দ্বি’লম্বর বিররণ 8:16 - Chakma Bible

¹⁶ তে সে ধূল্যেচর-চাগালাত্‌ তমারে মান্না হেবাত্তে দিয়্যে যিবের্‌ কধা তমা পুরোণি মানুচ্চুনে কনদিনঅ ন-জানন্‌। তমারে পোরোক্ষে গুরিবাত্তে আর বার্বোগানি ভাঙি দিবাত্তে তে সিয়েনি দিয়্যে যেনে যেরেন্দি তমার্‌ ভালেদি অয়।

দ্বি’লম্বর বিররণ 8:16 ပူးပေါင်းရင်းမြစ်များ

পত্থম 22:1

এ ঘটনাগান পরেদি গোজেনে অব্রাহামরে এক্কো পোরোক্ষেত্‌ ফেলেল। গোজেনে তারে ডাগিলো, “অব্রাহাম।” অব্রাহামে জোব্ দিলো, “এইয়্যে দঅ মুই।”

২ বংশধর 32:31

দেজত্‌ যে আমক্‌ অবার্‌ চিহ্নোগান্‌ দেগা ওইয়্যে সে পৌইদ্যেনে পুযোর্‌ গুরিবাত্তে যেক্কে বাবিলো নেতাগুনে দূত পাদেয়োন সেক্কে গোজেনে তারে জগা চেবাত্তে তারে ছাড়ি গেলগোই, যেনে তা মনত্‌ কি আঘে সিয়েন্‌ ফগদাঙ্‌ অয়।

ইয়োব 42:12

লগেপ্রভু ইয়োব জিংকানির পত্তম অবস্থাত্তুন পরেদি অবস্থাগান আরঅ দোল্ গুরি দিলো। তার চৌদ্দো আজার ভেড়া, ছঅ আজার উট, এক আজার জোড়া দামারা গোরু আর এক আজার গাধা অলাক্।

গীতসংহিতা 119:68

তুই গম্ আর ভালেদি গুরি থাচ্; তর্ সুদোমানি মরে শিগেই দে।

যাত্রা 15:25

এই কধাগান্‌ শুনিনে মোশি যেইনে লগেপ্রভু ইধু কানাকুদি গরা ধুরিলো। তে মোশিরে এক্কো গাজ্ দেগেই দিলো। মোশি সিবে পানিত্‌ ফেলে দিলো আর সেই পানিগান হেই পারেপা অলঅ‌। লগেপ্রভু সিয়েনত্‌ তারারে জগা চেলঅ আর তারাত্তেই এক্কান সুদোম আর আইন থিদেবর্ গুরিলো।

যাত্রা 16:15

সিয়েনি দেগিনেই ইস্রায়েলীয়গুনে একজন আরেক্‌জনরে কলাক্‌, “ইগুন্‌ কি?” ইগুন্‌ যে কি, সিয়েন্‌ তারা ন-জানিদাক্। সেক্কে মোশি তারারে কলদে, “ইগুনোই‌ সেই রুটি যিগুন্‌ লগেপ্রভু তমারে হেবাত্তে দিয়্যে।

যাত্রা 16:31

ইস্রায়েলীয়গুনে সে হানাগানরে কদাক্‌ মান্না (যিয়েনর্‌ ভেদ্‌তান্ সিগুন্‌ কি?)। ইগুনোর্‌ চেঙেরাঙান্‌ এলঅ‌ বাগোর্‌ পাদা বিজি ধোক্ক্যেন আর চাদে ধুব্‌; তার্‌ সুয়োত্তান্‌ এলঅ‌ মধু দিয়্যে পিদে ধোক্ক্যেন।

যাত্রা 16:4

সেক্কে লগেপ্রভু মোশিরে কলঅ‌, “মুই এধোক্ক্যেন গুরিম্‌ যেনে তমাত্যেই স্বর্গত্তুন্‌ ঝড় ধোক্ক্যেন গুরি হেবার্‌ জিনিস্‌ ঝুরি পড়ে। মানুচ্চুনে দিন্‌মাগেনে বারেন্দি যেইনেই সিয়োত্তুন্‌ বানা সে দিনোর্‌ খানাগান কুরেই আনিবাক্। তারা মর্‌ উগুমো ধোক্ক্যেন চুলিবাক্‌ কিনা সিয়েন মুই তারারে যগা চেইম্‌।

যাত্রা 20:20

সেক্কে মোশি মানুচ্চুনোরে কলঅ‌, “তুমি ন-দোরেয়ো। গোজেনে তমারে পোরোক্ষেত্‌ ফেলেয়্যে যেনে তমার মনত্‌ ভক্তির্‌ মনভাব থায়্‌ আর সিয়েনর্‌ কারনে তুমি পাপ ন-গরঅ‌। সেনত্তেই তে এচ্চ্যে।”

গম্ উপদেজ্ 17:3

রূবো পোরোক্ষ্যে গুরিবাত্তে গোলেবার পিলে আঘে আর সনাত্তে আগেদে চুলো, মাত্তর্ লগেপ্রভু মনান্ পোরোক্ষে গরে।

দানিয়েল 11:35

যিগুনোর বুঝিবার খেমতা আঘে তারা ভিদিরে কারর্ কারর্ পতন অবঅ। ইয়েনর কারনে শেজ্ সময় ন-এযানা সং গোজেনর মানুচ্চুনোরে খাটি, শুদ্ধো আর থুদো নেইয়্যে গরা অবঅ; আর সেই শেজ্ সময়ান ঠিগ্ গরা আঘে।

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

দ্বি’লম্বর বিররণ 13:3

মাত্তর্‌ তুমি সে ভাববাদী বা স্ববনে-দেক্কে মানুচ্চোর কধানি ন-শুন্ন্য। তুমি তমার গোজেন লগেপ্রভুরে তমার বেগ্‌ মনান্‌-পরাণান্দোই কোচ্‌পঅ নাহি সিয়েনি তে তমারে পোরোক্ষেত্‌ ফেলেইনে দেগেই দের্‌।

দ্বি’লম্বর বিররণ 8:2

মনত্‌ গুরি চঅ, তমা গোজেন লগেপ্রভু এ চোল্লিশ্‌সো বজর্‌ কিঙিরিনে ধূল্যেচর-চাগালার্‌ ভিদিরেন্দি গোদা পদ্‌থান্‌ তমারে চালেই আন্যে। তমা বাড়্ গরানাগানি ভাঙি দিবাত্তে আর তমা মনত্‌ কি আঘে, অত্তাৎ তুমি তার্‌ উগুমানি পালেবা নাহি, সিয়েন পোরোক্ষেত্‌ ফেলেইনে চেবাত্তে তে এ কামানি গোজ্যে।

দ্বি’লম্বর বিররণ 8:3

পেত্‌পুড়োনার দুঘ দিইনে আর যে মান্নার্‌ কধা তমারে আর তমার পুরোণি মানুচ্চুনোর্‌ অজানা এলঅ সিয়েন্‌ খাবেইনে তে তমার বাড়্ গরানাগানি ভাঙি দিয়্যে। ইয়েন্দোই তে তমারে এ শিক্ষ্যেগান্‌ দিবাত্তে চেয়্যেদে, মান্‌জ্যে বানা পিদেলোই ন-বাঁজন, মাত্তর্‌ লগেপ্রভুর্‌ মুয়োর্‌ এক্‌ এক্কান কধালোই বাঁজন্‌।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।