দ্বি’লম্বর বিররণ 9:1 - Chakma Bible

¹ ইস্রায়েলীয়গুন্‌, শুনো। যিদুক্কুন জাদে তমাত্তুন মান্‌জ্যর সোংখ্যেন্দি আর বলেদি বেশ্‌ তুমি ইক্কিনে যেইনে তারার্‌ আগাজত্‌ বাস্যে দেবাল্লোই ঘিজ্যে দাঙর্‌ দাঙর্‌ শঅরানি গজক্ গুরিবাত্তে যর্দন গাঙান্‌ পার্‌ অবাত্তে যর্‌।

দ্বি’লম্বর বিররণ 9:1 ပူးပေါင်းရင်းမြစ်များ

পত্থম 11:4

তারা কলাক্, “এজঅ, আমি আমাত্তে এক্কান্‌ শঅর্‌ বানেই আর এন্‌ এক্কান অজল ঘর বানেবং যিয়েনর মাদাবো যেইনে আগাজত্‌ লুমিবো। সিয়েনত্‌ আমার সুনাঙ্অ অবঅ আর আমি গোদা পিত্‌থিমীগানত্‌অ ছিদি ন-পড়িবোং।”

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

দানিয়েল 4:11

গাজ্‌‌‌চো বাড়ি উদিনে দাঙর্ আর দরমর অলঅ আর তা মাঢাবো যেইনে আগাজত্ লুমিলো; পিত্‌‌‌থিমীর শেজ্ দুযিত্তুন্‌অ গাজ্‌‌‌চোরে দেগা যার্।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 11:23

সিয়েনি গুরিলে লগেপ্রভু তমা মুজুঙেত্তুন্‌ সে বেক্‌ জাদ্‌তুনোরে নিগিলেই দিবো, আর তুমি তমাত্তুন্‌ বেশ্‌ দাঙর্‌ দাঙর্‌ আর বোলী জাদ্‌তুনোরে গজক্ গুরিবা।

দ্বি’লম্বর বিররণ 11:31

তমার গোজেন লগেপ্রভু যে দেজ্‌ছান তমারে দিবাত্তে যার্‌ সে দেজ্‌ছান গজক্ গুরিবাত্তে তুমি যর্দন গাঙান পার্‌ অবাত্তে যর্‌। তুমি যেক্কে সিয়েন্‌ গজক্ গুরিনে সিদু বজত্তি গুরিবাত্তে থেবা সেক্কে মুই তমারে এচ্চ্যে যেদক্কানি সুদোম আর উগুম্‌ দিলুং সিয়েনি হামাক্কাই পালন গুরিনে চলিবা।

দ্বি’লম্বর বিররণ 27:2

তুমি যর্দন গাঙান্‌ পার্‌ ওইনে তমার গোজেন লগেপ্রভুর দিয়্যে দেজত্‌ যেইনে কুদুক্কুন দাঙর্‌ দাঙর্‌ পাত্তর্‌ উজু গুরি নেযেবা আর সিগুন্‌ সিবিদি দিইনে লিবি দিবা,

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:38

তে সিয়েন্‌ গোজ্যেদে যেনে তমাত্তুনো দাঙর্‌ আর বোলী জাদ্‌তুনোরে তমা মুজুঙোত্তুন্‌ ধাবেই দিইনে তারার্‌ দেজত্‌ তমারে নেযেই পারে আর সোম্বোত্তি ইজেবে সিয়েনি তমারে দি পারে; আর এচ্চ্যে সিয়েনোই ওইয়্যে।

দ্বি’লম্বর বিররণ 6:10

তমার পুরোণি মানুচ্‌ অব্রাহাম, ইস্‌হাক আর যাকোব ইদু তমা গোজেন্‌ লগেপ্রভু তমারে যে দেজ্‌ছান দিবার্‌ কধা শমক্‌ খেইনে কোইয়্যে সিদু তে তমারে নেযেব। সিদু আগেদে এন্‌ দোল্‌ আর দাঙর্‌ দাঙর্‌ শঅর্‌ যিয়েনি তুমি নিজেই ন-বানঅ,

দ্বি’লম্বর বিররণ 7:1

তুমি যে দেজ্‌ছান গজক্ গুরিবাত্তে যর্‌ সিদু তমার্‌ গোজেন লগেপ্রভু তমারে নেযেব আর নানান্‌ জাদরে তমা মুজুঙোত্তুন্‌ ধাবেই দিবো। এ জাদ্‌তুনে অলাক্‌ হিত্তীয়, গির্গাষীয়, ইমোরীয়, কনানীয়, পরিষীয়, হিব্বীয় আর যিবূষীয়। এ সাত্তো জাদ মান্‌জ্যর সোংখ্যেন্দি আর বলেদি তমাত্তুন্‌ দাঙর্‌।

যিহোশূয় 1:11

“তুমি তাম্বুলোত্‌ যেইনে মানুচ্চুনোরে কগোই যেনে তারা তারার হানা-দানানি নিইনে যুক্কোল্‌ থান্‌। তারার গোজেন লগেপ্রভু যে দেজ্‌চান তারারে সোম্বোত্তি ইজেবে দিবাত্তে যার্‌ সিয়েনত যেইনে সিয়েনি গজক্ গুরি নেযেবাত্তে তিন দিনো ভিদিরে তারারে ইয়োত্তুন যর্দন গাঙান্‌ পার ওই যাহ্ পুরিবো।”

যিহোশূয় 1:15

লগেপ্রভু যেদকদিন তমা ধোক্ক্যেন গুরি তমা ভেইয়ুনোরেয়ো বেক্কানিত্তুন জিরেবাত্তে ন-দে আর যেদকদিন সং তারা তমার গোজেন লগেপ্রভুর দিয়্যে দেজ্‌চান গজক্ গুরি ন-নেযান্‌ সেদকদিন সং তুমি ভেইয়ুনোরে এজাল্‌ দিবা। সে পরেন্দি তুমি ফিরি এইনে তমার নিজোর জাগায়ানি পুরোপুরিগুরিনে গজক্ গুরি পারিবা যিয়েনি লগেপ্রভুর চাগর্‌ মোশি যর্দনর পূগেন্দি তমারে দি যেইয়্যে।”

যিহোশূয় 14:12

ইয়েন যে মুড়ো-মুড়ি চাগালাগান্‌ দিবার এগেম্ লগেপ্রভু মইদু গোজ্যে সিয়েন তুই মরে দে। সে সময়োত্‌ তুই নিজেই শুন্যচ্‌, অনাকীয়গুনে সিয়েনত্‌ বজত্তি গুরিদাক্‌ আর তারার্‌ শঅ‌রানিয়ো বেশ্‌ দাঙর্‌ দাঙর্‌ আরঅ‌ দেবাল্লোই-ঘিজ্যে। মাত্তর্‌ লগেপ্রভু মঅ‌ লগে থেলে তা কধা মজিম মুই তারারে ধাবেই দিম্‌।”

যিহোশূয় 3:14

মানুচ্চুনে যর্দন গাঙান্‌ পার্‌ অবাত্তে যেক্কে তাম্বুলান তুলিলাক্‌ সেক্কে সাক্ষ্য-সুন্দুক বোইয়্যে ধর্মগুরুগুনে তারার্‌ আগে আগে যাহ্ ধুরিলাক্‌।

যিহোশূয় 3:6

পরেন্দি তে ধর্মগুরুগুনোরে কলঅ‌, “তুমি সাক্ষ্য-সুন্দুক্কো তুলি নেযেইনে মানুচ্চুনোর আগে আগে গাঙান্‌ পার্‌ ওই যঅ‌।” সেনত্তেই তারা সাক্ষ্য-সুন্দুক্কো তুলি নেযেইনে মানুচ্চুনোর আগে আগে যাহ্ ধুরিলাক্‌।

যিহোশূয় 4:19

বজরর্‌ পত্তম মাজর দশ দিনোত্‌ মানুচ্চুনে যর্দনত্তুন উদি এইনে যিরিহোর পুগ দুযিত্‌ গিল্‌গলত্‌ যেইনে তাম্বুল্‌ ফেলেলাক,