দ্বি’লম্বর বিররণ 9:18 - Chakma Bible

¹⁸ লগেপ্রভুর চোগেদি ভান্ন্যেই এধোক্ক্যেন বেক্‌ পাপ্পানি গুরিনে তুমি তার্‌ রাগ্‌কান জাগেই দুয়ো বিলিনে মুই আগঅ ধোক্ক্যেন আরঅ চোল্লিশ দিন আর চোল্লিশ রেত্‌ লগেপ্রভুর মুজুঙোত্‌ আদু পাড়িনে পড়ি রোলুং; পানি বা পিদে কিচ্ছু মুয়োত্‌ ন-দিলুং।

দ্বি’লম্বর বিররণ 9:18 ပူးပေါင်းရင်းမြစ်များ

২ শমূয়েল 12:16

সেক্কে দায়ূদে পূঅবোত্তে গোজেন ইদু কোজোলী গরা ধুরিলো। তে উবোস্‌ থেলঅ আর তা ঘরত্‌ যেইনে মাদিত্‌ ঘুম যেইনে রেত্তো কাদেল।

১ রাজাবলী 19:8

সেনত্তে তে উদিনে হেলঅ। সে হানাগান হেই বল্‌ ওইনে তে চোল্লিশ দিন আর চোল্লিশ রেত্‌ আদিনে গোজেন মুড়ো হোরেবত্‌ যেইনে লুমিলো।

ইষ্রা 10:6

সে পরেদি ইষ্রা গোজেনর্ ঘর মুজুঙোত্তুন্ ইলীয়াশীবর পুয়ো যিহোহাননর ঘুদিবোত্ গেলঅ। তে সিয়েনত্ হানা বা পানি কিচ্ছু ন হেলঅ, কিত্যে বন্দীদযাত্তুন্ ফিরি এচ্চ্যে মানুচ্চুনোর অবিশ্বেজত্যে তে আবিলেচ্ গুরিলো।

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

যাত্রা 34:28

সিনাই মুড়োবো উগুরে মোশি লগেপ্রভু ইদু চল্লিশ দিন আর চল্লিশ রেত্‌ এলঅ‌। এই সময়ো ভিদিরে তে কনঅ পিদে বা পানি ন-খায়। লগেপ্রভু সেই পাত্তরর্‌ আরুগ্ দ্বিবে উগুরে তার্‌ সুদোমর্‌ কধানি আরঅ‌ লিগি দিলো, আর সিয়েনিই অলঅ‌ সেই দশ্‌ছান্‌ উগুম্‌।

দ্বি’লম্বর বিররণ 10:10

আগঅ ধোক্ক্যেন সেক্কেয়ো মুই চোল্লিশ দিন আর চোল্লিশ রেত্‌ মুড়োবো উগুরে এলুং আর সে বারদ্অ লগেপ্রভু মঅ কধানি শুন্ন্যে। তমারে ভস্ত গুরি দিবার্‌ আওজ্ তার্‌ ন-এলঅ।

দ্বি’লম্বর বিররণ 9:17

সেনত্যেই মুই সে পাত্তর আরুগ্ দ্বিবে মঅ আদত্তুন্‌ লুঙি মারিনে ফেলেই দিলুং। তমা চোগোর্‌ মুজুঙোত্‌ সেই দ্বিবে পাত্তর্‌ কট্টা কট্টা ওইনে ভাঙি গেলঅ।

দ্বি’লম্বর বিররণ 9:25

লগেপ্রভু তমারে ভস্ত গুরি দিবার্‌ কধা কোইয়্যে বিলিনে মুই সে চোল্লিশ দিন আর চোল্লিশ রেত্‌ সং লগেপ্রভুর মুজুঙোত্‌ আদুপাড়িনে পুড়ি রোইয়োং।

দ্বি’লম্বর বিররণ 9:9

লগেপ্রভু যে সুদোমান তমাত্যে থিদেবর্ গোজ্যে সেই সুদোমান লেখ্যে পাত্তরর্‌ ফলগত্‌ দ্বিবে গুজি লবাত্তে মুই মুড়ো উগুরে উদিনে চোল্লিশ দিন আর চোল্লিশ রেত্‌ সিয়োদোই এলুং। সেক্কে মুই পানি বা পিদে কিচ্ছু ন-খাং।