দ্বি’লম্বর বিররণ 7:2 - Chakma Bible2 তে যেক্কে তারারে তমা আঢর্ মুদোত্ আনি দিবো আর তুমি তারারে অদেই দিবা সেক্কে তুমি তারারে এক্কুবারে ভস্ত গুরি ফেলেবা। তুমি তারা সমারে কনঅ চুক্তি ন-গুরিবা আর তারা উগুরে কনঅ মেইয়্যে ন-দেগেবা। အခန်းကိုကြည့်ပါ။ |
দ্বি’লম্বর বিররণ 7:2
45 ပူးပေါင်းရင်းမြစ်များ
রাজা সেক্কে গিবিয়োনীয়গুনোরে ডাগিনে তারা লগে কধা কলঅ। গিবিয়োনীয়গুনে ইস্রায়েলীয় ন-এলাক্। আজলে তারা এলাক্কে ইমোরীয়গুনোর বাঁজি রোইয়্যে মানুচ্। তারারে ভস্ত ন-গুরিবাক্ বিলিনে ইস্রায়েলীয়গুনে শমক্ হেইয়োন, মাত্তর্ ইস্রায়েল আর যিহূদার উগুরে বিশেজ্ আওজত্তে শৌল তারারে বেক্কুনোরে মারে ফেলেবার চেট্ট্যা গুরিলো।
বিন্হদদে কলঅ, “তঅ বাবত্তুন্ মঅ বাপ্পো যেদক্কানি আদাম নেযেয়্যে মুই সিয়েনি তরে ফিরেই দিম্। মঅ বাপ্পো যেধোক্ক্যেন্ শমরিয়াত্ বাজার্ বোজেয়্যে সেধোক্ক্যেন্ তুয়ো দামেস্কর্ নানান্ জাগাত্ বাজার্ বোজেই পারিবে।” আহাবে কলঅ, “এক্কান্ সুদোম গুরিনে তরে মুই ইরি দিম্।” ইয়েন্ কোইনে তে বিন্হদদর্ লগে এক্কান্ সুদোম গুরিনে তারে ইরি দিলো।
মাত্তর্ তুমি এ কধাগান মনত্ রাগেয়ো, তমার গোজেন লগেপ্রভুই ভস্তগুরিয়্যে আগুনো ধোক্ক্যেন তমার আগে আগে যর্দন গাঙান্ পার্ ওইনে যার্। তে তারারে ভস্ত গুরি দিবো; তেয়ই তমা ইদু তারারে অদেই দিবো। তমা ইদু লগেপ্রভু যে আশ্বাজ্ দিয়্যে সেই মজিম তুমি তারারে ধাবেই দিবা আর কম্ সময়োর্ ভিদিরে তারারে শেজ গুরি ফেলেবা।
এবাবোত্যেগুরি যিহোশূয় বেক্ চাগালাগান্ জিদি নেযেল। সে ভিদিরে এলদে অজল্ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্ উগুম গোজ্যে সেধোক্ক্যেন্ তে বেক্ জেদা পরাণবলাগুনোরে এক্কুবারে শেজ্ গুরি দিলো।
ကြော်ငြာတွေ