দ্বি’লম্বর বিররণ 9:14 - Chakma Bible

¹⁴ না, তুই মরে মানা ন-গুরিচ্‌; মুই তারারে ভস্ত গুরি ফেলেম্‌ আর পিত্‌থিমীত্তুন্‌ তারার্‌ নাঙানি তুলি ফেলেম্‌। সে পরেন্দি তর্‌ মাধ্যমে মুই আরঅ বোলী আর দাঙর্‌ এক্কো জাদর্‌ সৃট্টি গুরিম্‌।

দ্বি’লম্বর বিররণ 9:14 ပူးပေါင်းရင်းမြစ်များ

ইষ্রা 9:14

আমি কি আরঅ তর্ উগুমানি অমান্য গুরিনে সেই জঘন্য কাম গোজ্যে মানুচ্চুুনো সমারে বৌ বেপারে কধা কবং? সিয়েন গুরিলে দঅ তুই আমা উগুরে এমন রাগ গুরিবে যিয়েনত্যে তুমি আমারে ভস্ত গুরি ফেলেবে আর আমারে কাররে বাঁজি থেবাত্যে ন দিবে।

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

গীতসংহিতা 109:13

তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

গীতসংহিতা 9:5

তুই অন্য জাদ্‌তুনোরে ওদেই দুয়োচ্ আর পাজিগুনোরে ভস্ত গোজ্যস্; তারার্ নাঙানি তুই উমরত্যে বাদ্ দুয়োচ্।

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

যিশাইয় 48:19

ইয়েনিবাদে তমা বংশধরুনে ধূল্যে ধোক্ক্যেন অদাক্ আর তমা ঝি-পুয়োগুনে অদাক্ ধূল্যেচর ধোক্ক্যেন গুণি ন-পুরেইয়্যে। তারা নাঙানি মঅ মুজুঙোত্তুন্ কনদিন্অ ফুজি ফেলা ন-অদঅ বা তারারে ভস্ত গরা ন-অদঅ।”

যিরমিয় 14:11

সে পরেদি লগেপ্রভু মরে কলঅ, “তুই এ মানুচ্চুনোর ভালেদিত্তে তবনা ন-গুরিচ্।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 7:16

লগেপ্রভু কোইয়্যেদে, “এ মানুচ্চুনোত্তে তুই কনঅ তবনা ন-গুরিচ্, বা তারাত্তে কানাকুদি বা কনঅ বিশেষ কোজোলী ন-গুরিচ্; মইধু কনঅ মিনতিয়ো ন-জানেবে, কিত্তে মুই তঅ কধা ন-শুনিম।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।

দ্বি’লম্বর বিররণ 32:26

মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।

ফগদাং পেইয়্যে 3:5

যে জিদিবো তে এবাবোত্যে ধুব্ পোজাক্ পিনিবো। জিংকানি-বোইবোত্তুন্ তা নাঙান্ মুই কনদিনঅ পুঝি ন-ফেলেম, বরং মঅ বাব্‌পো আর তা দুত্‌তুনো মুজুঙোত্ মুই তারে স্বীগের্ গুরি নিম।