দ্বি’লম্বর বিররণ 8:3 - Chakma Bible

³ পেত্‌পুড়োনার দুঘ দিইনে আর যে মান্নার্‌ কধা তমারে আর তমার পুরোণি মানুচ্চুনোর্‌ অজানা এলঅ সিয়েন্‌ খাবেইনে তে তমার বাড়্ গরানাগানি ভাঙি দিয়্যে। ইয়েন্দোই তে তমারে এ শিক্ষ্যেগান্‌ দিবাত্তে চেয়্যেদে, মান্‌জ্যে বানা পিদেলোই ন-বাঁজন, মাত্তর্‌ লগেপ্রভুর্‌ মুয়োর্‌ এক্‌ এক্কান কধালোই বাঁজন্‌।

দ্বি’লম্বর বিররণ 8:3 ပူးပေါင်းရင်းမြစ်များ

গীতসংহিতা 105:40

তারা হানা চেইয়োন বিলিনে তে তারারে ভারুই পেক্ আনি দিলো; স্বর্গত্তুন্ রুটিলোই তারারে পেট্ ভোরেই দিলো।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

মথি লেখ্যে গম্ হবর্ 4:4

যীশু জোবত্ কলঅ, “পবিত্র বোইয়োত্ লেগা আঘে, মানুচ্ বানা রুটিলোই ন-বাজন্, মাত্তর্ গোজেনর্ পত্তি মুয়ো কধালোই বাজন্।”

লূকে লেখ্যে গম্ হবর্ 4:4

যীশু শদানরে কলঅ, “পবিত্র বোইয়োত্ লেগা আঘে, ‘মানুচ্ বানা রুটিলোই ন-বাজন্।’ ”

১ করিন্হীয় 10:3

গোজেনর্ দিয়্যে সেই এক্কুই হানা আর সেই এক্কুই পানি তারা বেক্কুনে হেইয়োন্। গোজেনর্ দিয়্যে যে শিল্লো তারা সমারে সমারে যার্ সিবেত্তুন্ তারা হেবাত্যে পানি পেদাক্; আর খ্রীষ্টই এলদে সেই শিল্লো।

দ্বি’লম্বর বিররণ 29:5

চোল্লিশ বজর ধূল্যেচর-চাগালার ভিদিরেন্দি লগেপ্রভু তমারে চালেইনে আন্যে। ইয়েন ভিদিরে তমার কিয়্যের কাবড়ানি আর জদানি বর্‌বাদ্ ওই ন-যায়।

দ্বি’লম্বর বিররণ 29:6

পিদে, আংগুরো-রস বা অন্য কনঅ মদ তুমি হেই ন-পঅ। লগেপ্রভুই সিয়েনি গোজ্যে যেনে তুমি বুঝি পার দে, তেয়ই তমার গোজেন লগেপ্রভু।

দ্বি’লম্বর বিররণ 32:47

তমাত্যে ইয়েনি বাজে কধা নয়, ইয়েনি তমার জীংকানি। যর্দন গাঙান্‌ পার ওইনে তুমি যে দেজ্‌ছান গজক্ গুরিবাত্তে যর্ সিয়েনত্‌ এ কধানি পালেইনে তুমি ভালোক্‌ দিন বাঁজি থেই পারিবা।”

দ্বি’লম্বর বিররণ 9:9

লগেপ্রভু যে সুদোমান তমাত্যে থিদেবর্ গোজ্যে সেই সুদোমান লেখ্যে পাত্তরর্‌ ফলগত্‌ দ্বিবে গুজি লবাত্তে মুই মুড়ো উগুরে উদিনে চোল্লিশ দিন আর চোল্লিশ রেত্‌ সিয়োদোই এলুং। সেক্কে মুই পানি বা পিদে কিচ্ছু ন-খাং।