দ্বি’লম্বর বিররণ 9:2 - Chakma Bible

² সিদুগোর্‌ মানুচ্চুনে অনাকীয়; তারা লাম্বা আর বোলী। তুমি অনাকীয়গুনো পৌইদ্যেনে হবর্‌ পঅ; তারা পৌইদ্যেনে তুমি এ কধাগান্‌ কবাত্তে শুন্ন্য, অনাকীয়গুনোর্‌ বিরুদ্ধে যেই পারন্‌ এধোক্ক্যেন মানুচ্‌ কুদু?

দ্বি’লম্বর বিররণ 9:2 ပူးပေါင်းရင်းမြစ်များ

ইয়োব 11:10

তে এইনে যুনি তরে জেলোত্‌ বন্দী গরে আর বিচের্‌ বজায়, সালে কন্না তারে মানা গুরি পারে?

যাত্রা 9:11

যাদু গুরিয়্যেগুনে মোশি মুজুঙোত্‌ ঠিয়্যেই ন-পারিলাক্, কিত্তে অন্য মিসরীয়গুনো ধোক্ক্যেন তারার্‌অ ফোড়া ওইয়োন্‌।

দানিয়েল 11:16

আক্রমন গুরিয়্যেবো যিয়েন হুজি সিয়েনই গুরিবো; তা বিরুদ্ধে কনজনে থিয়্যেই ন-পারিবাক্। দোল্ দেজ ভিদিরে তে নিজোরে থিদেবর্ গুরিবো আর সিয়েন ভস্ত গুরিবার খেমতা তার থেবঅ।

দানিয়েল 8:4

মুই দেগিলুং ভেড়াবো পোজিমেদি, উত্তোরেদি আর দোগিণেদি গুদো মারিলো। তা মুজুঙোত্ কনঅ য়েমানে ঠিগি ন-পারিলো আর তা আঢত্তুন্ উদ্ধোর গুরি পারন্ এমন কনজন ন-এলাক্। তে যিয়েন হুজি সিয়েনই গুরিদো আর তে খেমতাবলা ওই উদিলো।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

গণাণা 13:28

মাত্তর্‌ যিগুনে সেই জাগানত্‌ বজত্তি গত্তন্‌ তারার্‌ কিয়্যেত্‌ বল্‌ বেশ্‌ আর তারার শঅরানিয়ো অমহদ দাঙর্‌ দাঙর্‌ আর দেবাল্‌লোই ঘিজ্যে। অনাকর বংশর মানুচ্চুনোরেয়ো আমি সিয়েনত্‌ দেক্ক্যেই।

গণাণা 13:33

আমি সিয়েনত্‌ নেফিলীয়গুনোরে দেক্ক্যেই। অনাকর্‌ বংশর মানুচ্চুনে দঅ জাদত্‌ নেফিলীয়। তারারে দেগিনে আমি নিজোরে মনে গুরিলোং ঘাস-ফিরিং আর তারায়ো আমারে সেধোক্ক্যেন মনে গুরিলাক।”

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 2:21

রফায়ীয়গুনে বোলী আর মান্‌জোন্দি ভালোক্কুন্‌ এলাক্। তারা এলাক অনাকীয়গুনো ধোক্ক্যেন লাম্বা। লগেপ্রভু অম্মোনীয়গুনোরে দিইনে তারারে শেজ্ গুরি ফেলেয়্যে; অম্মোনীয়গুনে রফায়ীয়গুনোরে ধাবেই দিইনে তারার্‌ জাগানিত্‌ বজত্তি গুরিলাক্‌।

দ্বি’লম্বর বিররণ 7:24

তারার্‌ রাজাগুনোরে তে তমা আঢত্‌ তুলি দিবো আর তুমি তারার্‌ নাঙানি পিত্‌থিমীত্তুন্‌ পুজি ফেলেবা। কনজনে তমারে মানা গুরিনে রাগেই ন-পারিবাক্‌; তুমি তারারে ভস্ত গুরি ফেলেবা।

যিহোশূয় 11:21

ইয়েনর্ পরেন্দি যিহোশূয় যেইনে মুড়ো-মুড়ি চাগালাত্‌‌ অনাকীয়গুনোরেয়ো মারে ফেলেল। এ চাগালাগান ভিদিরে এলাক্‌ হিব্রোণ, দবীর আর অনাব শঅ‌র আর যিহূদা আর ইস্রায়েলর বেক্‌ মুড়ো-মুড়ি জাগায়ানি। তে অনাকীয়গুনোরে আর তারার শঅ‌রানি আর আদামানি এক্কুবারে ভস্ত গুরি দিলো।

যিহোশূয় 11:22

ইস্রায়েলীয়গুনোর্‌ দেজঅ‌ ভিদিরে কনঅ অনাকীয় আর্‌ বাঁজি ন-রলাক্‌; বানা গাজা, গাৎ আর অস্‌দোদত্‌ কয়েক্কো অনাকীয় বাঁজি রলাক্‌।

যিহোশূয় 15:14

সে পরেন্দি শেশয়, অহীমান আর তল্‌ময় নাঙে তিনজন অনাকীয়রে কালেব হিব্রোণত্তুন ধাবেই দিলো। ইগুনে এলাক্‌ অনাকর বংশধর।