দ্বি’লম্বর বিররণ 8:15 - Chakma Bible

¹⁵ তে তমারে এক্কো দাঙর্‌, দর্‌গরেপারা, শুগুনো, পানিনেইয়্যে আর বিষবলা সাপ আর কাঁঙারা-বিজেলোই ভোজ্যে ধূল্যেচর-চাগালার্‌ ভিদিরেন্দি আন্যে। তে দরঅ পাত্তর ভিদিরেত্তুন্‌ তমাত্তে পানি নিগিলেই দিয়্যে।

দ্বি’লম্বর বিররণ 8:15 ပူးပေါင်းရင်းမြစ်များ

গীতসংহিতা 105:41

তে পাত্তর্ খুলি দিলো, সেক্কে পানি নিগিলি এলঅ; শুগুনো জাগা ভিদিরেন্দি সিয়েনে গাঙ ধোক্ক্যেন বেঈ গেলঅ।

গীতসংহিতা 114:8

তে শিল মুড়োবোরে বানেল পুয়োর্ আর্ দর শিল্লোরে বানেল পানির পয়নালা।

গীতসংহিতা 136:16

যিবে তা মানুচ্চুনোরে ধূল্যেচর-চাগালান্দি নেযেয়্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

যিশাইয় 30:6

নেগেভ এ্যামানুনো পৌইদ্যেনে আগাম্ কধা ইয়েন: সেই দূত্‌তুনে দুঘ্ আর দুদ্দজাত্ পোজ্যে দেজ ভিদিরেদি আর সিংহ আর সিংহী, বিষ্‌বলা সাপ আর উড়্‌বো বিষ্‌বলা সাপ দেজ ভিদিরেদি যা‍‌ন্।

যিশাইয় 35:7

শুগুনো ভূইয়ানি পুয়োর্ অবঅ, আর তিরেস্ পেইয়্যে মাদিগানিত্ পানির পয়নালা উদিবো; যিয়েনত্ শিয়েলুনে পড়ি থেদাক্ সে জাগানত্ জোর্মেবদে নল-খাগড়ার ঝার্।

যিশাইয় 43:19

চঅ, মুই এক্কান নুয়ো কাম গুরিবাত্তে যাঙর্। সিয়েন ইক্কিনে আরাম্ভ অবঅ আর সিয়েন তুমি হবর্ পেবা। মুই ধূল্যেচর চাগালা ভিদিরে পথ বানেম আর ধূল্যেচরত্ গাঙ বোজেই দিম।

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

হোশেয় 13:5

ধূল্যেচর-চাগালাত্, অমকদ শুগুনো দেজত্ মুয়ই তরে দেগাশুনো গোজ্যং।

গণাণা 20:11

এই কধাগান্‌ কোইনে মোশি আত্‌ তুলিনে তার্‌ লুদিক্কোলোই সেই পাত্তর্‌বোরে দ্বিবার্‌ বারি দিলো; সেক্কে সিয়োত্তুন্‌ জোরে বোউত্‌ পানি নিগিলি এজা ধুরিলো আর ইস্রায়েলীয়গুনে আর তারার্‌ য়েমানপালুনে সিয়েন্‌ খেলাক।

গণাণা 21:6

সেক্কে লগেপ্রভু তারা ভিদিরে এক বাবোত্যা বিষবলা সাপ পাধেই দিলো। সিগুনোর কামড়ত্‌ বোউত্‌ ইস্রায়েলীয় মুরি গেলাক্।

দ্বি’লম্বর বিররণ 1:19

ইয়েনর্ পরেদি আমা গোজেন লগেপ্রভুর উগুমে আমি হোরেব মুড়োবো ছাড়িনে ইমোরীয়গুনোর্‌ মুড়োমুড়ি চাগালান্দি আদা মারিলোং। কেধোক্ক্যেন দাঙর্‌ আর কেধোক্ক্যেন দর্‌গরেপারা ধূল্যেচর-চাগালার ভিদিরেন্দি আমার্‌ যাহ্ পোজ্যে সিয়েন্‌ তুমি দেখ্য। এধোক্ক্যেনগুরি আমি কাদেশ-বর্ণেয়ত যেইনে লুমিলোং।

দ্বি’লম্বর বিররণ 32:13

জিত্যে ইজেবে তারে তে চালেইনে নেযেল দেজর্ এক মুড়োত্তুন অন্য মুড়োত্‌; তারে খেদর্‌ ফসল হেবাত্তে দিলো। তে তারে হাবেল সেই মধু যিয়েন মুড়োবোর ফাদানত্‌ পাহ্ যায়, আর তারে দরঅ পাত্তরর্‌ ভুইয়োত্‌ জলপাইয়র তেল হাবেল।