দ্বি’লম্বর বিররণ 9:7 - Chakma Bible7 তুমি ধূল্যেচর-চাগালাত্ তমার্ গোজেন লগেপ্রভুর রাক্কান্ কিঙিরিনে জাগেই তুল্য সিয়েন্ মনত্ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্ দিনোত্তুন্ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্ ভাব মনত্ গুরি এজর্। အခန်းကိုကြည့်ပါ။ |
দ্বি’লম্বর বিররণ 9:7
33 ပူးပေါင်းရင်းမြစ်များ
মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।
এই মানুচ্চুনোত্তুন্ একজনেয়ো সেই দেজ্চান্ চেই ন-পেবাক, যে দেজ্চান্ দিম্ বিলি মু্ই তারার্ পুরোণি মানুচ্চুনো ইদু শমক্ গোজ্যং। ইয়েনর্ কারণান্ অলঅ, এই মানুচ্চুনে মর্ মহিমাগান্ আর মিসরর্ ধূল্যেচর-চাগালাত্ দেগেয়্যে মর্ আমক্ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্চান্ ন-দেগিবাক।
তমার গোজেন লগেপ্রভু তমা মুজুঙোত্তুন্ তারারে ধাবেই দেনার্ পরেন্দি তমাত্তুন কনজনে যেন মনে মনে কই ন-পারন, মুই ধার্মিক বিলিনে লগেপ্রভু এ দেজ্ছান্ গজক্ গুরিবাত্তে মরে ইদু আন্যে। আসলে সিয়েন্ নয়; এ বেক্ জাদর্ মানুচ্চুনোর্ ভান্ন্যেই কামানিত্যেই লগেপ্রভু তমা মুজুঙোত্তুন্ তারারে ধাবেই দিবাত্তে যার্।
ကြော်ငြာတွေ