দ্বি’লম্বর বিররণ 6:24 - Chakma Bible

²⁴ এচ্চ্যে ধোক্ক্যেন যেন আমিঝে আমার্‌ ভালেদি অয় আর আমি বাঁঝি থেই পারিই সেনত্যে লগেপ্রভু আমারে এ বেক্‌ সুদোমানি পালন গুরিবাত্তে আর আমা গোজেন লগেপ্রভুরে ভোক্তি গুরিবাত্তে উগুম্‌ দিয়্যে।

দ্বি’লম্বর বিররণ 6:24 ပူးပေါင်းရင်းမြစ်များ

গীতসংহিতা 41:2

লগেপ্রভু তারে রোক্ষ্যে গুরিবো আর বাঁজেই রাগেব; দেজত্ তে সুগি অবঅ। তা শত্রুগুনোর আঢত্ তে তারে তুলি ন-দিবো।

গীতসংহিতা 41:3

তে অসুখ্ ওইনে যেক্কে বিচ্চোনত্ পড়িবো সেক্কে লগেপ্রভু তারে সান্তনা দিবো; পিড়েল্যের বিচ্চোনত্তুন্ তে তারে তুলি আনিবো।

গীতসংহিতা 66:9

তেয়ই আমারে বাঁজেই রাগেয়্যে আর আমা ঠেঙানি থির্ রাগেয়্যে।

যাত্রা 20:20

সেক্কে মোশি মানুচ্চুনোরে কলঅ‌, “তুমি ন-দোরেয়ো। গোজেনে তমারে পোরোক্ষেত্‌ ফেলেয়্যে যেনে তমার মনত্‌ ভক্তির্‌ মনভাব থায়্‌ আর সিয়েনর্‌ কারনে তুমি পাপ ন-গরঅ‌। সেনত্তেই তে এচ্চ্যে।”

গম্ উপদেজ্ 22:4

নম্রগান আর লগেপ্রভু উগুরে ভোক্তিবলা দর্ ধন, সর্মান আর জিংকানি আনে।

গম্ উপদেজ্ 9:12

তুই যুনি জ্ঞানী অস্ সালে তর্ নিজোর লাভ অবঅ, মাত্তর্ যুনি ঠাট্টা-ঈচগুরিয়্যে অস্ সালে তুই গায় গায় দুঘ্ পেবে।”

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

লূকে লেখ্যে গম্ হবর্ 10:28

যীশু তারে কলঅ, “তুই ঠিগ্ জোব্‌পান দুয়োচ্। যুনি তুই সিয়েন্ গুরি থাচ্ সালে জিংকানি পেবে।”

রোমীয় 10:5

রীতি-সুদোম পালেইনে গোজেনর্ যগাজ্জ্যে অনা পৌইদ্যেনে মোশি লেখ্যেদে, “যে মানুচ্চো রীতি-সুদোম্ মজিম আঢে তে সিয়েনর্ মাধ্যমে জিংকানি পেবঅ”

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:4

মাত্তর্‌ তুমি যিগুনে তমা গোজেন লগেপ্রভুরে আজাবোদে ধোজ্য, তুমি বেক্কুনে এজঅ বাঁঝি আগঅ।

দ্বি’লম্বর বিররণ 6:2

সেক্কে তুমি, তমা ঝি-পূঅগুনে আর তারার্‌ বংশধরুনে তমা গোজেন লগেপ্রভুরে ভোক্তি গুরিনে তার্‌ দিয়্যে এ বেক্‌ সুদোমানি আর উগুমানি সারা জিংকানিবর্‌ পালেবা আর সেনত্তে ভালোক্‌ দিন সং বাঁঝি থেবা।

দ্বি’লম্বর বিররণ 6:23

মাত্তর্‌ সিয়েনত্তুন্‌ তে আমারে নিগিলেই আন্যে যেনে আমার্‌ পুরোণি মানুচ্চুনো ইদু যে দেজ্‌ছান দিবার্‌ শমক্‌কান্‌ তে গোজ্যে সে দেজত্‌ নেযেইনে আমারে সিয়েনি দি পারে।

দ্বি’লম্বর বিররণ 8:1

এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনির্‌ পত্তি উগুম পালন গুরিবাত্তে তুমি মন দুয়ো, যেনে তুমি বাঁজি থাগঅ আর সোংখ্যেন্দি বাড়িই উদো আর লগেপ্রভু তমার পুরোণি মানুচ্চুনো ইদু যে দেজ্‌ছান দিবার্‌ কধা শমক্‌ খেইনে এগেম্ গোজ্যে সিদু সুমিনে সিয়েনি গজক্ গুরি পারঅ।

দ্বি’লম্বর বিররণ 8:3

পেত্‌পুড়োনার দুঘ দিইনে আর যে মান্নার্‌ কধা তমারে আর তমার পুরোণি মানুচ্চুনোর্‌ অজানা এলঅ সিয়েন্‌ খাবেইনে তে তমার বাড়্ গরানাগানি ভাঙি দিয়্যে। ইয়েন্দোই তে তমারে এ শিক্ষ্যেগান্‌ দিবাত্তে চেয়্যেদে, মান্‌জ্যে বানা পিদেলোই ন-বাঁজন, মাত্তর্‌ লগেপ্রভুর্‌ মুয়োর্‌ এক্‌ এক্কান কধালোই বাঁজন্‌।