দ্বি’লম্বর বিররণ 9:12 - Chakma Bible

¹² সে পরেন্দি তে মরে কোইয়্যেদে, তুই আর দেরি ন-গুরিনে ইক্কিনে তলেন্দি লামি যাহ্, কিত্যে যে মানুচ্চুনোরে তুই মিসর দেজত্তুন্‌ নিগিলেই আন্যচ্‌ তারা ভান্ন্যেই পদথ্‌ যেইয়োন। যে পধন্দি চলিবার্‌ উগুম্‌ মুই দুয়োং এ ভিদিরে তারা সিয়েনত্তুন্‌ দূরোত্‌ সুরি যেইয়োন আর পূজোত্তে ছাঁঝি ফেলেয়্যে এক্কো মূত্তি বানেই নেযেয়োন।

দ্বি’লম্বর বিররণ 9:12 ပူးပေါင်းရင်းမြစ်များ

গীতসংহিতা 78:57

তারার পুরোণি মানুচ্চুনো ধোক্ক্যেন তারা গম্ পদত্তুন সুরি যেইনে বেইমানি গুরিলাক্; বজং ধনু ধোক্ক্যেন তারা বেঙা গুরি থেলাক্।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

হোশেয় 6:4

লগেপ্রভু কত্তে, ও ইফ্রয়িম, মুই তরে নিইনে কি গুরিম? ও যিহূদা, তরে নিইনে বা মুই কি গুরিম? তর্ বিশ্বেজ্‌‌‌‌চান বেন্যেমাদান কুয়ো ধোক্ক্যেন, সিয়েন বেন্যেমাদান শিরো পানি ধোক্ক্যেন যিয়েন যাদিমাদি শুগেই যায়।

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

দ্বি’লম্বর বিররণ 31:29

মুই হবর্‌ পাংগে যে, মর্‌ মরাণার পরেন্দি তুমি এক্কুবারে ভান্ন্যেই ওই যেবা আর যে পদেন্দি মুই তমারে চলিবার উগুম দুয়োঙর্‌ তুমি সিয়েনত্তুন সোরেই যেবা। আগামিদি তমা উগুরে দযা লামি এবঅ, কিত্যে লগেপ্রভুর চোগোত্‌ যিয়েনি ভান্ন্যেই তুমি সিয়েনি গুরিবা আর তমার নিজোর আঢ্‌তোই বানেয়্যে মূত্তিলোই তুমি তারে অখুজি গুরিবা।”

দ্বি’লম্বর বিররণ 32:5

তা উগুরে তার মানুচ্চুনে ভান্ন্যেই বেবহার গোজ্যন্‌। তারার মনর্ কুজুরোমিত্যেই সিগুনে আর তার পূঅ নয়।

দ্বি’লম্বর বিররণ 4:16

যেনে তুমি ভান্ন্যেই পদথ্‌ যেইনে পূজোর্‌ নাঙে কনঅ মূত্তি ন-বানঅ বা কনঅ চেঙেরার্‌ মূত্তি ন বানঅ-সিবে মরদর্‌ বা মিলের্‌ ওক্‌,

দ্বি’লম্বর বিররণ 5:15

মনত্‌ রাগেয়ো, তুমিয়ো মিসর দেজত্‌ চাগর্‌ এলা আর তমা গোজেন লগেপ্রভু তার্‌ দরমর আর বোলী আত্তান বাবেইনে সিয়েনত্তুন্‌ তমারে নিগিলেই আন্যে। সেনত্তে তে জিরেবার্‌ দিন্নোরে পালন গুরিবাত্তে তমারে উগুম দিয়্যে।

দ্বি’লম্বর বিররণ 9:16

মুই চেইনে দেগিলুং, তুমি তমার গোজেন লগেপ্রভুর বিরুদ্ধে পাপ গোজ্য; পূজোত্তে তুমি ছাঁঝি ফেলেয়্যে এক্কো দামাড়া গোরুর্‌ মূত্তি বানেই নেযেয়ো। লগেপ্রভু তমারে যে পধন্দি চলিবার্‌ উগুম্‌ দিয়্যে তুমি সেই সময়ান ভিদিরে সে পথ্‌তানত্তুন্‌ সুরি যেইয়ো।

দ্বি’লম্বর বিররণ 9:26

তাইদু মুই ইয়েন্‌ কোইনে তবনা গোজ্যং, ও প্রভু লগেপ্রভু, তঅ মানুচ্চুনোরে তুই ভস্ত গুরি ন-ফেলেচ্‌। তারা দঅ তরই সোম্বোত্তি যিগুনোরে তুই তর্‌ দাঙর্‌ বল্লোই উদ্ধোর্‌ গোজ্যস্‌ আর তর্‌ বোলী আত্তান্‌ বেবহার্‌ গুরিনে মিসর দেজত্তুন্‌ নিগিলেই আন্যচ্‌।

দ্বি’লম্বর বিররণ 9:29

মাত্তর্‌ ইগুনে দঅ তরই মানুচ্‌, তরই সোম্বোত্তি যিগুনোরে তুই তর্‌ আত্‌তান বাড়ে দিইনে দাঙর্‌ বল্লোই নিগিলেই আন্যচ্‌।

যিহূদা 1:10

মাত্তর্ এই ভন্ড মাষ্টরুনে যিয়েন ন-বুঝোন সে পৌইদ্যেনে ভান্ন্যেই কধা কন্ আর বুদ্ধিনেইয়্যে এ্যামানুনো ধোক্ক্যেন নিজোত্তুন্ যিয়েন বুঝোন সিয়েন্দোই ভস্ত অন্।

বিচের গুরিয়্যেগুন 2:17

মাত্তর্‌ তো ইস্রায়েলীয়গুনে এ শাজন্ গুরিয়্যেগুনোর কধালোই কান ন-পাদিদাক্‌। লগেপ্রভু উগুরে বিশ্বেজ্ আরেইনে তারা দেব-দেবেদাগুনো ইদু নিজোরে মিজেই দিদাক্‌ আর তারারে পূজো গুরিদাক্‌। তারার্‌ পূরোণি মানুচ্চুনে লগেপ্রভুর উগুম পালন গুরিনে যে বাধ্যতার পদেন্দি চলিদাক্‌ তারা সেই পথ্‌তানন্দি ন-আদিনে কয়েকদিনো ভিদিরেই সে পথ্‌তানত্তুন্‌ সুরি যেদাক্‌।