উপদেশক 2:14 - Chakma Bible

¹⁴ জ্ঞানী মান্‌জ্যর চোগ্ আঘে, মাত্তর্ ভুলো আন্ধারত্ আঢাউদো গরে; মাত্তর্ মুই ইয়েনই বুঝিলুং, সে দ্বিজনর্ শেজ্ দজাগান্ এক্কুই।

উপদেশক 2:14 ပူးပေါင်းရင်းမြစ်များ

গীতসংহিতা 19:10

সিয়েন সনাত্তুন্‌অ, ভালোক্কানি খাটি সনাত্তুন্‌অ বেশ্ বেশ্ আওজ্ গোজ্যে জিনিস। সিয়েন মধুত্তুন্অ বেশ্ মিদে, মুবাত্তুন্ ঝোজ্যে মধুত্তুন্অ বেশ্ মিদে।

গীতসংহিতা 49:10

জ্ঞানি মান্‌জ্যেয়ো যে মুরি যায় সিয়েন বেক্কুনে হবর্ পান; যিগুনোর বিবেচনা নেই আর যিগুনোর মনানি বাজে ধরনর্ তারা একইভাবে ভস্ত অন; তারার ধনানি তারা অন্যগুনোত্তে থোই যান।

গীতসংহিতা 49:11

তারা মনে গরন্দে তারার ঘর-বাড়ীগানি থিবেবর্ আঘে, তারার থেবার জাগায়ানি বংশর পর বংশ ধুরিনে থেবঅ, সেনত্তেই নিজোর নাঙে তারা সোম্বোত্তিগানির নাঙ্ দুয়োন।

গম্ উপদেজ্ 14:8

বিচেরবুদ্ধি মজিম্ চলানা অলঅ উজিয়ার মান্‌জ্যর জ্ঞান, মাত্তর্ ছলনাগান অলঅ ভুল্ মান্‌জ্যর বুদ্ধি।

গম্ উপদেজ্ 17:24

যিবের বিচেরবুদ্ধি আঘে তে জ্ঞানন্দি মনান্ দে, মাত্তর্ বিবেচনা নেইয়্যে মান্‌জ্যর মনান্ দুনিয়ের বেক্কানিন্দি ঘুরি বেড়ায়।

উপদেশক 2:16

মান্‌জ্যে ভুলোরে যেধোক্ক্যেন্ মনত্ ন-রাগান্ সেধোক্ক্যেন্ জ্ঞানীবলারেয়ো বেশ্ মনত্ ন-রাগান্; আগামিদি এ দ্বিজনরে মান্‌জ্যে ভুলি যেবাক্। ভুলো যেধোক্ক্যেন্ মুরি যায় জ্ঞানী মানুচ্চোয়ো সেধোক্ক্যেন্ গুরি মুরি যায়।

উপদেশক 3:19

কিত্তে মান্‌জ্য উগুরে যিয়েনি ঘদে য়েমান উগুরেও সিয়েনি ঘদে। ইবে যেধোক্ক্যেন্ মরে সিবেও সেধোক্ক্যেন্ মরে। তারার বেক্কুনোর্ পরাণান্ এক বাবোত্যে। এ পৌইদ্যেনে য়েমান আর মান্‌জ্যর ফারগ্ কিচ্চু নেই; কনঅ কিজু থিদেবর্ নয়।

উপদেশক 6:6

সেই মানুচ্চো যুনিয়ো বা দ্বিআজার্ বজর্ বাঁজি থায় মাত্তর্ জিংকানিত্ সুগ্ ন-পায় সালে তার্ লাভ্ কি? বেক্কুনে কি এক জাগাত্ ন-যান্?

উপদেশক 6:8

ভুলোত্তুন্ জ্ঞানী মানুচ্চোর্ সুবিধেগান্ কি? অন্যগুনো মুজুঙোত্ কিবাবোত্যেগুরি যাহ্ পুরিবো সিয়েন্ হবর্ পেলে এক্কো নাঢা মান্‌জ্যর্ কি লাভ্ অয়?

উপদেশক 7:2

হানা ঘরত্ যানাত্তুন্ আবিলেচ্ গরেদে ঘরত্ যানা গম্, কিত্তে বেক্কুনে একদিন্ মুরি যেবাক্; জেদা মানুচ্চুনোর্ এ কধাগান্ মনত্ রাগানা উজিত্।

উপদেশক 8:1

কন্না জ্ঞানী মান্‌জ্য ধোক্ক্যেন্? যিয়েনি ঘদে কন্না সিয়েনির অত্তগান্ বুঝে? জ্ঞানানে মান্‌জ্যর্ মুয়োনি জোল্‌জোল্যে গরে আর তার মু দরগান্ লারেই দি পারে।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

উপদেশক 9:16

সেনত্তে মুই কলুং, “খেমতাত্তুন্ জ্ঞানান্ গম্,” মাত্তর্ নাঢা মান্‌জ্যর্ জ্ঞানান্ ঈচ্ গরা অয় আর তা কধানি কনজনে ন-শুনোন্।

১ যোহন 2:11

মাত্তর্ যে তা ভেইবোরে ঘিনায় তে আন্ধারত্ আঘে আর আন্ধারত্ আঢাউদো গরের্। তে কোই ন-পারে তে কুধু যার্, কিয়া আন্ধারানে তা চোগ্‌কুন কান্ গুরি দিয়্যে।