দ্বি’লম্বর বিররণ 8:9 - Chakma Bible

⁹ সে দেজত্‌ তুমি পেবা নানান্‌ বাবোত্যে খানা আর কনঅ কিজুর্‌ অভাব তমাত্তুন্‌ ন-থেবঅ। সিদুগোর্‌ পাত্তরুনোত্‌ আঘে লুয়ো। সিদুগোর্‌ মুড়োবোত্তুন্‌ তুমি তামা খুঁড়িনে তুলি পারিবা।

দ্বি’লম্বর বিররণ 8:9 ပူးပေါင်းရင်းမြစ်များ

১ বংশধর 22:14

“মুই বোউত্‌ দুগ্‌ গুরিনে লগেপ্রভু ঘরত্তে তিন আজার্ নয়শ টন সোনা আর ঊনচোল্লিশ আজার্ টন রূবো রাগেয়োং। ইয়েনিবাদে এদক্‌ বেশ্‌ পিদোল্‌ আর লুয়ো রাগেয়োং যিয়েনি মাবানা সম্ভব নয়, আর তক্তা আহ্‌ শিলঅ ঠিগ্‌ গুরি রাগেয়োং। হামাক্কাই ইয়েন সমারে তুয়ো কিজু দি পারিবে।

১ বংশধর 22:3

গেট্টুনোর্‌ পেরেক্‌ আর কব্‌জাগানত্তে তে ভালোক্কানি লুয়ো দিলো, এদক্‌ পিদোল্‌ দিলো, সিয়েনি মাবা ন-গেলঅ।

ইয়োব 28:2

মাদিত্তুন্ লুয়ো তুলো অয়, আর ধাতু-পাত্তর্ গোলেইনে নিগিলে অয় তামা।

দ্বি’লম্বর বিররণ 33:25

লুয়ো আর পিদোল ডাল্লোই তার কায়কুরে দোরান্‌ বান্যে থেবঅ। যেদকদিন তে বাঁজি থেবঅ সেদকদিন তার কিয়্যেত বল্‌ থেবঅ।”

দ্বি’লম্বর বিররণ 8:10

তুমি সিদু খেই-দেই ঈল্‌ অনার্‌ পরেদি তমার গোজেন লগেপ্রভুর্‌ দিয়্যে সে দোল্‌ দেজ্‌ছানত্তে তার্‌ বাঈনী গুরিবা।

দ্বি’লম্বর বিররণ 8:8

সিদু আগেদে নানান্‌ বাবোত্যে গম আর কেচবিজি, আংগুর আর ডোমোর্‌ গাজ্‌ আর ডালুম, জলপাইয়র তেল আর মধু।

যিহোশূয় 22:8

“তমার বোউত্‌ ধন-সোম্বোত্তি ওইয়্যে, যেন এ্যমানর দাঙর্‌ দাঙর্‌ পাল্‌, সনা, রূবো, পিদোল, লুয়ো আর বোউত্‌ কাবড়-চুগোর্‌। ইয়েনি নেযেইনে এবেরা তুমি তমা ঘরত্‌ ফিরি যঅ। তমা শত্রুগুনোত্তুন্‌ লুদেয়্যে এ বেক্‌ জিনিস্‌চানি তুমি তমার ভেইয়ুনো সমারে ভাগ গুরি নেযেয়ো।”

বিচের গুরিয়্যেগুন 18:10

তুমি সিয়েনত্ যেইনে দেগিবাদে, সিদুগোর্‌ মানুচ্চুনে এক্কান দাঙর্‌ জাগাত্‌ নিচিদেগুরি বজত্তি গত্তন্‌। গোজেনে তমা আঢত্‌ জাগায়ান দিইনে রাগেয়্যে। পিত্‌থিমীর কনঅ জিনিজোর অভাব সিয়েনত্‌ নেই।”