দ্বি’লম্বর বিররণ 7:10 - Chakma Bible

¹⁰ মাত্তর্‌ যিগুনে তারে কোচ্‌ ন-পান তারারে ভস্ত গুরিনে তে তার্‌ হেনা উগুরোই; আর সিয়েন্‌ গত্তে তে দেরি ন-গরে।

দ্বি’লম্বর বিররণ 7:10 ပူးပေါင်းရင်းမြစ်များ

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 34:7

তার্‌ অমকদ কোচ্‌পানা আজার্‌ আজার্‌ বংশ ধুরিনে থেবঅ‌। তে অন্যেয়, উল্লোমি আর পাপ্‌ ক্ষেমা গরে, মাত্তর্‌ দুষীগুনোরে সাজা-দে। তে বাবর্‌ অন্যেয়র্‌ সাজা তার্‌ বংশর্‌ তিন্নো-চের্‌বো বংশধর্ সং দি থায়।”

গম্ উপদেজ্ 11:31

এ জগদত্ যুনি গোজেন ভক্তগুনোর্ পাওনা পেবাত্তে অয়, সালে পাজি আর পাপিগুনে হামাক্কায় তারার পাওনা পেবাক্।

যিশাইয় 59:18

মানুচ্চুনে যিয়েনি গোজ্যন সিয়েনি তে তারারে ফিরেই দিবো; তা বিপক্ষগুনো উগুরে রাগ্ ঢালি দিবো আর শত্রুগুনোর ভান্ন্যেই কামর্ সাজা দিবো। দূর দেজ মানুচ্চুনোর যিয়েনি পাওনা সিয়েনি তে তারারে দিবো।

যিরমিয় 32:18

তুই আজার্ আজার্ জনরে তর্ অমকদ কোচ্‌‌‌‌পানা দেগেই থাচ্ আর বাব্‌‌পুনোর পাপর্ সাজাগানি তুই তারার্ পরেদি তারার পুয়োগুনোরে দি থাচ্। ও দাঙর্ আর খেমতাবলা গোজেন, তঅ নাঙান বেগত্তুন্ খেমতাবলা লগেপ্রভু;

নহূম 1:2

লগেপ্রভু এমন গোজেন যিবে তার পাওনা ভোক্তি চায় আর কামফল দে; লগেপ্রভু হেনা সুজে আর তে রাগে গুল্ ওইয়্যে। লগেপ্রভু তা বিপক্ষগুনো উগুরে হেনা সুজে আর তা শত্রুগুনোত্তে তা রাগ্‌‌কান জমা রাগায়।

গণাণা 10:35

যেক্কে সাক্ষ্য-সুন্দুক্কো যাহ্ ধুরিদো সেক্কে মোশি কদঅ, “ও লগেপ্রভু, উঠ্‌। তর্‌ শত্রুগুনে বেক্কুন ছিদি পোত্তোক্‌ আর যিগুনে তরে ঘিনাইদে চোগেন্দি দেগন্‌ তারা তর্‌ মুজুঙোত্তুন্‌ ধেই যাদোক।”

গণাণা 14:18

‘লগেপ্রভু এনেবাদে বেজার্ ন অয়, তার কোচ্‌পানার্‌ শেজ্ নেই আর তে অন্যেয় আর উল্লোমিগানি ক্ষেমা গরে, মাত্তর্‌ দুষীগুনোরে তে সাজা দে; তে বাবর্‌ অন্যেয়র্‌ সাজা তার্‌ বংশর তিন আর চের্‌ পুরুষ সং দি থায়।’

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

দ্বি’লম্বর বিররণ 32:41

যেক্কে মর্ তেল্‌তেল্যে তলোয়ারানত্‌ মুই পাত্তর দিম্‌, মর্‌ বিচেরর রায়ানরে কামত্‌ লাগেবাত্তে সিয়েন আদত্‌ নেযেম্‌, সেক্কে মর্‌ শত্রুগুনোরে মুই সাজা দিম্‌, আর যিগুনে মরে ঘিনান্‌ তারার যিয়েনি পাওনা সিয়েনি তারারে দিম্‌।

দ্বি’লম্বর বিররণ 5:9

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্যে বানা মুয়ই লগেপ্রভু তমার গোজেন। মর্‌ পেবার্‌ ভোক্তিগান মুই চাং। যিগুনে মরে ঘিনান্‌ তারার্‌ পাপর্‌ সাজা মুই তারার্‌ তিন আর চের্‌ বংশ সং দি থাং।

দ্বি’লম্বর বিররণ 7:11

সেনত্যেই এচ্ছ্যে মুই তমারে যেদক্কানি উগুম্‌, নিয়ম আর হুকুম্‌ দুয়োঙর্‌ সিয়েনি তুমি যত্তন্‌ গুরিনে পালন গুরিবা।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।