উপদেশক 1:8 - Chakma Bible

⁸ বেক্কানি ঘুরি ঘুরি এজে আর বল্‌পোজ্যে অয়; সে পৌইদ্যেনে কবার্ কধা কারর্ নেই। চোগ্‌কুনে যেদক্ দেগিদাক্ সাৎ আরঅ দেগিবাত্তে চায়, কানানিয়ে যেদক্ শুনিদো সাৎ আরঅ শুনিবাত্তে চায়।

উপদেশক 1:8 ပူးပေါင်းရင်းမြစ်များ

গীতসংহিতা 63:5

য়েরা আর আড় মগজ্‌সোই ঈল্ ওইয়্যে মান্‌জ্য ধোক্ক্যেন মঅ পরাণান্ ; মর্ মুয়োনে অমকদ হুজিয়ে তরে নাঙ্ গিনিবো।

গম্ উপদেজ্ 27:20

গোর জাগা আর নরগর্ যেধোক্ক্যেন কনদিন্অ ঈল্ ন-অয়, সেধোক্ক্যেন্ মান্‌‌জ্য চোগোর্‌‌অ ঈল্ ন-অয়।

উপদেশক 1:7

বেগ্ গাঙানি সাগরত্ যেইনে পড়ে, তো সাগরান্ কনদিন্অ পেলেং পেলেং ন-অয়; যিয়েনত্তুন্ বেগ্ গাঙানি নিগিলি এজে আর সিদু তা পানিগান্ ফিরি যায়।

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

উপদেশক 6:7

মান্‌জ্যর বেক্ কাম্ গরানাগানি তারার্ পেদত্তে, তো তার্ পেট্ পুরোনা কনদিন্অ মন্ ন-ভরে।

হগয় 1:9

“তুমি বোউত্ ফসল পেবার্ আজা গোজ্য, মাত্তর্ কম পেইয়ো। তুমি যিয়েনি ঘরত্ আন্য সিয়েনি মুই উড়েই দুয়োং। কিত্তে দুয়োং? মঅ ঘরত্তে সিয়েনি গোজ্যং, কিত্যে সেই ঘরান ভস্ত ওই পড়ি আঘে আর ইন্দি তুমি পত্তিজনে নিজো নিজো ঘর্‌লোই কামত্ আগঅ।‌

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।