উপদেশক 11:5 - Chakma Bible

⁵ কেধোক্ক্যেন্ গুরিনে মা পেদ ভিদিরে পুয়োবো ইদু আত্মাগান্ চমায়োই সিয়েন্ যেধোক্ক্যেন্ তুই হবর্ ন-পাজ্, সেধোক্ক্যেন্ বেক্কানি বানেয়্যে গোজেনর্ কামানিয়ো তুই বুঝি ন-পারচ্।

উপদেশক 11:5 ပူးပေါင်းရင်းမြစ်များ

ইয়োব 37:23

বেগত্তুন্ খেমতাবলা গোজেনে আমা নাগালর বারেদি আর খেমতান্দি বোউত্ দাঙর্; তার ন্যায়বিচের্ আর সততার কারনে তে অত্যেচার ন-গরে।

ইয়োব 38:4

মুই পিত্‌থিমীর গড়াগান থিদেবর্ গুরিবার অক্তত্ তুই কুদু এলে? যুনি তর্ বুদ্ধি থায় সালে কঅ।

ইয়োব 5:9

তে এবাবোত্যে মহৎ কাম্‌ গরে যিবের্‌ গভীনান্‌ মাবা ন-যায়; তে এন্‌ আমক্‌ অবার্‌ কাম্‌ গরে যিয়েনি গুণিনে থুম্‌ গরা ন-যায়।

গীতসংহিতা 104:24

ও লগেপ্রভু, তুই ভালোক্কানি বানেয়োচ্; তর্ জ্ঞান্দোই সিয়েনি বানেয়োচ্; তর্ বানেয়্যে জিনিজে দুনিয়্যেগান ভরা।

গীতসংহিতা 40:5

ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 92:5

ও লগেপ্রভু, তর্ বেক কামানি কেজান্ দোল্ আর তর্ চিন্তেগান কত্তমান্ গভিন!

উপদেশক 1:13

আগাজ তলেদি যিয়েনি গরা অয় সিয়েনি জ্ঞানদি পোরোক্ক্যে গুরিবাত্তে আর তোগেবাত্তে মুই মনান্ থির্ গুরিলুং। চেলুং, কি অমকদ দুঘ্ গোজেনে মান্‌জ্য উগুরে জাবেই দিয়্যে!

উপদেশক 1:6

বোইয়্যেরান্ দোগিনেদি বায়, সে পরেদি উত্তোরেদি ঘুরি যায়; এবাবোত্যেগুরি ঘুরে আর নিজো পধেদি ফিরি এজে।

উপদেশক 11:4

যে মানুচ্চো যগাজ্যে বোইয়্যেরত্তে বাজ্জেই থায় তা বীজিগুন্ ফেলা ন-অয়; যে মানুচ্চো যগাজ্যে সময়ত্তে বাজ্জেই থায় তার্ খেত্-খেত্তি কাবা ন-অয়।

উপদেশক 3:10

গোজেনে মান্‌‌জ্য উগুরে যে কামানি চাপি দিয়্যে সিয়েনি মুই দেখ্যং।

উপদেশক 3:11

তে বেক্কানিত্তে যগাজ্যে সময় ঠিগ্ গুরি রাগেয়্যে। তে মান্‌জ্য মনত্ উমর কাল পৌইদ্যেনে বুঝিবার্ আওজ্‌চান দিয়্যে, মাত্তর্ তে পৌইল্যাত্তুন্ ধুরি থুম্ সং কি গরে সিয়েন মানুচ্ বুঝি ন-পারন্।

উপদেশক 7:24

জিংকানির আজল্ অত্তগান্ অমকদ গভিন্, সিয়েন নাগালর্ বারেদি; কিত্তে সিয়েন্ তোগেই পারে?

যিশাইয় 40:28

তুমি কি হবর্ ন-পঅ? তুমি কি ন-শুনো? লগেপ্রভু, যিবে জনম ভরা গোজেন, যিবে পিত্‌‌‌থিমীর শেজ্ দুযিগান বানেয়্যে, তে বল্ পোজ্যে ন-অয়, মন্ মরায়ো ন-অয়; তা বুদ্ধির গভীনান্ কনজনে মাবি ন-পারে।

যোহন 3:8

বৈয়্যের্ যিন্দি মনে কয় সিন্দি বায়্ আর তুই তা রবুয়ো শুনোচ্, মাত্তর্ কুত্তুন্ এজে আর কুধু বা যায় সিয়েন তুই হবর্ ন-পাজ্। পবিত্র আত্মাত্তুন্ যিগুনোর্ জর্ম ওইয়্যে সিগুনোর্‌অ ঠিগ্ সেবাবোত্যে অয়।”

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।