দ্বি’লম্বর বিররণ 7:25 - Chakma Bible

²⁵ তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

দ্বি’লম্বর বিররণ 7:25 ပူးပေါင်းရင်းမြစ်များ

২ রাজাবলী 23:14

যোশিয় পূজোর্ পাত্তরুন্‌ ভাঙি ফেলেল আর আশেরা-খুদোগুন্‌অ কাবি ফেলেল আর সে জাগায়ানি মান্‌জ্য আড়গোড়ালোই ঢাগি দিলো।

১ বংশধর 14:12

পলেষ্টীয়গুনে তারার্‌ দেবেদামূত্তিগুন্‌ সিদু ফেলেই যেয়োন্‌। দায়ূদো উগুমে মানুচ্চুনে সিগুন্‌ আগুনোত্‌ পুড়ি দিলাক্‌।

যাত্রা 20:17

“অন্য মান্‌জ্যর্‌ ঘর-দুয়োর্‌, মোক্‌, চাগর-চাগরানী, গোরু-গাধা বা আরঅ কনঅ কিজু উগুরে লুভ্‌ ন-গোজ্য।”

যাত্রা 32:20

মোশি তারার্‌ বানেয়্যে সেই গুরু ছবোর্‌ মূত্তিবো আগুনোত্‌ পুড়ি দিলো। সে পরেদি সিবে নিগুজ্‌ গুরিনে পানি উগুরে ছিদি দিইনে ইস্রায়েলীয়গুনোরে হাবেল।

যাত্রা 8:26

মোশি কলঅ, “মাত্তর্‌ ইয়েন গরানা কি ঠিগ্ অবঅ? আমার গোজেন লগেপ্রভুর্‌ নাঙে আমি যিয়েনি উৎসর্ব গুরিবোং সিয়েনি মিসরীয়গুনো ইধু ঈচ্ গরেদে জিনিচ্‌। মিসরীয়গুনে যিয়েনি ঈচ্ গরন্‌ সিয়েনি যদি আমি তারা চোগো মুজুঙোত্‌ উৎসর্ব গুরিই সালে তারা কি আমারে পাত্তর্‌ ন-মারিবাক্‌?

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিশাইয় 41:24

মাত্তর্ আজলে তুমি কিচ্চু নয়, আর তমা কামানিয়ো কিচ্চু নয়; যে তমারে বেঈ লোইয়্যে তে ঈচ্ গরা হেইয়্যে।

লেবীয় 19:4

মূত্তিপূজো গরানা তমার্‌ ন-চলিবো বা নিজোর্‌ উবোসনাত্তে ছাজি ফেলেয়ে জিনিচ্ছোই কনঅ দেব-দেবেদা বানানা ন-চলিবো। মুই লগেপ্রভু তমার গোজেন।

সফনিয় 1:3

মানুচ্ আর য়েমান, আগাজ পেগ্‌কুন আর সাগরর মাছ্‌চুন মুই শেজ্ গুরি দিম। মুই পাজিগুনোর্ অধপতন ঘোদেম্। পিত্‌‌‌‌থিমীর উগুরেত্তুন্ মুই মানুচ্চুনোরে ভস্ত গুরি দিম।

দ্বি’লম্বর বিররণ 12:3

তারার্ ডালিপূজোগুন ভাঙি দিবা, পূজোর পাত্তরুন কট্টা কট্টা গুরি দিবা, পূজোর আশেরা খুঁদোগুন পুড়ি ফেলেই দিবা, দেব-দেবীর মূত্তিগুন ভাঙি ফেলেই দিবা আর ইঙিরিনে সে বেক্‌ জাগানিত্তুন্‌ তারার্‌ দেব-দেবেদাগুনোর নাঙানি পুঝি ফেলেবা।

দ্বি’লম্বর বিররণ 13:16

সিদুগোর্ বেক্‌ লুদেয়্যে পযাপিরানি তুমি শঅরর-সংমোধ্যে নেযেইনে বেক্‌ পযাপিরানি আর সেই আদাম বা শঅরানি তুমি তমার লগেপ্রভুর নাঙে পুজ্যে-উৎসর্ব ধোক্ক্যেন গুরি বেক্কানি পুড়ি দিবা। সে জাগায়ান উমরত্তে যেনে এক্কান ভস্তর কুড়্ ওইনে পড়ি থায়; আর কনদিনঅ যেনে সিয়েনি বানানা ন-অয়।

দ্বি’লম্বর বিররণ 17:1

তমার গোজেন লগেপ্রভুর্ নাঙে তুমি এমন্‌ কনঅ গোরু বা ছাগল বা ভেড়া উৎসর্ব ন গুরিবা যিবের কনঅ দাগ্‌ বা দুষ আঘে, কিত্যে তে সিয়েনি ঘিনাই।

দ্বি’লম্বর বিররণ 23:18

মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।

দ্বি’লম্বর বিররণ 27:15

সে মানুচ্চো অভিশাব্ পেইয়্যে, যে ছাঝি ফেলায় বা তক্তা বা পাত্তর্‌ খুরিনে কনঅ মূত্তি বানায় আর পূজোত্তে সিয়েনি গুমুরো জাগাত থিদেবর্ গরে। এ বেক্ মূত্তিগুন লগেপ্রভুর ঘিনাইদে জিনিস, কালিগরর্‌ আদর কাম্‌ বানা। সেক্কে বেক্কুনে কবাক, আমেন।

দ্বি’লম্বর বিররণ 7:16

তমার গোজেন লগেপ্রভু তমা আদঅ মুদোত্‌ যিদুক্কুন্‌ জাদরে আনি দিবো বেক্কুনোরে তমাত্তুন্‌ ভস্ত গুরি ফেলা পুরিবো। তারারে তুমি মেইয়্যে ন-দেগেবা আর তারার্‌ দেবেদাগুনোরেয়ো পূজো ন-গুরিবা, কিত্যে সিয়েনি তমা পক্ষে ইদি ওইনে থেবঅ।

দ্বি’লম্বর বিররণ 7:5

তুমি সে বেক্‌ জাদ্‌তুনোর্‌ পূজোগুন্‌ ভাঙি ফেলেবা, পূজোগুনোর্‌ পাত্তরুন্‌ ভাঙি দিবা, পূজোর্‌ আশেরা-খুঁদোগুন কাবি ফেলেবা আর মূত্তিগুন্‌ আগুনোত্‌ পুড়ি দিবা।

যিহোশূয় 7:1

যিরীহো শঅরর্‌ ভস্তর্ অভিশাবর তলে থেইয়্যে পযারিরেনি পৌইদ্যেনে ইস্রায়েলীয়গুনে অবিশ্বেজী ওইয়োন্‌। যিহূদা-গুট্টির কর্মির পূঅ আখনে সে জিনিজোত্তুন্‌ কয়েক্কান নিজোত্তে নেযেল। কর্মি অলদে সব্দির পূঅ আর সেরহর নাদিন্‌। আখনর এ কামানত্তেই ইস্রায়েলীয়গুনো উগুরে লগেপ্রভুর রাগকান্‌ জুলি উদিলো।

যিহোশূয় 7:21

মুই লুদেয়্যে মাল ভিদিরে শিনিয়র দেজর দোল্‌ এক্কান কাবড়্‌, প্রায় আড়ি কেজি রূবো আর ছয়শ গ্রাম ওজনর্ এক্কান সনার কট্টা দেগিনে লুভ্‌ সামেলেই ন-পারিনে সিয়েন নেযেয়োং। সিয়েনি মঅ‌ তাম্বুলান ভিদিরে মাদিত্‌ তলে লুগেয়্যে আঘে আর বেক্কানির তলেদি আগেদে রূবোনি।”

ফগদাং পেইয়্যে 17:5

তা কবালত্ এমন্‌ নাঙ্ লেগা এলঅ যিবে পৌইদ্যেনে এক্কান গুমুরো সত্য আঘে। সেই নাঙান্ অলঅ, “নাঙ্ গোজ্জ্যে বাবিল, বেশ্যেগুনোর আর পিত্‌থিমীর বেক্‌ জঘন্য জিনিজোর্ মা।”