দ্বি’লম্বর বিররণ 6:21 - Chakma Bible

²¹ সেক্কে তুমি তারারে কবা, মিসর দেজত্‌ আমি ফরৌণর চাগর্‌ এলং, মাত্তর্‌ লগেপ্রভু বোলী আত্তান্‌ বেবহার্‌ গুরিনে সিয়েনত্তুন্‌ আমারে নিগিলেই আন্যে।

দ্বি’লম্বর বিররণ 6:21 ပူးပေါင်းရင်းမြစ်များ

পত্থম 19:16

মাত্তর্‌ লোটে যেম্-যাঙর্ গরা দোজ্যে। কিত্যে লগেপ্রভুর্‌ দোয়্যে তা উগুরে এলঅ বিলিনে সে দ্বিজনে তারা পুরো পরিবারবোরে আদত্‌ ধুরি টানিনে শঅর বারেন্দি আনিলাক্।

গীতসংহিতা 78:7

সেক্কে তারা গোজেন উগুরে বিশ্বেজ্ গুরিবাক্; তার কামানি তারা ভুলি ন-যেবাক্ বরং তা উগুমানি পালেবাক্।

যাত্রা 13:14

“ভবিচ্চদে যেক্কে তমা পূয়োগুনে ইয়েনির্‌ অত্তগানি তমাত্তুন্‌ পুযোর্‌ গুরিবাক্ সেক্কে তুমি পত্তিজনে কবা, ‘লগেপ্রভু মিসরর্ দাসত্বত্তুন্‌ তাঁর্‌ খেমতাগান্‌ দেগেইনে আমারে নিগিলেই আন্যে।

যাত্রা 13:16

ইয়েন এমন্‌ এক্কান্‌ চিহ্নো অবঅ যিয়েন্‌ আত্‌ আর কবালর্‌ ইদোত্ থাইদ্যে-চিহ্নো ধোক্ক্যেন তরে মনত্‌ গুরি দিবো, লগেপ্রভু তাঁর্‌ খেমতাগান দেগেইনে মিসর দেজত্তুন্‌ আমারে নিগিলেই আন্যে।’”

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 3:19

মুই হবর্‌ পাং দরমর আদত্‌ পুড়িলেয়ো মিসর রাজাবো তমারে যেবাত্তে ন-দিবো।

যিশাইয় 51:1

লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

দ্বি’লম্বর বিররণ 15:15

মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

দ্বি’লম্বর বিররণ 5:15

মনত্‌ রাগেয়ো, তুমিয়ো মিসর দেজত্‌ চাগর্‌ এলা আর তমা গোজেন লগেপ্রভু তার্‌ দরমর আর বোলী আত্তান বাবেইনে সিয়েনত্তুন্‌ তমারে নিগিলেই আন্যে। সেনত্তে তে জিরেবার্‌ দিন্নোরে পালন গুরিবাত্তে তমারে উগুম দিয়্যে।

দ্বি’লম্বর বিররণ 5:6

মুই লগেপ্রভু তমার গোজেন। মিসর দেজর্‌ চাগর্‌ কাদানাত্তুন্‌ মুয়োই তমারে নিগিলেই আন্যং।

দ্বি’লম্বর বিররণ 6:20

আগামিদি যেক্কে তমা পূঅগুনে তমারে পুযোর্‌ গুরিবাক্‌, আমার গোজেন লগেপ্রভু যেদক্কানি উঝিয়ারর্‌ কধা, সুদোম আর উগুম্‌ তমারে দিয়্যে সিয়েনির্‌ ভেদ্‌তান্ কি?

দ্বি’লম্বর বিররণ 6:22

লগেপ্রভু আমার্‌ চোগো মুজুঙোত্‌ ফরৌণ আর তা ঘরর্‌ বেক্কুনো উগুরে আর মিসর দেজঅ উগুরে দাঙর্‌ দাঙর্‌ আর দর্‌গরেপারা চিহ্নো আর আমক্‌ অবার্‌ কাম্‌ গোজ্যে।