দ্বি’লম্বর বিররণ 7:14 - Chakma Bible

¹⁴ অন্য বেক্‌ মানুচ্চুনোত্তুন্ তুমি বেশ্‌ বর্ পেবা। তমাত্তুন্‌ কনজনে গুর-গারা নেইয়্যে ন-থেবাক্‌ আর তমা পালত্তুন কনঅ য়েমান ছঅছাড়া ন-থেবাক্‌।

দ্বি’লম্বর বিররণ 7:14 ပူးပေါင်းရင်းမြစ်များ

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

গীতসংহিতা 115:15

লগেপ্রভু, যিবে স্বর্গ আর পিত্‌থিমীগান বানেয়্যে, তে তমারে বর্ দোক্।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

লেবীয় 26:9

মুই তমারে সেক্কে কোচ্‌পানার চোগেন্দি চেম্‌ আর বংশ বাড়েইনে তমা মানুচ্চুন বাড়েই দিম, আর তমা সমারে মুই মর্‌ সুদোমান ঠিগ্ রাগেম।

গণাণা 22:12

মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

দ্বি’লম্বর বিররণ 28:11

যে দেজছান তমারে দিবো বিলিনে লগেপ্রভু তমার পুরোণি মানুচ্চুনো ইদু শমক্‌ গোজ্যে সেই দেজত্‌ তে তমারে বোউত দান গুরিবো, অত্তাৎ তে তমার গিরির্ বোউত ঝি-পূঅরে, য়েমান পালত্‌ ভালোক্কুন্‌ ছঅ আর ক্ষেদত্‌ ভালোক্কুন ফসল দিবো।

দ্বি’লম্বর বিররণ 28:4

তুমি আশিদ্‌বাদ পেবা যার কারনে তমার গিরির্ বোউত ঝি-পূঅ, ক্ষেদত বোউত ফসল আর গোরু-ছাগল-ভেড়া পালর ভালোক্কুন ছঅ অবাক্।

দ্বি’লম্বর বিররণ 30:9

সেক্কে তমার গোজেন লগেপ্রভু বেক্কানিত্তুন তমারে ভালেদি গুরিবো। তে তমার কামত্‌ আশিদ্‌বাদ গুরিবো আর তমার পূঅগুনোর সোংখ্যে, য়েমানুনোর ছঅগুন আর ভুইয়োর ফলুন বাড়েই দিবো। তমার পুরোণি মানুচ্চুনো উগুরে তার যে ফুত্তি এলঅ তমা উগুরে আরঅ সেই ফুত্তিলোই তে তমারে ভালেদি গুরিবো-

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”