দ্বি’লম্বর বিররণ 6:4 - Chakma Bible

⁴ ইস্রায়েলীয়গুন, শুনো, আমার গোজেন লগেপ্রভু এক্কো।

দ্বি’লম্বর বিররণ 6:4 ပူးပေါင်းရင်းမြစ်များ

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

২ রাজাবলী 19:5

রাজা হিষ্কিয়োর কামগুরিয়্যেগুনে যেক্কে যিশাইয় ইদু এলাক্‌ সেক্কে যিশাইয় তারারে কলঅ, “তমা গিরোজ্‌সোরে কবাদে, লগেপ্রভু কোইয়্যেদে, ‘তুই যিয়েনি শুন্যচ্‌, অত্তাৎ আসিরিয়ার রাজার কাম্‌গুরিয়্যেগুনে মঅ বিরুদ্ধে যেদক্কানি অগমান কধা কোইয়োন্‌ সিয়েনিলোই তুই নঅ-দোরেচ্‌।

১ বংশধর 29:10

দায়ূদে বেক্‌ মানুচ্চুনো মুজুঙোত্‌ ইয়েন্‌ কোইনে লগেপ্রভুরে বাঈনী গুরিলো, ও লগেপ্রভু, আমা পুরোণি মানুচ্‌ ইস্রায়েলর গোজেন, পুরোণি কালত্তুন্‌ ধুরিনে থুম্‌ ন-ওইয়্যে কাল সং তরে বাঈনী গোরোদোক্‌।

২ বংশধর 17:9

লগেপ্রভুর রীদি-সুদোমর্ বোইবো লগে নেযেইনে তারা যিহূদা দেজর বেক্‌ জাগানিত্‌ সিয়েনি শিক্ষ্যে দিলাক্‌।

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

গীতসংহিতা 78:5

তে যাকোব বংশ উগুরে তা উগুমান জারি গোজ্যে, ইস্রায়েল জাদত্তে তার সুদোমানি থিদেবর্ গোজ্যে; সে সুদোমানি তারার ঝি-পুঅগুনোরে শিগেবাত্যে তে আমা পুরোণি মানুচ্চুনোরে উগুম গোজ্যে,

গীতসংহিতা 86:10

তুই দাঙর্ আর আমক্ অবার্ কাম গুরি থাচ্; বানা তুয়ই গোজেন।

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

মথি লেখ্যে গম্ হবর্ 22:37

যীশু তারে কলঅ, “বেগত্তুন্ দাঙর্ আর বেগত্তুন্ দরকারী উগুম অলঅ, ‘তুমি পত্তিজনে তমার্ রিবেঙান্, পরাণান্ আর বেক্ মনান্দোই তমা প্রভু গোজেনরে কোচ্‌পেবা।’

লূকে লেখ্যে গম্ হবর্ 10:27

সেই ধর্ম-মাষ্টর্‌বো যীশুরে জোব্ দিলো, “তুমি পত্তিজনে তমার্ বেক্ রিবেঙান্, বেক্ পরাণান্, বেক্ বলান্ আর বেক্ মনান্ দিইনে তমা প্রভু গোজেনরে কোচ্‌পেবা; আর তমা পাড়াল্যেগুনোরে নিজো ধোক্ক্যেন্ কোচ্‌পেবা।”

যোহন 10:30

মুই আর বাবা এক্।”

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

রোমীয় 3:30

কিত্যে গোজেনে দঅ বানা একজন। তে যিহূদীগুনোরে যেবাবোত্যেগুরি বিশ্বেজর্ মাধ্যমে নিদ্দুজি বিলি মানি লবঅ সেবাবোত্যেগুরি অযিহূদীগুনোরেয়ো মানি লবঅ।

ইফিষীয় 4:6

বেক্কুনোর গোজেন আর বাপ বানা একজনই আঘে। তে বেক্কুনো উগুরে; তেয়ই বেক্কুনো ইধু আর বেক্কুনো মনত্ আঘে।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

দ্বি’লম্বর বিররণ 5:6

মুই লগেপ্রভু তমার গোজেন। মিসর দেজর্‌ চাগর্‌ কাদানাত্তুন্‌ মুয়োই তমারে নিগিলেই আন্যং।

১ তীমথিয় 2:5

গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

যাকোব 2:19

তুই এক্কো গোজেনরে বিশ্বেজ্ গরচ্, নয় কি? ভারী গম! মাত্তর্ ভান্ন্যেই আত্মাগুনেয়ো দঅ সিয়েন বিশ্বেজ্ গরন আর দরে গির্‌‌গিরান্।