দ্বি’লম্বর বিররণ 8:7 - Chakma Bible

⁷ তমার গোজেন লগেপ্রভু যে দোল্‌ দেজ্‌ছানত্‌ তমারে নেযার্‌ সিদু আগেদে মুড়ো আর কিঝিঙোন্দি বেই যেইয়্যে ছড়া, উইফুদ আর মাদিত্‌ তলেত্তুন্‌ পানি।

দ্বি’লম্বর বিররণ 8:7 ပူးပေါင်းရင်းမြစ်များ

পত্থম 49:11

যিহূদা আংগুর্‌ গাজত্‌ তা গাধাগুন্‌ বানিবো, আর আংগুরো বোল্‌বোল্যে ডেলাবোত্‌ বানিবো গাধা ছবো। আংগুরো-রস্‌সোই তে তা কাবড়ানি কাজেব, আর আংগুরো রাঙা রস্‌ছোই কাবড়-চুগোরানি ধবঅ।

২ রাজাবলী 18:32

সে পরেন্দি মুই এইনে তমা নিজোর্‌ দেজঅ ধোক্ক্যেন আর এক্কান্‌ দেজত্‌ তমারে নেযেম্‌। সে দেজ্‌ছান অলঅ সোজ্য আর নূয়ো আংগুর-রসর দেজ্‌, রুটি আর আংগুর ক্ষেদর দেজ্‌, জলপাই আর মধু দেজ্‌। তুমি যুনি মঅ কধামজিম্‌ কাম্‌ গরঅ সালে তুমি ন-মুরিবা বরং বাঁজিবা। “ ‘হিষ্কিয় যেক্কে কলঅ, লগেপ্রভু তমারে রোক্ষ্যে গুরিবো, সেক্কে তা কধানি তুমি ন-শুনো, কিত্তে সে কধাগান কোইনে তে তমারে বজং পধেন্দি চালার্‌।

গীতসংহিতা 104:10

কলগ ভিদিরে তুয়ই পানি পয়নালা পাদেয়োচ্; সেই পানিগান মুড়ো-মুড়ির সংমোধ্যেন্দি বেঈ যায়।

গীতসংহিতা 106:24

পরেন্দি তারা সেই দোল্ দেজ‌্‌ছানরে ঈচ্ গুরিলাক্; তারা লগেপ্রভুর কধা বিশ্বেজ্ ন-গুরিলাক্।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যিশাইয় 36:17

সে পরেদি মুই এইনে তমার্ নিজো দেজ ধোক্ক্যেন আর এক্কান দেজত্ তমারে নেযেম। সে দেজ্‌‌‌‌চান অলঅ শোজ্য আর নূয়ো আংগুর-রস দেশ, রুটি আর আংগুর খেদর দেশ।

যিশাইয় 5:1

মুই যিবেরে কোচ্‌পাং তা নাঙে মুই এক্কো গান গেম্, গান গেম্ তা আংগুর খেদ পৌইদ্যেনে। মুড়োবোত্ এক্কান বোল্-বোল্যে জাগাত্ এলদে মর্ পরাণ্যের্ এক্কান আংগুর খেত।

যিরমিয় 2:7

মুই তমারে এক্কান বোল্‌বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্‌‍‍ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য।

যিহিষ্কেল 17:5

সে পরেদি তে কিজু বীজ্ বোল্‌‌বোল্যে মাদিত্ লাগেই দিলো। পানি নাল পারত্ উইলো গাজ ধোক্ক্যেন গুরি তে সিগুন লাগেই দিলো।

যিহিষ্কেল 20:6

সেদিন্যে মুই তারা ইধু আরঅ শমক্ হেইয়োঙ, মিসর দেজত্তুন তারারে নিগিলেনে তারাত্তে যে দেজ্‌‌‌চান মুই ঠিগ্ গোজ্যং সে দেজত্ তারারে নেযেম্। সিদু দুধ, মধু আর কনঅ কিজুর অভাব নেই; সিয়েন বেগ্ দেজ্‌‌‌চানিত্তুন্ সেরা।

দ্বি’লম্বর বিররণ 8:6

তুমি তমার্‌ গোজেন লগেপ্রভুর্‌ উগুমানি পালন গুরিবা, তার্‌ পথ্‌তানন্দি চলিবা আর তারে ভোক্তি গুরিবা।

দ্বি’লম্বর বিররণ 8:8

সিদু আগেদে নানান্‌ বাবোত্যে গম আর কেচবিজি, আংগুর আর ডোমোর্‌ গাজ্‌ আর ডালুম, জলপাইয়র তেল আর মধু।

বিচের গুরিয়্যেগুন 18:10

তুমি সিয়েনত্ যেইনে দেগিবাদে, সিদুগোর্‌ মানুচ্চুনে এক্কান দাঙর্‌ জাগাত্‌ নিচিদেগুরি বজত্তি গত্তন্‌। গোজেনে তমা আঢত্‌ জাগায়ান দিইনে রাগেয়্যে। পিত্‌থিমীর কনঅ জিনিজোর অভাব সিয়েনত্‌ নেই।”