দ্বি’লম্বর বিররণ 8:18 - Chakma Bible

¹⁸ মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

দ্বি’লম্বর বিররণ 8:18 ပူးပေါင်းရင်းမြစ်များ

পত্থম 32:14

সিয়েন্‌ অলঅ, দ্বিশ পাদি ছাগল আর কুড়িবো পাদা ছাগল, দ্বিশ পাদি ভেড়া আর কুড়িবো পাদা ভেড়া, ছঅ সুদ্ধো ত্রিশ্‌সো দুধ্‌বলা উট, চোল্লিশ্‌সো পারি গোরু আর দোশ্‌সো ঢামাড়া, কুড়িবো গাধী আর দোশ্‌সো গাধা।

১ বংশধর 29:12

ধন আর সর্মান এজেদে তত্তুন্‌; তুয়ই বেক্কানি শাজন্ গুরি থাচ্‌। তঅ আদত্‌ রোইয়্যেদে বল্‌ আর খেমতা; মান্‌জ্যরে ভালেদি গুরিবার আর বল্‌ দিবার্‌ অধিকারান্‌ তর্‌।

২ বংশধর 25:9

সেক্কে অমৎসিয় গোজেন মানুচ্চোরে কলঅ, “এই ইস্রায়েলীয় সৈন্যগুনোত্তে মুই যে তিন আজার নয়শঅ কেজি রূবো দুয়োং সিয়েনির্‌ কি অবঅ?” জোবত্‌ গোজেনর মানুচ্চো কলঅ, “গোজেনে তরে তাত্তুন্‌অ বেশ্‌ দি পারে।”

গীতসংহিতা 144:1

লগেপ্রভুর বাঈনী ওক্, তে মর্ আশ্রয়-মুড়ো; তে মঅ আঢ্‌তানরে যুদ্ধো গুরিবাত্তে শিগেয়্যে, মঅ আঙুলুনোরে লড়াই গুরিবাত্তে শিগেয়্যে।

গীতসংহিতা 44:3

তারা নিজো তলোয়ারলোই এ দেজ্‌ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

উপদেশক 12:1

তঅ গাবুজ্যে জিংকানিত্ তর্ গোজেনরে ইদোত্ তুল্, কিত্তে বুড়ো বয়জর্ দিনুন্ এজের্, অত্তাৎ দুঘো দিনুন্ এজের্ যেক্কেনে তুই কবে, “মর্ এ বুড়ো বয়জত্ মর্ কনঅ রঙ্গ-ফুত্তি নেই।”

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

যিরমিয় 23:27

তারা মনে গরন যেবাবোত্যেগুরি তারার পুরোণি মানুচ্চুনে বাল দেবেদার পূজো গুরিনে মঅ নাঙান ভুলি যেইয়োন সেবাবোত্যে গুরিনে তারার যেদক্কানি স্ববনর কধা তারা বেক্কুনো কন্ সিয়েনিলোই তারা মঅ মানুচ্চুনোরে মঅ নাঙান ভুলেই দিবাক্।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।

দ্বি’লম্বর বিররণ 26:10

সেনত্যে ও লগেপ্রভু, তর্‌ দিয়্যে ভুইয়োর্ পত্তমে তুল্যে ফসল মুই তইদু আন্যং। ইয়েন কোইনে তমার গোজেন লগেপ্রভুর মুজুঙোত্‌ তুমি তমার লেইয়ুন রাগেবা আর মাদা নিগিরিনে তারে ভোক্তি জানেবা।

দ্বি’লম্বর বিররণ 6:11

এধোক্ক্যেন বেক্‌ গম্‌ গম্‌ জিনিস্‌ছোই ভোজ্যে ঘর-বাড়ী যে বেক্‌ পযাপিরানি তুমি নিজে এগত্তর্‌ ন-গরঅ, এধোক্ক্যেন পানি রাগেবার্‌ জাগা যিয়েনি তুমি নিজে কাবিনে ন-বানঅ আর এধোক্ক্যেন আংগুর ক্ষেত্‌ আর জলপাই বাগান যিবের্‌ গাজপালা তুমি নিজেয়ো ন-লাগঅ। মাত্তর্‌ সিদু খেই-দেই ঈল্‌ অবার্‌ পরেন্দিয়ো উঝিয়ার্‌ থেয়ো যেনে তুমি লগেপ্রভুরে ভুলি ন-যঅ, যিবে মিসর দেজর্‌ চাগর কাদানাত্তুন্‌ তমারে নিগিলেই আন্যে।

দ্বি’লম্বর বিররণ 7:12

যুনি তুমি এ বেক্‌ সুদোমর ইন্দি মনান্‌ দুয়ো আর সিয়েনি যত্তন্‌ গুরিনে পালঅ, সালে তমার গোজেন লগেপ্রভু তমা পুরোণি মানুচ্চুনো ইদু যে শমক্‌ গোজ্যে সেই মজিম তমাত্তে তে যে সুদোমানি থিদেবর্ গোজ্যে সিয়েনি তে রোক্ষ্যে গুরিবো আর তমা উগুরে অমকদ কোচ্‌পানা দেগেব।

দ্বি’লম্বর বিররণ 7:8

তে সিয়েনি গোজ্যেদে তমা উগুরে তার্‌ অমকদ কোচ্‌পানাত্তে আর তমার পুরোণি মানুচ্চুনো ইদু তে যে শমক্‌ গোজ্যে সিয়েনি রোক্ষে গুরিবাত্তে। সেনত্যে তে খেমতাবলা আঢ্‌তানি বেবহার্‌ গুরিনে তমারে নিগিলেই আন্যে আর মিসরর্‌ রাজা ফরৌণর্‌ আঢত্তুন্‌ আর চাগর খাদানার্‌ দেজত্তুন্‌ তমারে উদ্ধোর্‌ গোজ্যে।

দ্বি’লম্বর বিররণ 8:1

এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনির্‌ পত্তি উগুম পালন গুরিবাত্তে তুমি মন দুয়ো, যেনে তুমি বাঁজি থাগঅ আর সোংখ্যেন্দি বাড়িই উদো আর লগেপ্রভু তমার পুরোণি মানুচ্চুনো ইদু যে দেজ্‌ছান দিবার্‌ কধা শমক্‌ খেইনে এগেম্ গোজ্যে সিদু সুমিনে সিয়েনি গজক্ গুরি পারঅ।

বিচের গুরিয়্যেগুন 3:7

ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই সিয়েনি গত্তাক্‌। তারা তারার্‌ গোজেন লগেপ্রভুরে ভুলি যেইনে বাল দেবেদাগুনোরে আর আশেরা দেবীগুনোরে পূজো ধুরিলাক্‌।

বিচের গুরিয়্যেগুন 7:2

লগেপ্রভু গিদিয়োনরে কলঅ, “তঅ মানুচ্চুন্‌ এদক্‌ বেশ্‌ ওইয়োন্দে, মুই তারার্‌ আঢত্‌ মিদিয়নীয়গুনোরে তুলি দিই ন-পারং। সিয়েন গুরিলে মরে বাদ দিইনে ইস্রায়েলীয়গুনে বার্বো গুরিনে কবাক্‌, তারার্‌ নিজোর বল্লোই তারা উদ্ধোর্‌ পেইয়োন।

১ শমূয়েল 2:7

লগেপ্রভুই মান্‌জ্যরে তাগোয়্যে বা নাদা গরে; অয়, তেয়ই তলে ফেলায় আর তেয়ই উগুরে তুলে।