দ্বি’লম্বর বিররণ 9:27 - Chakma Bible

²⁷ তর্‌ চাগর্‌ অব্রাহাম, ইসহাক আর যাকোবর কধানি মনত্‌ তুল্‌। এ মানুচ্চুনোর্‌ একবুস্যেগানি, ভান্ন্যেয়ানি আর পাপর্‌ কামানন্দি ন চেইচ্‌।

দ্বি’লম্বর বিররণ 9:27 ပူးပေါင်းရင်းမြစ်များ

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

গীতসংহিতা 130:3

ও লগেপ্রভু, তুই যুনি অন্যেয়র ইজেব রাগাচ্, সালে ও প্রভু, কন্না থিয়্যেই থেই পারিবো?

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

যাত্রা 13:5

যেক্কে লগেপ্রভু তমারে কনানীয়, হিত্তীয়, ইমোরীয়, হিব্বীয় আর যিবূষীয়গুনোর্‌ দেজত্‌ নেযেব সেক্কে তুমি বজরর্‌ এই মাস্যত্‌ এই অনুষ্ঠানান্ পালন গুরিবা। ইয়েনই সেই দেজ্‌ছান যিয়েন্‌ লগেপ্রভু তমারে দিবো বিলি তমার পুরোণি মানেইয়ুনো ইধু শমক্‌ গোজ্যে। সিয়েনত্‌ দুধ, মধু আর কনঅ‌ কিজুর্‌ অভাব নেই।

যাত্রা 3:16

তুই যেইনে ইস্রায়েলীয় বুড়ো নেতাগুনোরে একলগে এগত্তর্‌ গুরি তারারে কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে দেগা দিইনে কোইয়্যেদে, তমা ইন্দি আর মিসরত্‌ তমা উগুরে যিয়েনি গরা অর্‌ সিন্দি মর্‌ চোগ্‌ আঘে।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

গম্ উপদেজ্ 21:12

ন্যায়বলা গোজেনে পাজি পরিবার মানুচ্চুনোরে চোগে চোগে রাগায় আরে তে পাজিগুনোরে ভস্ত গরে।

যিরমিয় 14:21

তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

লেবীয় 26:42

সালে মুই যাকোব, ইস্‌হাক আর অব্রাহামর্‌ লগে মর্‌ সুদোমর্‌ কধা আর তারার্‌ দেজর্‌ কধা মনত্‌ তুলিম্‌।

লেবীয় 26:45

তারাত্তেই তারার্‌ আগমানুচ্চুনো সমারে মর্‌ সুদোমর্‌ কধা মুই মনত্‌ তুলিম। এই আগমানুচ্চুনোর্‌ গোজেন অবঅ বিলি অন্য জাদর্‌ চোগো মুজুঙোন্দি মিসর্‌ দেজত্তুন্‌ মুই তারারে নিগিলেই আন্যং। মুই লগেপ্রভু।”

দ্বি’লম্বর বিররণ 9:26

তাইদু মুই ইয়েন্‌ কোইনে তবনা গোজ্যং, ও প্রভু লগেপ্রভু, তঅ মানুচ্চুনোরে তুই ভস্ত গুরি ন-ফেলেচ্‌। তারা দঅ তরই সোম্বোত্তি যিগুনোরে তুই তর্‌ দাঙর্‌ বল্লোই উদ্ধোর্‌ গোজ্যস্‌ আর তর্‌ বোলী আত্তান্‌ বেবহার্‌ গুরিনে মিসর দেজত্তুন্‌ নিগিলেই আন্যচ্‌।

দ্বি’লম্বর বিররণ 9:28

সিয়েন্‌ গুরিলে যে দেজত্তুন্‌ তুই আমারে নিগিলেই আনিলে সে দেজর্‌ মানুচ্চুনে কবাক্, লগেপ্রভু তার্‌ এগেম্ গোজ্যে দেজত্‌ তারারে নেযেই ন-পারে বিলিনে বা তে তারারে ঘিনাই বিলিনে তারারে মারে ফেলেবাত্তে এ ধূল্যেচর-চাগালাত্ আন্যে।

১ শমূয়েল 25:25

মর্‌ গিরোজ্‌সো যেনে সেই জঘন্য মান্‌জ্যর্‌, অত্তাৎ নাবলর্ কধানি ন-ধরে। তার্‌ নাঙান্‌ যেধোক্ক্যেন তেয়ো সেধোক্ক্যেন। তার্‌ নাঙানর্‌ ভেদ্‌তান্ একবুস্যে, আর সিয়েন ভিদিরে আঘে বানা একগেয়েমী। মর্‌ গিরোজ্‌সো যিদুক্কুন মানুচ্‌ পাদেয়্যে তারার্‌ লগে তর্‌ এই চাগরানীবোর্‌ দেগা ন-অয়।