উপদেশক 10:16 - Chakma Bible

¹⁶ অভিশাবপেইয়্যে সে দেশ্‌ছান, যিয়েনত্ চিগোন্ পুয়োবো রাজপদ্‌তান পায় আর সিদুগোর্ মন্ত্রীগুনে বেন্যেমাদান্ হানা হান্।

উপদেশক 10:16 ပူးပေါင်းရင်းမြစ်များ

১ রাজাবলী 12:11

তঅ বাপ্পো তারা উগুরে যে ঘুয়োর্‌ জুঙোলান্‌ চাপি দিয়্যে সিয়েন্‌ তুই আরঅ ঘুয়োর্‌ গুরিবে। তঅ বাপ্পো তারারে মাজ্যেদে চাবুক্‌কোই মাত্তর্‌ তুই তারারে মারিবেদে কাঙারা-বিজেলোই।”

২ বংশধর 13:7

কয়েক্কো অপদাত্ত আর পাজি মানুচ্‌ যারবিয়ামর চেরোকিত্তে এগত্তর্‌ ওইনে শলোমন পুয়ো রহবিয়াম বিরুদ্ধে থিয়্যেলাক্‌। সে অক্তত্‌ রহবিয়ামে এলদে গাবুজ্যে আর তার্‌ অভিজ্ঞতা এলদে কম; তারারে মানা গরেদে ধোক্ক্যেন যোগাজ্যে বল্‌ তার্‌ ন-এলঅ।

২ বংশধর 36:11

সিদিকিয় এগোজ্‌ বজর্‌ বয়জত্‌ রাজা ওইয়্যে আর এগার বজর্‌ যিরূশালেমত্‌ রাজাগিরি গোজ্যে।

২ বংশধর 36:2

যিহোয়াহসে তেইশ বজর্‌ বয়জত্‌ রাজা ওইয়্যে আর তিন মাস যিরূশালেমত্‌ রাজাগিরি গোজ্যে।

২ বংশধর 36:5

যিহোয়াকীমে পোজোশ বজর্‌ বয়জত্‌ রাজা ওইয়্যে আর এগার বজর্‌ যিরূশালেমত্‌ রাজাগিরি গোজ্যে। তা গোজেনে লগেপ্রভুর চোগেদি যিয়েনি ভান্ন্যেই তে সিয়েনি গুরিদো।

২ বংশধর 36:9

যিহোয়াখীনে আদার বজর বয়জত্‌ রাজা ওইয়্যে আর তিন মাস দশ দিন যিরূশালেমত্‌ রাজাগিরি গোজ্যে। লগেপ্রভুর চোগেদি যিয়েনি ভান্ন্যেই তে সিয়েনিই গুরিদো।

গম্ উপদেজ্ 28:16

যে শাজন্ গুরিয়্যেবোর বিচের বুদ্ধি নেই তে অমকদ অত্যেচার গরে; যে শাজন্ গুরিয়্যেবো লুভ গরানা ঘিনেই তে ভালোক্‌দিন বাঁজি থায়।

উপদেশক 10:15

ভুলোর্ কামানিয়ে তারে বল্ পোজ্যে গরে; তে এদক্ বেদমা যে, শঅরত্ যেবার্ পথ্‌তান্‌অ তে হবর্ ন-পায়।

যিশাইয় 3:12

যিগুনে মঅ মানুচ্চুনোরে অত্যেচার গরন্ তারা চিগোন গুরো ধোক্ক্যেন্, আর যিগুনে তারারে শাজন্‌ গরন্ তারা মিলে ধোক্ক্যেন্। ও মঅ মানুচ্চুন্, তমারে পথ দেগেবার মানুচ্চুনে তমারে ভান্ন্যেই পধেদি নেযায়; তারা গম্ পধত্তুন্ তমারে ভান্ন্যেই পধেদি নেযায়।

যিরমিয় 21:12

‘ও দায়ূদর বংশ, মুই লগেপ্রভু কঙর্, তুমি পত্তিদিন বেন্যেমাদান্ ন্যায়বিচের গুরিবে। যিবেরে লুদো ওইয়্যে তারে তা অত্যেচারির আঢত্তুন্ উদ্ধোর গুরিবে; সিয়েন ন-গুরিলে তমা ভান্ন্যেই কামানিত্তে মঅ রাগ্‌‌কান নিগিলেনেই আগুনো ধোক্ক্যেন জুলিবো, কনজনে সিয়েন মারেই ন-পারিবো।