দ্বি’লম্বর বিররণ 7:23 - Chakma Bible

²³ তমা গোজেন লগেপ্রভু অমকদ যাগুলুগোত্ ফেলেইনে তমা আঢত্‌ তারারে তুলি দিবো যেদক্কন সং তারা এক্কুবারে ভস্ত ওই ন-যান।

দ্বি’লম্বর বিররণ 7:23 ပူးပေါင်းရင်းမြစ်များ

যাত্রা 23:27

তুমি যিদুক্কুন্‌ জাদ ইদু যেবা তারার মনত্‌ মঅ পৌইদ্যেনে এক্কান্‌ দর্‌গরেপারা মনভাব্‌ মুই আগে আগে জাগেই দিম্‌ আর তারা ভিদিরে এক্কান্‌ ওলোজোলো গুরি দিম। তমার বেক্‌ শত্রুগুনে পিজেদি ফিরিনে ধেই যেবাক্।

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

দ্বি’লম্বর বিররণ 2:15

তাম্বুলোত্তুন্‌ তারারে এক্কুবারে শেজ্ গুরি ফেলেবাত্তে লগেপ্রভু তারার্‌ বিরুদ্ধে কামান্‌ গোজ্যে, যেদক্কন্‌ সং তারা শেজ্ ওই ন-যান।

দ্বি’লম্বর বিররণ 31:5

তারারে তে তমা আদত্‌ তুলি দিবো আর মুই তারা উগুরে যিয়েনি গুরিবার উগুম দুয়োং তুমিয়ো তারা উগুরে সেধোক্কেন্‌ গুরিবা।

দ্বি’লম্বর বিররণ 8:20

লগেপ্রভু তমা মুজুঙোত্‌ যিদুক্কুন জাদরে ভস্ত গোজ্যে তারা ধোক্ক্যেন তুমিয়ো তমা গোজেন লগেপ্রভুর অবাধ্য অনার্‌ কারনে ভস্ত ওই যেবা।

দ্বি’লম্বর বিররণ 9:3

মাত্তর্‌ তুমি এ কধাগান মনত্‌ রাগেয়ো, তমার গোজেন লগেপ্রভুই ভস্তগুরিয়্যে আগুনো ধোক্ক্যেন তমার আগে আগে যর্দন গাঙান্‌ পার্‌ ওইনে যার্‌। তে তারারে ভস্ত গুরি দিবো; তেয়ই তমা ইদু তারারে অদেই দিবো। তমা ইদু লগেপ্রভু যে আশ্বাজ্ দিয়্যে সেই মজিম তুমি তারারে ধাবেই দিবা আর কম্‌ সময়োর্‌ ভিদিরে তারারে শেজ গুরি ফেলেবা।

২ থিষলনীকীয় 1:9

প্রভু যেক্কে এবঅ সেক্কে তারারে এমন্‌ সাজা দিয়্যে অবঅ যিয়েনর কারনে তারা আজিল্ আর দাঙর্ খেমতার্ বারেদি পড়িনে জিংকানিবর্ ভস্ত অনাত্ থেবাক্। সেদিন্যে তার্ নিজো মানুচ্চুনোর মাধ্যমে তার্ মহিমাগান ফগদাং অবঅ আর যিগুনে বিশ্বেজ্ গোজ্জ্যন তারার্ বেক্কুনোর্ মাধ্যমে তার্ বাঈনী অবঅ। তুমিয়ো সেই বিশ্বেজিগুনো ভিদিরে আঘঅ, কিয়া তুমি আমার সাক্ষিগানি বিশ্বেজ্ গোজ্জ্য।

যিহোশূয় 10:10

লগেপ্রভু ইস্রায়েলীয়গুনো মুজুঙোত্‌ তারারে এক্কান যাগুলুক্‌ অবস্থাত্‌ ফেলেই দিলো। সেক্কে লগেপ্রভু গিবিয়োনত্‌ ইস্রায়েলীয়গুনোরে দিইনে তারারে বোউত জনরে মারে ফেলেয়্যে। বৈৎ-হোরোণত্‌ উদিবার পথ্‌তান ধুরিনে লগেপ্রভু ইস্রায়েলীয়গুনোরে দিইনে তারারে লোড়েল আর অসেকা আর মক্কেদা সং গোদা পথ্‌তান তারারে মাত্তে মাত্তে নেগেল‌।

বিচের গুরিয়্যেগুন 4:15

বারকে যেক্কে আক্রমণ গুরিলো সেক্কে তা মুজুঙোত্‌ সীষরা আর তার্‌ বেক রথ্‌তানি আহ্‌ সৈন্যগুনোরে চিত্রিভংগ গুরি দিলো। সেক্কে সীষরা তার রথ্‌তান্‌ ফেলেইনে ধেই গেলঅ‌।