দ্বি’লম্বর বিররণ 9:21 - Chakma Bible

²¹ তমার্‌ সে পাপর জিনিস্‌ছান, অত্তাৎ তমার বানেয়্যে সেই দামাড়া গোরুবোরে নেযেইনে মুই আগুনোত্‌ পুড়ি দুয়োং। সে পরেন্দি মুই সিবে ধূল্যে ধোক্ক্যেন গুঁড়ি গুরি নেযেইনে মুড়োত্তুন্‌ বেঈ এচ্চ্যে গাঙর্‌ গঙারত্‌ ফেলে দুয়োং।

দ্বি’লম্বর বিররণ 9:21 ပူးပေါင်းရင်းမြစ်များ

১ রাজাবলী 15:13

এন্‌ কি, তে তার্‌ বরঙাবো মাখারেয়ো রাজমাতার পধত্তুন্‌ সোরেই দিলো, কিত্তে তে ইক্কো জঘন্য আশেরা-মূত্তি বানেয়্যে। আসা সে মূত্তিবো কাবি ফেলেইনে কিদ্রোণ কিঝিঙোত্‌ নেযেইনে সিবে পুড়ি ফেলেল।

যাত্রা 32:20

মোশি তারার্‌ বানেয়্যে সেই গুরু ছবোর্‌ মূত্তিবো আগুনোত্‌ পুড়ি দিলো। সে পরেদি সিবে নিগুজ্‌ গুরিনে পানি উগুরে ছিদি দিইনে ইস্রায়েলীয়গুনোরে হাবেল।

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিশাইয় 31:7

কিত্তে সেদিন্যে তুমি বেক্কুনে যেদক্কানি সনা আর রূবোর্ মূত্তি বানেইনে পাপ গোজ্য সিগুন দূর্ গুরি দিবা।

হোশেয় 8:11

“পাপ দূর গুরিবাত্তে ইফ্রয়িমে ভালোক্কুন্ পূজো বানেয়্যে, মাত্তর্ সিগুন ওইয়োন পাপ গুরিবার পূজো।

মীখা 1:7

তার্ বেক মূত্তিগুন কট্টা কট্টা গুরি ভাঙি ফেলা অবঅ; তার মন্দির-বেশ্যেগুনোর বেক কামেয়্যেগুন্ আগুন্দোই পুড়ো অবঅ; তার বেক মূত্তিগুন মুই ভস্ত গুরি ফেলেম। তে দঅ বেশ্যেগিরির পাওনা ইজেবে ইগুন পেইয়্যে সেনত্তে সিগুন আরঅ বেশ্যেগিরিত্তে বেবহার গরা অবঅ।”

দ্বি’লম্বর বিররণ 9:20

হারোণরে ভস্ত গুরি ফেলাইদে ধোক্ক্যেন রাগঅ তার্‌ ওইয়্যে মাত্তর্‌ সে অক্তত্‌ মুই হারোণত্তেয়ো কোজোলী গোজ্যং।