দ্বি’লম্বর বিররণ 6:23 - Chakma Bible

²³ মাত্তর্‌ সিয়েনত্তুন্‌ তে আমারে নিগিলেই আন্যে যেনে আমার্‌ পুরোণি মানুচ্চুনো ইদু যে দেজ্‌ছান দিবার্‌ শমক্‌কান্‌ তে গোজ্যে সে দেজত্‌ নেযেইনে আমারে সিয়েনি দি পারে।

দ্বি’লম্বর বিররণ 6:23 ပူးပေါင်းရင်းမြစ်များ

যাত্রা 13:5

যেক্কে লগেপ্রভু তমারে কনানীয়, হিত্তীয়, ইমোরীয়, হিব্বীয় আর যিবূষীয়গুনোর্‌ দেজত্‌ নেযেব সেক্কে তুমি বজরর্‌ এই মাস্যত্‌ এই অনুষ্ঠানান্ পালন গুরিবা। ইয়েনই সেই দেজ্‌ছান যিয়েন্‌ লগেপ্রভু তমারে দিবো বিলি তমার পুরোণি মানেইয়ুনো ইধু শমক্‌ গোজ্যে। সিয়েনত্‌ দুধ, মধু আর কনঅ‌ কিজুর্‌ অভাব নেই।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 6:10

তমার পুরোণি মানুচ্‌ অব্রাহাম, ইস্‌হাক আর যাকোব ইদু তমা গোজেন্‌ লগেপ্রভু তমারে যে দেজ্‌ছান দিবার্‌ কধা শমক্‌ খেইনে কোইয়্যে সিদু তে তমারে নেযেব। সিদু আগেদে এন্‌ দোল্‌ আর দাঙর্‌ দাঙর্‌ শঅর্‌ যিয়েনি তুমি নিজেই ন-বানঅ,

দ্বি’লম্বর বিররণ 6:18

তমার্‌ যেনে ভালেদি অয় সেনত্যে লগেপ্রভুর চোগোত্‌ যিয়েনি ঠিগ্ আর গম্‌ তুমি সিয়েনোই গোজ্য। সেক্কে লগেপ্রভু তমার্‌ পুরোণি মানুচ্চুনো ইদু শমক্‌ গুরিনে যে দোল্‌ দেজ্‌ছান দিবার কধা এগেম্ গোজ্য, সে দেজত্‌ যেইনে তুমি সিয়েনি গজক্ গুরিবা আর লগেপ্রভু যেধোক্ক্যেন কোইয়্যে সেধোক্ক্যেন গুরি তমা মুজুঙোত্তুন্‌ তমার্‌ শত্রুগুনোরে তুমি ধাবেই দি পারিবা।

দ্বি’লম্বর বিররণ 6:22

লগেপ্রভু আমার্‌ চোগো মুজুঙোত্‌ ফরৌণ আর তা ঘরর্‌ বেক্কুনো উগুরে আর মিসর দেজঅ উগুরে দাঙর্‌ দাঙর্‌ আর দর্‌গরেপারা চিহ্নো আর আমক্‌ অবার্‌ কাম্‌ গোজ্যে।

দ্বি’লম্বর বিররণ 6:24

এচ্চ্যে ধোক্ক্যেন যেন আমিঝে আমার্‌ ভালেদি অয় আর আমি বাঁঝি থেই পারিই সেনত্যে লগেপ্রভু আমারে এ বেক্‌ সুদোমানি পালন গুরিবাত্তে আর আমা গোজেন লগেপ্রভুরে ভোক্তি গুরিবাত্তে উগুম্‌ দিয়্যে।