দ্বি’লম্বর বিররণ 7:9 - Chakma Bible

⁹ সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।

দ্বি’লম্বর বিররণ 7:9 ပူးပေါင်းရင်းမြစ်များ

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

পত্থম 9:15

আর সেক্কে তর্‌ আর বেক্‌ য়েমানুনোত্তে মর্‌ এ সুদোমর কধানি মুই মনত্‌ গুরিম্‌। সেনত্তে পানি বান্‌দোই আর কনদিন বেক্‌ পরান্‌‌‌‌‌বলাগুনোরে শেজ্ ন-গুরিম।

১ রাজাবলী 8:23

তে কলদে, ও লগেপ্রভু ইস্রায়েলর গোজেন, উগুরে স্বর্গত্‌ বা তলেন্দি পিত্তিমীত্‌ তঅ ধোক্কেন্‌ গোজেন আর কনজন নেই। তর্‌ যে চাগরুনে মনে-পরাণে তঅ পধেন্দি আদন্‌ তুই তারার পক্ষেন্দি তর্‌ অমকদ কোচ্‌পানার সুদোমান রোক্ষ্যে গুরি থাচ্‌।

১ বংশধর 16:15

যে কধানি তে উগুম্‌ দিয়্যে আজার্ আজার্ বংশত্তে, তার্‌ সে সুদোম কধানি জিংকানিবর্‌ ইদোত্‌ রাগেয়ো।

২ বংশধর 6:14

ও লগেপ্রভু, ইস্রায়েল গোজেন, স্বর্গত্‌ বা পিত্‌থিমীত্‌ তঅ ধোক্ক্যেন গোজেন আর কনজন নেই। তর্‌ যে চাগরুনে মনে-পরাণে তঅ পধেদি আদন্‌ তুই তারা পক্ষেন্দি তর্‌ অমকদ কোচ্‌পানার্‌ সুদোমান্‌ রোক্ষ্যে গুরি থাচ্‌।

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

গীতসংহিতা 105:8

যে কধানি উগুম তে দিয়্যে আজার আজার বংশত্তে, তার সেই সুদোমর কধানি তে উমরত্যে ইদোত্ রাগেব।

গীতসংহিতা 119:75

ও লগেপ্রভু, মুই হবর্ পাং তর্ সুদোমানি অমকদ গম্; তুই বিশ্বেজি বিলিনে মরে দুঘ্ দুয়োচ্।

গীতসংহিতা 146:6

লগেপ্রভু আগাজ্ আর পিত্‌থিমীগান, সাগর আর তা ভিদিরে বেক্কানি বানেয়্যে; তে উমরত্যে বিশ্বেজি থায়।

গীতসংহিতা 36:6

তর্ ধার্মিকতাগান গোজেন মুড়োগুনো ধোক্ক্যেন্; তর্ ন্যায়বিচেরান যেন গভিন্ সাগর ধোক্ক্যেন্। ও লগেপ্রভু, মানুচ্ আর য়েমান বেক্কুনোরে তুয়ই বাঁজে রাগাচ্।

যাত্রা 20:6

মাত্তর্‌ যিগুনে মরে কোচ্‌পান্‌ আর মর্‌ বেক্‌ উগুমানি পালান্‌, আজার্ আজার্ পুরুষ ধুরিনে তারা উগুরে মর্‌ বুক ভরা দোয়্যে থেবঅ‌।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিরমিয় 32:18

তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;

আবিলেচ্ 3:23

পত্তিদিন বেন্যেমাদান্ সিয়েন নুয়ো ওইনে দেগা দে; তার বিশ্বেজ্‌চান দাঙর্।

দানিয়েল 9:4

মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্‌‌‌পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্‌‌‌পানার বেবস্থা রোক্ষ্যে গুরি থাচ্।

গণাণা 14:18

‘লগেপ্রভু এনেবাদে বেজার্ ন অয়, তার কোচ্‌পানার্‌ শেজ্ নেই আর তে অন্যেয় আর উল্লোমিগানি ক্ষেমা গরে, মাত্তর্‌ দুষীগুনোরে তে সাজা দে; তে বাবর্‌ অন্যেয়র্‌ সাজা তার্‌ বংশর তিন আর চের্‌ পুরুষ সং দি থায়।’

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

১ করিন্হীয় 1:9

গোজেনে বিশ্বেজবলা; তেয়ই তমারে ডাক্ক্যে যেন তা পুয়োবো আমা প্রভু যীশু খ্রীষ্ট আর তমা ইধু কধাবাত্তা-মিলেমিলি থায়।

১ করিন্হীয় 10:3

গোজেনর্ দিয়্যে সেই এক্কুই হানা আর সেই এক্কুই পানি তারা বেক্কুনে হেইয়োন্। গোজেনর্ দিয়্যে যে শিল্লো তারা সমারে সমারে যার্ সিবেত্তুন্ তারা হেবাত্যে পানি পেদাক্; আর খ্রীষ্টই এলদে সেই শিল্লো।

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

২ করিন্হীয় 1:18

গোজেন বিশ্বেজ্‌বলা, এ কধাগান্ যেধোক্ক্যেন সত্য সেধোক্ক্যেন ইয়েন্অ সত্য যে, তমা ইধু আমা কধানি একই সময়োত্ অয় আর নয় ন-অয়।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

দ্বি’লম্বর বিররণ 4:35

তুমি যেনে হবর্‌ পঅ, লগেপ্রভুই গোজেন আর তে বাদে আর কনঅ গোজেন নেই, সেনত্যে এ বেক্কানি তমারে দেগা ওইয়্যে।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

দ্বি’লম্বর বিররণ 5:10

মাত্তর্‌ যিগুনে মরে কোচ্‌পান আর মর্‌ উগুমানি পালান্‌ আজার্‌ আজার্‌ বংশ সং তারা উগুরে মর্‌ অমকদ কোচ্‌পানাগান্ থেবঅ।

১ থিষলনীকীয় 5:24

ইদোত্ রাগেয়ো, যিবে তমারে ডাক্ক্যে তে নির্ভরযোগ্য; তে খামাক্কায় সিয়েন গুরিবো।

২ থিষলনীকীয় 3:3

মাত্তর্ প্রভু বিশ্বেজ্‌বলা; তেয়ই তমারে থির্ রাগেব আর শদান আঢত্তুন্ তমারে রোক্ষ্যে গুরিবো।

২ তীমথিয় 2:13

আমি অবিশ্বেজি অলেয়ো তে বিশ্বেজি থায়, কিয়া তে নিজোরে অস্বিগের্ গুরি ন-পারে।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 10:23

বিশ্বেজি ইজেবে আমার যে আজা আঘে, এজঅ, আমি থির্ ওইনে তা কধানি স্বিগের্ গুরি থেই, কিয়া যিবে এগেম্ গোজ্জ্যে তে বিশ্বেজ্‌বলা।

ইব্রীয় 11:11

যুনিয়ো সারার পুয়ো অবার্ বয়জ্‌চান পার্ ওই যেইয়্যে তো বিশ্বেজর্ কারনে তে অব্রাহামর্ পুয়োবো পেদত্ ধুরিবার খেমতা পেয়্যে, কিয়া তে বিশ্বেজ্ গোজ্জ্যেদে, যিবে এগেম্ গোজ্জ্যে তে বিশ্বেজ্‌বলা।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।

বিচের গুরিয়্যেগুন 2:1

লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।

বিচের গুরিয়্যেগুন 5:31

ও লগেপ্রভু, তর্‌ শত্রুগুনে বেক্কুনে এধোক্কেন্‌ গুরিনে শেজ্‌ ওই যাদোক্‌; মাত্তর্‌ যিগুনে তরে কোচ্‌পান তারা যেনে বেলান ধোক্কেন্‌ পহ্‌র ওই উদোন্‌। ইয়েনর্ পরেন্দি দেজত্‌ চোল্লিশ বজর সং সুখ-শান্দি এলঅ।