উপদেশক 10:19 - Chakma Bible

¹⁹ আজিহুজিত্তে হানার্ যুক্কোল্ গরা অয়; আংগুর-রস্‌চানে জিংকানিত্ হুজি আনে; টেঙা-পোজে বেক্কানি যুগেই দে।

উপদেশক 10:19 ပူးပေါင်းရင်းမြစ်များ

পত্থম 43:34

যোষেফে তার্‌ নিজো টেবিলোত্তুন্‌ কিজু হানা ভেইয়ুনোরে দিবার্‌ বেবস্থা গুরিলো। অন্য যে কনঅ ভেইয়োত্তুন্‌ বিন্যামীনোরে পাজ্‌গুন্‌ বেজ্ দিয়্যে অলঅ। এবাবোত্যেগুরি তারা যোষেফ লগে হানা-বীনে গুরিলাক্। বেজগুরি আংগুর্‌ রস্‌ হেইনে তারা হুজি অলাক্।

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

১ বংশধর 21:24

মাত্তর্‌ জোবত্‌ রাজা দায়ূদে অরৌণারে কলঅ, “না, সিয়েন্‌ ন-অবঅ। মুই ইয়েনর্‌ পুরো দামান্‌ দিম্‌। যিয়েন্‌ তর্‌ সিয়েন্‌ মুই লগেপ্রভুত্তে ন-নেযেম্‌, বা মাগানা পেইয়্যে এন্‌ কনঅ জিনিস্‌ছোই পূজ্যে-উৎসর্বয়ো ন-গুরিম্‌।”

ইষ্রা 1:6

তারার্ বেক পাড়াল্যেগুনে রুবোর্ পিলে, সনা, অন্য পযাপিরা, য়েমানপাল আর মংগা মংগা জিনিস দিইনে তারারে সাহায্য গুরিলাক্ আর গোজেনর্ ঘরত্যে নিজোর্ আওজে বক্‌‌‌শিজ্অ দিলাক্।

নহিমিয় 5:8

মুই কলুঙ্‌, “অযিহূদীগুনোর্‌ ইদু আমার্‌ যিদুক্কুন্‌ ভেই বেজা যেইয়োন্‌ যিদ্দুর্‌ সম্ভব্‌ তারারে আমি ছাড়িনে আন্যেই। আর ইক্কিনে তুমি তমা ভেইয়ূনোরে বিজিবাত্তে বাধ্য গোজ্য, যিয়েনর কারনে আমাত্তুন্‌ আরঅ তারারে কিনি নেযা পুরিবো।” এ কধাগান শুনিনে তারা জুরো গুরিনে থেলাক্‌, কিত্যে জোব্‌ দেদে ধোক্কেন্‌ তারা কনকিজু তোগেইনে ন-পেলাক্‌।

ইষ্টের 1:10

সাত দিনোত্‌ রাজা অহশ্বেরশে আংগুর-রস হেইনে অমকদ হুজি ওই উদিলো আর মহূমন, বিস্থা, হর্বোণা, বিগ্‌থা, অবগথ, সেথর আর কর্কস নাঙে তার্‌ সাতজন সেবাগুরিয়্যেরে উগুম্‌ দিলো যেনে রাণী বষ্টীরে রাজমুকুট পিনেইনে তা মুজুঙোত্‌ আনা অয়। রাণী চাদে দোল এলঅ বিলিনে রাজা মানুচ্চুনোর্‌ আর দাঙর্‌ পোজিশনর্‌ কামগুরিয়্যেগুনোর্‌ মুজুঙোত্‌ তার্‌ দোলান্‌ দেগেবাত্তে চেইয়্যে।

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

উপদেশক 2:3

মুই স্বজ্ঞানে আংগুর-রস হেইনে কিয়্যেগানরে ঝাগেরেলুং আর ভুলো ধোক্ক্যেন কাম্ গুরিনে নিজোরে হুজি গুরিবার চেলুং। মুই দেগিবাত্তে চেলুং, আগাজ তলেদি মান্‌জ্যর বানা কয়েক দিনোর্ জিংকানিত্ তাত্তেই কুবোন্ গম-জ্ঞানর্ পধেদি যানা নাহি ভুল্ পধেদি যানা।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

যিশাইয় 23:18

মাত্তর্ তার লাভ আর আয় লগেপ্রভুর নাঙে যুদো গুরি রাগা অবঅ; সিগুন জোমেই রাগানা বা থুবোনা ন-অবঅ। যিগুনে লগেপ্রভু মুজুঙোত্ আঢাউদো গরদন্ তারার্ হানা-দানাত্তে আর দোল্ দোল্ কাবড়-চুগোরত্তে তার সে লাভ্‌‍‍‍পুন খরচ্ গরা অবঅ।

যিশাইয় 24:11

পধে পধে আংগুর-রসত্তে রঅ ছাড়ি উদিবাক্। বেক্ রঙ্গ-ফুত্তিগানির বদলে দুঘ্ অবঅ, আর পিত্‌থিমীত্তুন্ বেক্ রঙ্গ-ফুত্তিগানি দূর্ ওই যেবঅ।‌

মথি লেখ্যে গম্ হবর্ 17:27

মাত্তর্ আমা বেবহারে খাজানা-তুলিয়্যেগুনে যেন অগমান্ ন-পান্ ইয়েনত্তে তুই সাগরত্ যেইনে বুড়্‌শি ফেলা, আর পত্তমে যে মাছ্‌‌চো উদিবো সিবের্ মুয়োন্ খুলিলে এক্কো রূবোর্ দীনার্ পেবে। সিবে লোইনে তর্ আর মর্ খাজানাগুন্ দি আয়।”

মথি লেখ্যে গম্ হবর্ 19:21

যীশু তারে কলঅ, “যুনি তুই পুরোপুরি খাটি অবাত্তে চাজ্ সালে যেইনে তর্ বেক্ সোম্বোত্তিগানি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

লূকে লেখ্যে গম্ হবর্ 12:19

যেরেদি মুই নিজোরে কোম্, ভালোক্ বজরত্তে সয়-সাগোজ্যে গম্ গম্ জিনিচ্‌ থুবেইয়্যে আঘে। আরাম্ গরঅ, হানা-দানা গরঅ, রঙ্গ-ফুত্তিয়ে দিন কাদঅ।

লূকে লেখ্যে গম্ হবর্ 16:9

মুই তমারে কঙর্, এ ভান্ন্যেই জগদর্ ধন্‌দোই মানুচ্চুনো সমারে দাংগুত্ব গরঅ, যেন সেই ধনানি ফুরেই যানার্ পরেদি চিরকালত্যে থেবার্ জাগাত্ তমারে গুজি লুয়ো অয়।

লূকে লেখ্যে গম্ হবর্ 8:3

রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।

প্রেরিত্‌ 11:29

সেক্কে শিচ্চ্যগুনে ঠিগ্ গুরিলাক্, যিহূদিয়া রেজ্যর্ বিশ্বেজি ভেইয়ুনোরে সাহায্য দিবাত্যে তারা পত্তিজনে নিজোর্ নিজোর্ সাধ্য মজিম্ টেঙা পাধেবাক্। তারা সিয়েন গোজ্জ্যন্।

প্রেরিত্‌ 2:45

তারা নিজো সোম্বোত্তিগানি বেজিনে যার্ যিদুক্কুন দরকার্ সে ধগে তারে দিদাক্।

১ পিতর 4:3

যিগুনে গোজেনরে ন-জানন্ তারা ধোক্ক্যেন তুমিয়ো আগে পর্‌‌পাগোল্যে ওইনে, ভান্ন্যেই কামনা-বাসনালোই থেইনে, মাত্তল্ গুরিনে, হৈ-হল্লা গুরি মদ খেইনে আর হানা-দানা গুরি আর জঘন্য মুত্তি-পূজো গুরিনে বোউত্ সময় কাদেয়ো।

বিচের গুরিয়্যেগুন 14:10

পরেন্দি শিম্‌শোনর বাপ্পো মিলেবোরে চেবাত্তে গেলঅ। সেক্কে শিম্‌শোনে সিয়েনত্‌ এক্কো খানার যুক্কোল্‌ গুরিলো যিবে নূয়ো জামেয়ুনে সচরাসর্ গুরিদাক্‌।

বিচের গুরিয়্যেগুন 9:13

মাত্তর্‌ জোবত্‌ আংগুরোর্‌ লুদিগানে কলঅ, মর্‌ গুলোগুনোর যে রসছান্দোই গোজেনে আর মানুচ্চুনে হুজি অন্‌ সিয়েন বাদ দিইনে কি মুই গাছচুনো উগুরে দুলিবাত্যে যেইম্‌?

১ শমূয়েল 25:36

অবীগলে যেক্কে নাবল ইদু ফিরি গেলঅ সেক্কে রাজঘরত্‌ যেবাবোত্যে চলিদো সেবাবোত্যে এক্কো হানা তা ঘরত্‌ চলের্‌। নাবলে মদ হেইনে হুজি ওই উদিলো আর পরেন্দি অমকদ মাত্তল্‌ ওই পড়িলো। সেনত্যে অবীগলে বেন্যেমাদান্ ন-অনা সং তারে কিচ্ছু ন-কলঅ।