দ্বি’লম্বর বিররণ 7:5 - Chakma Bible

⁵ তুমি সে বেক্‌ জাদ্‌তুনোর্‌ পূজোগুন্‌ ভাঙি ফেলেবা, পূজোগুনোর্‌ পাত্তরুন্‌ ভাঙি দিবা, পূজোর্‌ আশেরা-খুঁদোগুন কাবি ফেলেবা আর মূত্তিগুন্‌ আগুনোত্‌ পুড়ি দিবা।

দ্বি’লম্বর বিররণ 7:5 ပူးပေါင်းရင်းမြစ်များ

২ রাজাবলী 10:26

বাল দেবেদার মন্দিরত্তুন্‌ পূজোর্ পাত্তরুন্‌ তারা নিগিলেই আনিনে পড়িলাক্‌।

১ বংশধর 14:12

পলেষ্টীয়গুনে তারার্‌ দেবেদামূত্তিগুন্‌ সিদু ফেলেই যেয়োন্‌। দায়ূদো উগুমে মানুচ্চুনে সিগুন্‌ আগুনোত্‌ পুড়ি দিলাক্‌।

২ বংশধর 14:3

তে দেব-দেবেদার ঢালিঘরানি আর পূজোর অজল্‌ জাগায়ানি ভস্ত গুরিলো আর পূজো পাত্তরুন্‌ কট্টা কট্টা গুরিলো আর আশেরা-খুদোগুন্‌ কাবি ফেলেল।

যাত্রা 23:24

তুমি তারার্‌ দেবেদাগুনোরে পূজো বা সেবা ন-গুরিবা আর সিদুগোর্‌ মানুচ্চুনে যিয়েনি গরন্‌ সিয়েনি ন-গুরিবা। তুমি তারার্‌ দেব-দেবেদার মুর্তিগুন্‌ ভাঙি ফেলেবা আর তারার্‌ পূজো গোজ্যে পাত্তরুন কট্টা কট্টা গুরি ফেলেবা।

যাত্রা 32:20

মোশি তারার্‌ বানেয়্যে সেই গুরু ছবোর্‌ মূত্তিবো আগুনোত্‌ পুড়ি দিলো। সে পরেদি সিবে নিগুজ্‌ গুরিনে পানি উগুরে ছিদি দিইনে ইস্রায়েলীয়গুনোরে হাবেল।

যাত্রা 34:13

তুমি তারার্‌ ডালিপূজোগুন্‌ ভাঙি ফেলেবা, তারার্‌ পূজোর্‌ পাত্তরুন্‌ কট্টা কট্টা গুরি ফেলেবা আর তারার্‌ পূজোর্‌ আশেরা-খুদোগুন্‌ কাবি ফেলেবা।

যিশাইয় 17:8

তারা নিজো আঢে বানেয়্যে ডালি পূজোবো ইন্দি রিনি ন-চেবাক্, আর তারার আঢে বানেয়্যে আশেরা-খুদি আর আগর্‌বাট্টি-পূজো উগুরে কনঅ মনযোগ্‌অ ন-দিবাক্।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

দ্বি’লম্বর বিররণ 16:21

তমা গোজেন লগেপ্রভুর নাঙে তুমি যে পূজো বানেবা তা ইদু পূজো গুরিবাত্তে তক্তার আশেরা-খুঁদো ন গারেবা বা কনঅ পাত্তর্‌অ ন গারেবা, কিত্যে তমার গোজেন লগেপ্রভু ইয়েনি ঘিনাই।

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

দ্বি’লম্বর বিররণ 9:21

তমার্‌ সে পাপর জিনিস্‌ছান, অত্তাৎ তমার বানেয়্যে সেই দামাড়া গোরুবোরে নেযেইনে মুই আগুনোত্‌ পুড়ি দুয়োং। সে পরেন্দি মুই সিবে ধূল্যে ধোক্ক্যেন গুঁড়ি গুরি নেযেইনে মুড়োত্তুন্‌ বেঈ এচ্চ্যে গাঙর্‌ গঙারত্‌ ফেলে দুয়োং।