উপদেশক 12:2 - Chakma Bible

² সে অক্তত্ বেলান্, পহ্‌রানে, চান্নো আর তারাগুন্ আন্ধার্ ওই যেবাক্, আর ঝর্ দেনার্ পরেদি মেঘ্‌কানে আরঅ ফিরি এঅঅ।

উপদেশক 12:2 ပူးပေါင်းရင်းမြစ်များ

পত্থম 27:1

বুড়ো বয়জত্‌ ইস্‌হাকে চোগেদি রিনি চেবার খেমতাগান এদক্‌ কুমি গেলদে যে, যেরেন্দি তে আর কিচ্ছু ন দেগিদো। একদিন্যে তে তার দাঙর্‌ পুয়ো এষৌরে ডাগিনে কলঅ, “মর্ বাবা।” এষৌ জোবত্ কলঅ, “এইয়্যে দঅ মুই।”

পত্থম 48:10

বুড়ো বয়জত্‌ চোগেদি দেগিবার্‌ খেমতা কম অনার্‌ কারনে ইস্রায়েলে গমেডালে ন-দেগের্। সেনত্তে যোষেফে তা পুয়োগুনোরে তা বাবঅ ইধু নেযেল। সেক্কে ইস্রায়েলে তারারে আজাগুরি ধুরিনে চুমিলো।

গীতসংহিতা 42:7

সিয়েনত্ তর্ তান্‌‌জাঙর্ রবোর্ পানিগানর গুজুরোনিবো ডাগের্; আর তর্ ভাঙিপোজ্যে বেঈ এস্যে তুবোলুন্ মঅ উগুরেন্দি বেঈ যার্।

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

গীতসংহিতা 77:16

ও গোজেন, সাগর পানিগানে তরে দেখ্যে; তরে দেগিনে পানিগান গির্‌গিরে উদিলো, সাগর তলা সং গির্‌গিরে উদিলো।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

যিশাইয় 13:10

সেক্কে আগাজত্ তারা আর নক্ষত্রগুনে পহ্‌র ন-দিবাক্; বেলান্ উদিবার অক্তত্অ আন্ধার থেবঅ আর চানানেয়ো পহ্‌র ন-দিবো।

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যোয়েল 3:15

বেলান্ আর চানান্ আন্ধার্ অবঅ আর তারাগুন পহ্‌‌‌র দেনা বন্ধ গুরি দিবাক্।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

১ শমূয়েল 3:2

সেই সময়োত্‌ এলির চোক্কুন এদক বর্‌বাদ্ ওই যেয়োন্দে যে, তে প্রায়ই ন-দেগিদো। একদিন্যে রেত্ সম্বাগত এলি তার নিজোর জাগানত্‌ ঘুম গেলঅ।

১ শমূয়েল 4:15

এলির বয়সছান সেক্কে আদানব্বই বজর্। তে চোখ্‌‌কানা ওইনে বিলিনেই ন-দেগিদো।

১ শমূয়েল 4:18

গোজেনর্ সাক্ষ্য-সুন্দুগোর কধা শুনোনার লগে লগে এলি গেদো কুরে তার আসনানত্তুন্ পিজেন্দি পড়ি গেলঅ। সেক্কে তার আড়ুন ভাঙি যেইনে তে মুরি গেলঅ, কিত্যে তে বুড়ো ওই যেইয়্যে আর তার কিয়্যেগান ঘুয়োর্‌ এলঅ। তে চোল্লিশ বজর ইস্রায়েলীয়গুনোরে শাজন্ গোজ্যে।