দ্বি’লম্বর বিররণ 7:12 - Chakma Bible

¹² যুনি তুমি এ বেক্‌ সুদোমর ইন্দি মনান্‌ দুয়ো আর সিয়েনি যত্তন্‌ গুরিনে পালঅ, সালে তমার গোজেন লগেপ্রভু তমা পুরোণি মানুচ্চুনো ইদু যে শমক্‌ গোজ্যে সেই মজিম তমাত্তে তে যে সুদোমানি থিদেবর্ গোজ্যে সিয়েনি তে রোক্ষ্যে গুরিবো আর তমা উগুরে অমকদ কোচ্‌পানা দেগেব।

দ্বি’লম্বর বিররণ 7:12 ပူးပေါင်းရင်းမြစ်များ

১ রাজাবলী 8:23

তে কলদে, ও লগেপ্রভু ইস্রায়েলর গোজেন, উগুরে স্বর্গত্‌ বা তলেন্দি পিত্তিমীত্‌ তঅ ধোক্কেন্‌ গোজেন আর কনজন নেই। তর্‌ যে চাগরুনে মনে-পরাণে তঅ পধেন্দি আদন্‌ তুই তারার পক্ষেন্দি তর্‌ অমকদ কোচ্‌পানার সুদোমান রোক্ষ্যে গুরি থাচ্‌।

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

গীতসংহিতা 149:9

তারার্ বিরুদ্ধে যে রায়য়ান লেগা ওইয়্যে সিয়েন কামত্ লাগেই পারন্। ইয়েনি বেক্কানি তার ভক্তগুনোর্ বাঈনী গুরিবার। লগেপ্রভুরে বাঈনী গরা ওক্।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যিরমিয় 11:5

মুই তমা পুরোণী মানুচ্চুনো ইধু এমন দেজ্ দিবার শমক্ গোজ্যং যিয়েনত্ দুধ, মধু আর কনঅ কিজুর অভাব নেই, আর সে শমক্তান্ মুই পুরেই দিম।’ সে দেজ্‌চানই এচ্চ্যে তুমি গজক্ গুরি আগঅ।” ‍ জোবত্ মুই কলুং, “আমেন, লগেপ্রভু।”

দানিয়েল 9:4

মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্‌‌‌পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্‌‌‌পানার বেবস্থা রোক্ষ্যে গুরি থাচ্।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 11:13

সেনত্যে তমার গোজেন লগেপ্রভুরে কোচ্‌পানা আর বেক্‌ মনান-পরাণানদোই তারে সেবা গুরিবার যে উগুমান এচ্চ্যে মুই তমারে দিলুং সিয়েনি তুমি বিশ্বেজ্ গুরিনে পালেবা।

দ্বি’লম্বর বিররণ 5:10

মাত্তর্‌ যিগুনে মরে কোচ্‌পান আর মর্‌ উগুমানি পালান্‌ আজার্‌ আজার্‌ বংশ সং তারা উগুরে মর্‌ অমকদ কোচ্‌পানাগান্ থেবঅ।

দ্বি’লম্বর বিররণ 7:11

সেনত্যেই এচ্ছ্যে মুই তমারে যেদক্কানি উগুম্‌, নিয়ম আর হুকুম্‌ দুয়োঙর্‌ সিয়েনি তুমি যত্তন্‌ গুরিনে পালন গুরিবা।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।