উপদেশক 10:20 - Chakma Bible

²⁰ রাজারে মনে মনে অভিশাব্ ন-দুয়ো বা নিজো বিচ্চোন উগুরেত্তুন্ তাগোয়্যেগুনোরে অভিশাব্ ন-দুয়ো, কিত্তে আগাজ পেক্কুনেয়ো তঅ কধাগান্ বুয়োই নেযেই পারন্; তে উড়ি যেইনে তঅ কধানি কোই দি পারে।

উপদেশক 10:20 ပူးပေါင်းရင်းမြစ်များ

২ রাজাবলী 6:12

তার্‌ সেনাপতিগুনো ভিদিরেত্তুন্‌ একজনে কলঅ, “ও মর্‌ গিরোজ্‌ মহারাজ, আমা ভিদিরেত্তুন্‌ কনজনে নেই; মাত্তর্‌ তুই ঘুমযাইদে ঘরানত্‌ যে কধানি কচ্‌ সে কধানি পযন্ত ইস্রায়েলর ভাববাদী ইলীশায় ইস্রায়েলর রাজারে কোই দিদো।”

ইষ্টের 2:22

মর্দখয়ে কুজুরোমির্‌ কধা হবর্‌ পেইনে রাণী ইষ্টেররে সে কধাগান জানেল। রাণী মর্দখয়র নাঙান্‌ কোইনে সিয়েন্‌ রাজারে জানেল।

যাত্রা 22:27

কিত্তে সিয়েন তার্ কিয়্যেত্‌ দিবাত্তে বানা এক্কান্‌ কাবড়্‌। সিয়েন ন-থেলে তে কি কিয়্যেত্‌ দিইনে ঘুমোত্‌ পুরিবো? যুনি তে ইয়েনত্তে মইদু কানে সালে মুই তার্‌ কানানিগান শুনিম, কিত্তে মর্‌ মনান্‌ দোয়্যেলোই ভরা।

যাত্রা 22:28

গোজেনরে অগমান ন-গোজ্য বা তমার শাসনগুরিয়্যেগুনোরে অভিশাব ন-দুয়ো।

যাত্রা 8:3

নীল গাঙান্‌ বেঙোই ভুরি যেবাক্, আর গাঙত্তুন্‌ সিগুন্‌ উদি এবাক্‌, তঅ ঘরত, তঅ ঘুম্‌ যেবার্‌ ঘরত, তঅ বিচ্চোনত্, তঅ কাম্‌ গুরিয়্যেগুনোর্‌ ঘরত, তঅ মানুচ্চুনো ঘরত, তঅ চুলোবোত্‌ আর তঅ মোইদ্যে গুলিবার্‌ পিলেবোত্‌ যেইনে উদিবাক্‌।

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

লূকে লেখ্যে গম্ হবর্ 10:40

মাত্তর্ মার্থা হানা-দানার্ বেবস্থা গত্তে বেস্ত এলঅ। সেনত্তে তে এইনে কলঅ, “প্রভু, তুই কি ন-দেগচ্, মঅ বোন্নো বেক্ কামানি গায় গায় মঅ উগুরে ফেলে দিয়্যে? তুই তারে কঅ যেন তে মরে বল্ দে।”

লূকে লেখ্যে গম্ হবর্ 19:40

যীশু তারারে কলঅ, “মুই তমারে কঙর্, ইগুনে যুনি জুরো গুরি থান্ সালে পাত্তরুনে জগার্ পারি উদিবাক্।”

প্রেরিত্‌ 23:5

সেক্কে পৌলে কলঅ, “ভেইলগ্, মুই হবর্ ন-পেদুং, ইবে দাঙর্ ধর্মগুরু। যুনি হবর্ পেদুং সে কধাগান্ ন-কদুং, কিয়া পবিত্র বোইবোত্ লেগা আঘে, ‘তর্ জাদর্ নেতাবোরে অসর্মান ন-গোজ্জ্য।’ ”