দ্বি’লম্বর বিররণ 6:5 - Chakma Bible

⁵ তুমি বেক্কুনে তমার্‌ বেক্‌ মনান্‌, বেক্‌ পরাণান আর বেক্‌ বলান্‌ দিইনে তমা গোজেন্‌ লগেপ্রভুরে কোচ্‌পেবা।

দ্বি’লম্বর বিররণ 6:5 ပူးပေါင်းရင်းမြစ်များ

১ রাজাবলী 3:3

শলোমন লগেপ্রভুরে কোচ্‌পেদঅ, সেনত্তে তা বাপ্পো দায়ূদোর উগুম মজিম আদাউদো গুরিদো; মাত্তর্‌ তে উবোসনার উজু জাগায়ানিত্‌ য়েমান উৎসর্ব গুরিদো আর পোইরেক্‌ জালেদ।

২ রাজাবলী 23:25

তে তার্‌ বেক্‌ মনান, পরাণান আর বলান্‌দোই মোশির বেক্‌ রীদি-সুদোম মজিম লগেপ্রভুর পধেন্দি আদিদো। তা আগেন্দি বা পরেন্দি আর কনঅ রাজা তা ধোক্ক্যেন ন-এলাক্‌।

২ বংশধর 15:12

তারা এ এগেমান্‌ গুরিলাক্‌, তারা পুরো মন্‌-পরাণ দিইনে তারার্‌ পূরোণি মানুচ্চুনোর গোজেন লগেপ্রভুর আওজ্ মজিম্‌ চলিবাক্‌;

২ বংশধর 34:31

রাজা তার্‌ নিজোর্‌ জাগানত্‌ থিয়্যেইনে লগেপ্রভুর পধেন্দি আদিবাত্তে আর বেক্‌ মনান্‌-পরাণান্‌ দিইনে তার্‌ বেক্‌ উগুমানি, সুদোম্‌ আর হুকুমানি মানি চলিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ খেলঅ।

গীতসংহিতা 119:2

বর্ পেইয়্যে সেই মানুচ্চুন, যিগুনে তা কধামজিম্ চলন্ আর মনযোগ দিইনে তার আওজ্ মজিম চলন্।

গীতসংহিতা 31:24

তুমি যিগুনে লগেপ্রভু উগুরে আজা গুরি আগ তুমি মন বল্ আন আর বুগোত্ সাহস বান।

মথি লেখ্যে গম্ হবর্ 10:37

যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

মথি লেখ্যে গম্ হবর্ 22:37

যীশু তারে কলঅ, “বেগত্তুন্ দাঙর্ আর বেগত্তুন্ দরকারী উগুম অলঅ, ‘তুমি পত্তিজনে তমার্ রিবেঙান্, পরাণান্ আর বেক্ মনান্দোই তমা প্রভু গোজেনরে কোচ্‌পেবা।’

মার্ক 12:30

তুমি বেক্কুনে তমার্ বেক্ রিবেঙান্, বেক্ পরাণান, বেক্ মনান্ আর বেক্ বলান্ দিইনে তমা প্রভু গোজেনরে কোচ্‌‌পেবা।’

মার্ক 12:33

আর বেক্ রিবেঙান্, বেক্ বুদ্ধিগান আর বেক্ বলান্দোই তারে কোচ্‌‌পানা আর পাড়াল্যেগুনোরে নিজো ধোক্ক্যেন কোচ্‌‌পানা য়েমান আহ্ অন্য বেক্ উৎসর্বত্তুন্ বোউত্ বেশ্ দরকারী।”

লূকে লেখ্যে গম্ হবর্ 10:27

সেই ধর্ম-মাষ্টর্‌বো যীশুরে জোব্ দিলো, “তুমি পত্তিজনে তমার্ বেক্ রিবেঙান্, বেক্ পরাণান্, বেক্ বলান্ আর বেক্ মনান্ দিইনে তমা প্রভু গোজেনরে কোচ্‌পেবা; আর তমা পাড়াল্যেগুনোরে নিজো ধোক্ক্যেন্ কোচ্‌পেবা।”

দ্বি’লম্বর বিররণ 10:12

ইস্রায়েলীয়গুন, তমা গোজেন লগেপ্রভু ইক্কিনে তমাত্তুন্‌ কি চায়? তে বানা চায়দে যেনে তুমি তমার্‌ গোজেন লগেপ্রভুরে ভোক্তি গরঅ, সিয়েনি পৌইদ্যেনে তার্‌ পধন্দি চল্লো, তারে কোচ্‌পেবা, তমার বেক মনান-পরাণান দিইনে তারে সেবা গরঅ আর তমার্‌ গম কামত্তে এচ্চ্যে মুই তমা ইদু লগেপ্রভুর্‌ যেদক্কানি উগুম্‌ আর সুদোম দুয়োঙর্‌ সিয়েনি পালন গরঅ।

দ্বি’লম্বর বিররণ 11:1

তমার গোজেন লগেপ্রভুরে কোচ্‌পেবা আর তে যিয়েন্‌ চায় সিয়েন্‌ গুরিবা আর তার্‌ সুদোমানি, হুকুমানি আর উগুমানি আমিঝে পালন গুরিবা।

দ্বি’লম্বর বিররণ 11:13

সেনত্যে তমার গোজেন লগেপ্রভুরে কোচ্‌পানা আর বেক্‌ মনান-পরাণানদোই তারে সেবা গুরিবার যে উগুমান এচ্চ্যে মুই তমারে দিলুং সিয়েনি তুমি বিশ্বেজ্ গুরিনে পালেবা।

দ্বি’লম্বর বিররণ 13:3

মাত্তর্‌ তুমি সে ভাববাদী বা স্ববনে-দেক্কে মানুচ্চোর কধানি ন-শুন্ন্য। তুমি তমার গোজেন লগেপ্রভুরে তমার বেগ্‌ মনান্‌-পরাণান্দোই কোচ্‌পঅ নাহি সিয়েনি তে তমারে পোরোক্ষেত্‌ ফেলেইনে দেগেই দের্‌।

দ্বি’লম্বর বিররণ 13:4

তমার গোজেন লগেপ্রভুর কধা মজিম্ তমাত্তুন্‌ চলা পুরিবো আর তারে ভোক্তি গরা পুরিবো। তুমি তার উগুমানি পালেবা আর তার বাধ্য ওইনে চলিবা; তুমি তারে সেবা গুরিবা আর তারে আজাবোদে ধুরি থেবা।

দ্বি’লম্বর বিররণ 30:10

হামাক্কায় যুনি তুমি তমার গোজেন লগেপ্রভুর বাধ্য ওইনে এ রীদি-সুদোমর্ বোইবোত্‌ লেখ্যে তার বেক্‌ উগুমানি আর সুুদোমানি পালঅ আর মনে-পরাণে তমার গোজেন লগেপ্রভুর ইন্দি ফিরো।

দ্বি’লম্বর বিররণ 30:16

এচ্চ্যে তমা ইদু মর্‌ উগুম ইয়েন, তুমি তমার গোজেন লগেপ্রভুরে কোচ্‌পেবা, তার পদেন্দি চলিবা আর তার উগুমানি, সুদোমানি আর হুকুমানি মানি চলিবা। সালে তুমি বাঁজিবা আর সোংখ্যেন্দি বাড়িই উদিবা, আর যে দেজ্‌ছান তুমি গজক্ গুরিবাত্তে যর্‌ সিয়েনত্ তমার গোজেন লগেপ্রভু তমারে আশিদ্‌বাদ গুরিবো।

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

দ্বি’লম্বর বিররণ 4:29

মাত্তর্‌ সিয়েনত্তুন্‌ তুমি তমা গোজেন লগেপ্রভু ইন্দি মন্‌ ফিরেবা আর সেক্কে তুমি তার্‌ কায়-কুরেত্তুন্‌ সাড়া পেবা, হামাক্কায়্‌ যেক্কেনে তুমি তমার্‌ বেক্‌ মন-পরাণানি দিইনে সিয়েনি গুরিবা।

যিহোশূয় 22:5

মাত্তর্‌ যেদক্কানি উগুম্‌ আর রীদি-সুুদোম লগেপ্রভুর্‌ চাগর্‌ মোশি তমারে দি যেইয়্যে সিয়েনি পালেবাত্তে মন্‌ দুয়ো। তমা গোজেন লগেপ্রভুরে কোচ্‌পেইয়ো, তা পথ্‌তানন্দি আদঅ‌, তার্‌ বেক্‌ উগুমানি পালঅ‌, তারে আজাবোদে ধরঅ‌ আর তমার্‌ বেক্‌ মনান্‌ আর পরাণান্‌ দিইনে তার সেবা গরঅ।”

১ যোহন 5:3

গোজেনর্ উগুমানি পালানা অলঅ গোজেনরে কোচ্‌পানা।