দ্বি’লম্বর বিররণ 8:2 - Chakma Bible

² মনত্‌ গুরি চঅ, তমা গোজেন লগেপ্রভু এ চোল্লিশ্‌সো বজর্‌ কিঙিরিনে ধূল্যেচর-চাগালার্‌ ভিদিরেন্দি গোদা পদ্‌থান্‌ তমারে চালেই আন্যে। তমা বাড়্ গরানাগানি ভাঙি দিবাত্তে আর তমা মনত্‌ কি আঘে, অত্তাৎ তুমি তার্‌ উগুমানি পালেবা নাহি, সিয়েন পোরোক্ষেত্‌ ফেলেইনে চেবাত্তে তে এ কামানি গোজ্যে।

দ্বি’লম্বর বিররণ 8:2 ပူးပေါင်းရင်းမြစ်များ

পত্থম 22:1

এ ঘটনাগান পরেদি গোজেনে অব্রাহামরে এক্কো পোরোক্ষেত্‌ ফেলেল। গোজেনে তারে ডাগিলো, “অব্রাহাম।” অব্রাহামে জোব্ দিলো, “এইয়্যে দঅ মুই।”

২ বংশধর 32:31

দেজত্‌ যে আমক্‌ অবার্‌ চিহ্নোগান্‌ দেগা ওইয়্যে সে পৌইদ্যেনে পুযোর্‌ গুরিবাত্তে যেক্কে বাবিলো নেতাগুনে দূত পাদেয়োন সেক্কে গোজেনে তারে জগা চেবাত্তে তারে ছাড়ি গেলগোই, যেনে তা মনত্‌ কি আঘে সিয়েন্‌ ফগদাঙ্‌ অয়।

২ বংশধর 33:12

দজাত্‌ পড়িনে তে তার্‌ গোজেন্‌ লগেপ্রভুর দোয়্যে ভিক্ষ্যে গুরিলো আর তার্‌ পূরোণি মানুচ্চুনোর্‌ গোজেন মুজুঙোত্‌ নিজোরে অমকদ চিগোন্‌ গুরিলো।

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

ইয়োব 33:17

যেনে মান্‌জ্যে তার অন্যেয় কামত্তুন্ ফিরোন আহ্ অহংকারত্তুন্ দূরোত্ থান।

গীতসংহিতা 103:2

ও মর্ পরাণান্, লগেপ্রভুর বাঈনী গর্; তার কনঅ উপকার কধা ভুলি ন-যেচ্।

গীতসংহিতা 106:7

মিসরত্ থেবার সময় আমা পুরোণি মানুচ্চুনে তর্ আমক্ অবার কামানি দেগিনে কিচ্ছু ন-বুঝোন্; তারা তর্ শেজ্ ন-ওইয়্যে অমকদ কোচ্‌পানার কধায়ো মনত্ ন-রাগান্; তারা সাগর পারত্, লোহিত সাগর পারত্ উল্লোমি গোজ্যন্।

গীতসংহিতা 136:16

যিবে তা মানুচ্চুনোরে ধূল্যেচর-চাগালান্দি নেযেয়্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 77:11

লগেপ্রভুর বেক কামর কধানি মুই ইদোত্ তুলিম; অয়, ইদোত্ তুলিম পুরণ দিনোত্ তর্ গোজ্যে আমক্ অবার্ কামানির কধা।

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

যাত্রা 15:25

এই কধাগান্‌ শুনিনে মোশি যেইনে লগেপ্রভু ইধু কানাকুদি গরা ধুরিলো। তে মোশিরে এক্কো গাজ্ দেগেই দিলো। মোশি সিবে পানিত্‌ ফেলে দিলো আর সেই পানিগান হেই পারেপা অলঅ‌। লগেপ্রভু সিয়েনত্‌ তারারে জগা চেলঅ আর তারাত্তেই এক্কান সুদোম আর আইন থিদেবর্ গুরিলো।

যাত্রা 16:35

মান্‌জে বজত্তি গরন্‌ এধোক্ক্যেন এক্কান জাগাত্‌, অত্তাত্‌ কনান দেজর্‌ দুঝিত্‌ ন-এজানা সং ইস্রায়েলীয়গুনে চোল্লিশ্‌ বজর্‌ ধুরিনে এই মান্নাগান হেইয়োন।

যাত্রা 16:4

সেক্কে লগেপ্রভু মোশিরে কলঅ‌, “মুই এধোক্ক্যেন গুরিম্‌ যেনে তমাত্যেই স্বর্গত্তুন্‌ ঝড় ধোক্ক্যেন গুরি হেবার্‌ জিনিস্‌ ঝুরি পড়ে। মানুচ্চুনে দিন্‌মাগেনে বারেন্দি যেইনেই সিয়োত্তুন্‌ বানা সে দিনোর্‌ খানাগান কুরেই আনিবাক্। তারা মর্‌ উগুমো ধোক্ক্যেন চুলিবাক্‌ কিনা সিয়েন মুই তারারে যগা চেইম্‌।

যাত্রা 20:20

সেক্কে মোশি মানুচ্চুনোরে কলঅ‌, “তুমি ন-দোরেয়ো। গোজেনে তমারে পোরোক্ষেত্‌ ফেলেয়্যে যেনে তমার মনত্‌ ভক্তির্‌ মনভাব থায়্‌ আর সিয়েনর্‌ কারনে তুমি পাপ ন-গরঅ‌। সেনত্তেই তে এচ্চ্যে।”

গম্ উপদেজ্ 17:3

রূবো পোরোক্ষ্যে গুরিবাত্তে গোলেবার পিলে আঘে আর সনাত্তে আগেদে চুলো, মাত্তর্ লগেপ্রভু মনান্ পোরোক্ষে গরে।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

যিহিষ্কেল 20:19

মুই তারারে আরঅ কলুং, মুয়ই তারার্ গোজেন লগেপ্রভু, সেনত্তে মর্ সুদোমানি যেন তারা পালান্ আর মর্ রীদি-সুদোমানি মানি চলন।

আমোষ 2:10

ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

গণাণা 14:33

তমার বেগঅ শেজন্দি মানুচ্চো এই ধূল্যেচর-চাগালাত্‌ মুরি ন-যানা সং তমার অবিশ্বেজর্ কারনে তমার্‌ ঝি-পূঅগুনে চোল্লিশ বজর্‌ সং ইয়েনত্‌ ভেড়াছাগল চোড়েেইনে বেড়েবাক্।

লূকে লেখ্যে গম্ হবর্ 18:14

“মুই তমারে কঙর্, সেই খাজানা-তুলিয়্যেবোরে গোজেনে নিদ্দুজি বিলি মানি লল আর তে ঘরত্ ফিরি গেলঅ। মাত্তর্ সেই ফরীশীবোরে তে নিদ্দুজি বিলি মানি ন-লল। যে কেঅ নিজোরে অজল্ গরে তারে তলে গরা অবঅ আর যে নিজোরে তলে গরে তারে অজল্ গরা অবঅ।”

যোহন 2:25

মান্‌জ্য পৌইদ্যেনে কারঅ সাক্ষির দরকার্‌অ তার ন-এলঅ, কিয়া মান্‌জ্য মনত্ যিয়েনি আঘে সিয়েনি তার্ জানা এলঅ।

দ্বি’লম্বর বিররণ 1:3

লগেপ্রভু ইস্রায়েলীয়গুনোর পৌইদ্যেনে মোশিরে যেদক্কানি উগুম্‌ দিয়্যে সিয়েনি তে তারার্‌ যানার্‌ চোল্লিশ বজরে এগার মাজর্‌ পত্তম তারিগোত্‌ তারার ইদু ফগদাং গুরিলো।

দ্বি’লম্বর বিররণ 1:33

তেয়ই দঅ তাম্বুলান ফেলেবার্‌ জাগায়ান ঠিগ্ গুরিবাত্তে আর পথ দেগেইনে তমারে নেযেবাত্তে রেদোত্‌ আগুনো ভিদিরেন্দি আর দিনোত্‌ মেঘ ভিদিরেন্দি যেবার পদথ্ তমার্‌ আগে আগে যেইয়্যে।

দ্বি’লম্বর বিররণ 13:3

মাত্তর্‌ তুমি সে ভাববাদী বা স্ববনে-দেক্কে মানুচ্চোর কধানি ন-শুন্ন্য। তুমি তমার গোজেন লগেপ্রভুরে তমার বেগ্‌ মনান্‌-পরাণান্দোই কোচ্‌পঅ নাহি সিয়েনি তে তমারে পোরোক্ষেত্‌ ফেলেইনে দেগেই দের্‌।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

দ্বি’লম্বর বিররণ 29:5

চোল্লিশ বজর ধূল্যেচর-চাগালার ভিদিরেন্দি লগেপ্রভু তমারে চালেইনে আন্যে। ইয়েন ভিদিরে তমার কিয়্যের কাবড়ানি আর জদানি বর্‌বাদ্ ওই ন-যায়।

দ্বি’লম্বর বিররণ 32:7

সেই পুরোণি দিনুনোর কধানি মনত্‌ গর্‌; তমার ভালোক্‌ দিন আগর্ পুরোণি মানুচ্চুনোর কধানি ভাবি চঅ। সেই বেক্‌ দিনুনোর কধানি তমার বাপ্পোনোত্তুন পুজোর গরঅ, তারা তমারে কবাক্; বুড়ো মানুচ্চুনোরে পুযোর্‌ গরঅ, তারা তমারে বুঝেইনে কবাক্।

দ্বি’লম্বর বিররণ 7:18

মাত্তর্‌ তুমি তারারে ন-দোরেয়ো। ফরৌণ আর গোদা মিসর্‌ দেজ উগুরে তমা গোজেন লগেপ্রভু কি গোজ্যে সিয়েনি পুরি ন ফেলেইয়ো।

দ্বি’লম্বর বিররণ 8:16

তে সে ধূল্যেচর-চাগালাত্‌ তমারে মান্না হেবাত্তে দিয়্যে যিবের্‌ কধা তমা পুরোণি মানুচ্চুনে কনদিনঅ ন-জানন্‌। তমারে পোরোক্ষে গুরিবাত্তে আর বার্বোগানি ভাঙি দিবাত্তে তে সিয়েনি দিয়্যে যেনে যেরেন্দি তমার্‌ ভালেদি অয়।

যাকোব 1:3

কিয়া তুমি কোই পারঅ তমা বিশ্বেজর্ পোরোক্ষ্যেগানে তমারে ধৈয্যগুণ বাড়েই দে।

যাকোব 4:10

প্রভুর মুজুঙোত্ নিজোরে তলে গরঅ, সালে তেয়ই তমারে তুলি ধুরিবো।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

বিচের গুরিয়্যেগুন 2:22

ইস্রায়েলীয়গুনে তারার্‌ পূরোণি বুড়ো-বুড়িগুনো ধোক্ক্যেন্‌ মর্‌ পথ্‌তানন্দি আদন্‌ কিনা মুই এই বেক্‌ জাদ্‌তুনোরে দিইনেই তারারে পোরোক্ষ্যে গুরিম্‌।”

বিচের গুরিয়্যেগুন 3:4

লগেপ্রভু মোশিরে দিইনে তারার্‌ পূরোণিমানুচ্চুনোরে যে উগুমানি দিয়্যে সিয়েনি এ ইস্রায়েলীয়গুনে মানিনে চলন্‌ নি-ন-চলন্‌ সিয়েন যগা চেবাত্তেই এ জাদ্‌তুনোরে ফেলেই যা ওইয়্যে।