দ্বি’লম্বর বিররণ 7:16 - Chakma Bible

¹⁶ তমার গোজেন লগেপ্রভু তমা আদঅ মুদোত্‌ যিদুক্কুন্‌ জাদরে আনি দিবো বেক্কুনোরে তমাত্তুন্‌ ভস্ত গুরি ফেলা পুরিবো। তারারে তুমি মেইয়্যে ন-দেগেবা আর তারার্‌ দেবেদাগুনোরেয়ো পূজো ন-গুরিবা, কিত্যে সিয়েনি তমা পক্ষে ইদি ওইনে থেবঅ।

দ্বি’লম্বর বিররণ 7:16 ပူးပေါင်းရင်းမြစ်များ

গীতসংহিতা 106:34

গোজেন উগুমোর্ অবাধ্য ওইনে তারা অন্য জাদর্ মানুচ্চুনোরে শেজ্ ন-গুরিলাক্,

গীতসংহিতা 106:36

তারার মূত্তিগুনোরে তারা পূজো গুরিলাক্ আর সিগুন তারার ফাল্ অলঅ।

যাত্রা 23:33

তমা দেজ ভিদিরে তারারে বজত্তি গুরিবাত্তে ন-দিবা। সিয়েন গুরিলে তারা মঅ বিরুদ্ধে তমারে পাপ কামত্‌ টানি নেযেবাক্, কিত্তে যুনি তুমি তারার্‌ দেব-দেবেদাগুনোরে পূজো গরঅ‌ সালে হামাক্কায়্‌ তুমি সিয়েনর কাবুগোত্‌ আক্‌সো যেবা।

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

গণাণা 33:55

“মাত্তর্‌ তুমি যুনি সেই দেজর্‌ আদাম্মেগুনোরে ধাবেই ন-দুয়ো তো যিগুনোরে তুমি থেবাত্তে দিবা তারা তমার্‌ চোগোত্‌ বুড়্‌শী ধোক্ক্যেন আর ঢাগ আড় কাঁদা ধোক্ক্যেন অবঅ। তুমি সেই দেজত্‌ বজত্তি গুরিবার অক্তত্ তারা তমারে দুঘ্ দিবাক।

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

দ্বি’লম্বর বিররণ 13:8

মাত্তর্‌ তার্‌ ডাগানালোই ন-শুন্ন্য বা তার্‌ কধালোই কান ন-দুয়ো। তারে কনঅ দোয়্যে ন-দেগেবা; তারে রেহাই ন-দিবা, বা তারে রোক্ষেয়ো ন-গুরিবা।

দ্বি’লম্বর বিররণ 13:9

তারে মারেই ফেলা পুরিবো। তারে মারে ফেলেবার কামান তুমি নিজো আঢে আরাম্ভ গুরিবা, সে পরেন্দি অন্য বেক্কুনে মিজেবাক।

দ্বি’লম্বর বিররণ 19:13

তারে তুমি কনঅ দোয়্যে ন দেগেবা। তুমি ইস্রায়েলীয়গুনো ভিদিরেত্তুন্‌ নিদ্দুষী মানুচ্চুনোর লো-ঝরানার দুষ্‌চানি পুঝি ফেলেবা। সেক্কে তমার ভালেদি অবঅ।

দ্বি’লম্বর বিররণ 19:21

তুমি তা উগুরে কনঅ দোয়্যে ন দেগেবা-পরাণর বদলে পরাণ, চোগোর বদলে চোগ, দাঁদর বদলে দাঁদ, আঢর্‌ বদলে আঢ্ আর টেঙর্‌ বদলে টেঙ্‌ নিবা।

দ্বি’লম্বর বিররণ 25:12

মাত্তর্‌ তুমি সে মিলেবোর্ আত্তান্‌ কাবি ফেলেবা। তারে তুমি কনঅ মেইয়্যে ন-দেগেবা।

দ্বি’লম্বর বিররণ 7:2

তে যেক্কে তারারে তমা আঢর্‌ মুদোত্‌ আনি দিবো আর তুমি তারারে অদেই দিবা সেক্কে তুমি তারারে এক্কুবারে ভস্ত গুরি ফেলেবা। তুমি তারা সমারে কনঅ চুক্তি ন-গুরিবা আর তারা উগুরে কনঅ মেইয়্যে ন-দেগেবা।

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

বিচের গুরিয়্যেগুন 2:12

তারার্‌ পূরোণি বুড়ো-বুড়িগুনোর্‌ গোজেন লগেপ্রভু, যিবে তারারে মিসর দেজত্তুন্‌ নিগিলেই আন্যে তারে তারা বার বার ছাড়ি যেদাক্‌। তারা তারার্‌ চেরোকিত্তে জাদ্‌তুনো ইদু নানান্‌ বাবোত্যে দেব-দেবেদার ইন্দি মন দিদাক্‌ আর সিগুনোরে পূজো গুরিদাক্‌, আর সেক্কে তারা লগেপ্রভুরে রাগ্‌ তুলি দিদাক্‌।

বিচের গুরিয়্যেগুন 2:3

সেনত্তেই ইক্কিনে মুই তমারে কঙত্তে, মুই তমাত্তুন এ মানুচ্চুনোরে ধাবেই ন-দিম্‌; তারা তমাত্যেই ফাল্‌ ধোক্ক্যেন অবাক্‌, কিত্যে তুমি তারার দেব-দেবেদাগুনোর ফালদ্‌ পুরিবা।”

বিচের গুরিয়্যেগুন 3:6

তারা তারার্‌ মিলেগুনোরে লদাক্‌ আর নিজো ঝিগুনোরে তারার্‌ পূঅগুনো সমারে বৌ-দিদাক্‌ আহ্‌ তারার্‌ দেব-দেবেদাগুনোরে পূজো গুরিদাক্‌।

বিচের গুরিয়্যেগুন 8:27

গিদিয়োনে সে বেক্‌ সোনানিলোই এক্কো এফোদ বানেইনে তা নিজোর আদামত্‌ অফ্রাদত্‌ রাগেল। ইস্রায়েলীয়গুনে বেক্কুনে সিদু লগেপ্রভু উগুরে বিশ্বেজ্ ন- গুরিনে এফোদর পূজোবোত্‌ নিজোরে লোঙেলাক্‌। সিয়েনই অলঅ গিদিয়োন আর তার গিরিত্তে এক্কো ফাল্‌।