধোক্ক্যেন্ মনত্ ন-রাগান্ সেধোক্ক্যেন্ জ্ঞানীবলারেয়ো বেশ্ মনত্ ন-রাগান্; আগামিদি এ দ্বিজনরে মান্‌জ্যে ভুলি যেবাক্। ভুলো যেধোক্ক্যেন্ মুরি যায় জ্ঞানী মানুচ্চোয়ো সেধোক্ক্যেন্ গুরি মুরি যায়।

উপদেশক 2:16 ပူးပေါင်းရင်းမြစ်များ

২ শমূয়েল 3:33

রাজা সেক্কে অব্‌নেরর পৌইদ্যেনে আবিলেচর্‌ এ গান্নো গেলঅ: “ভুল্‌ মান্‌জ্য ধোক্কেন্‌ কিত্তেই মুরিলে অব্‌নের?

গীতসংহিতা 103:16

ফুলো উগুরেন্দি বোইয়্যের্ বেঈ গেলে ফুল্লো আর্ ন-থায়; যে জাগানত্ সেই ফুল্লো ফুট্যে সেই জাগায়ানেয়ো আর তারে ইদোত্ ন-রাগায়।

গীতসংহিতা 49:10

জ্ঞানি মান্‌জ্যেয়ো যে মুরি যায় সিয়েন বেক্কুনে হবর্ পান; যিগুনোর বিবেচনা নেই আর যিগুনোর মনানি বাজে ধরনর্ তারা একইভাবে ভস্ত অন; তারার ধনানি তারা অন্যগুনোত্তে থোই যান।

গীতসংহিতা 88:12

আন্ধারত্ কি তর্ আমক্ অবার কামানি বুঝো যেবঅ? যে দেজর্ মানুচ্চুনোরে মান্‌জ্যে ভুলি যান সিদু কি তর্ ন্যায় কামানি বুঝো যেবঅ?

যাত্রা 1:6

পরেদি যোষেফ, তা ভেইয়ুন্‌ আর তারার্ সময়োত্‌ বেক্কুনে মুরি গেলাক্।

যাত্রা 1:8

পরেদি এক সময়োত্‌ মিসর দেজর্‌ বেক্‌ খেমতাগান এন্‌ এক্কো নূয়ো রাজার্ আঢত্‌ গেলঅ যিবে যোষেফ পৌইদ্যেনে কিচ্চু হবর্‌ ন পেদঅ।

গম্ উপদেজ্ 14:8

বিচেরবুদ্ধি মজিম্ চলানা অলঅ উজিয়ার মান্‌জ্যর জ্ঞান, মাত্তর্ ছলনাগান অলঅ ভুল্ মান্‌জ্যর বুদ্ধি।

উপদেশক 1:11

পুরোণি কাল মানুচ্চুনোর্ কধা কারত্তুন্ মনত্ নেই; যিগুনে ভবিচ্চদে জোর্মেবাক্ তারার্ কধানিয়ো তারা মনত্ রাগেই ন-পারিবাক্ যিগুনে তারার্ পরেদি জোর্মেবাক্।

উপদেশক 2:14

জ্ঞানী মান্‌জ্যর চোগ্ আঘে, মাত্তর্ ভুলো আন্ধারত্ আঢাউদো গরে; মাত্তর্ মুই ইয়েনই বুঝিলুং, সে দ্বিজনর্ শেজ্ দজাগান্ এক্কুই।

উপদেশক 2:15

সে পরেদি মুই নিজো মনেদি কলুং, “ভুলোর্ যে দজাগান্ অয় মরঅ দঅ সে দজাগান্ অবঅ। সালে এদক্ জ্ঞানী ওইনে মর্ কি লাভ্ অলঅ? ইয়েন দঅ বাহ্‌জে।”

উপদেশক 6:8

ভুলোত্তুন্ জ্ঞানী মানুচ্চোর্ সুবিধেগান্ কি? অন্যগুনো মুজুঙোত্ কিবাবোত্যেগুরি যাহ্ পুরিবো সিয়েন্ হবর্ পেলে এক্কো নাঢা মান্‌জ্যর্ কি লাভ্ অয়?

উপদেশক 7:2

হানা ঘরত্ যানাত্তুন্ আবিলেচ্ গরেদে ঘরত্ যানা গম্, কিত্তে বেক্কুনে একদিন্ মুরি যেবাক্; জেদা মানুচ্চুনোর্ এ কধাগান্ মনত্ রাগানা উজিত্।

উপদেশক 8:10

সে পরেদি মুই ইয়েন দেগিলুং, পাজি মানুচ্চুনোরে গোর্ দিয়্যে অর্। ইগুনে উবোসনা-ঘরত্ যানা-এযানা গুরিদাক্; যেরেদি তারার্ শঅর মানুচ্চুনে তারার্ পাজিগানির্ কধা ভুলি গেলাক্। ইয়েন বাহ্‌জে।

উপদেশক 9:15

সে শঅরত্ এক্কো জ্ঞানী নাঢা মানুচ্ এলঅ। তে তার্ জ্ঞানান্দোই শঅরান্ রোক্ষ্যে গুরিলো, মাত্তর্ কনজনে সে নাঢা মানুচ্চোরে মনত্ ন-রাগেলাক্।

উপদেশক 9:5

জেদা মানুচ্চুনে হবর্ পান্, তারাত্তুন্ মরা পুরিবো, মাত্তর্ মরাগুনে কিচ্চু হবর্ ন-পান্। তারার্ আর্ কনঅ বক্‌শিজ্ নেই, কিত্তে তারা কধানিয়ো মানুচ্চুনে ভুলি যান্।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।