দ্বি’লম্বর বিররণ 6:18 - Chakma Bible

^18-19 তমার্‌ যেনে ভালেদি অয় সেনত্যে লগেপ্রভুর চোগোত্‌ যিয়েনি ঠিগ্ আর গম্‌ তুমি সিয়েনোই গোজ্য। সেক্কে লগেপ্রভু তমার্‌ পুরোণি মানুচ্চুনো ইদু শমক্‌ গুরিনে যে দোল্‌ দেজ্‌ছান দিবার কধা এগেম্ গোজ্য, সে দেজত্‌ যেইনে তুমি সিয়েনি গজক্ গুরিবা আর লগেপ্রভু যেধোক্ক্যেন কোইয়্যে সেধোক্ক্যেন গুরি তমা মুজুঙোত্তুন্‌ তমার্‌ শত্রুগুনোরে তুমি ধাবেই দি পারিবা।

দ্বি’লম্বর বিররণ 6:18 ပူးပေါင်းရင်းမြစ်များ

গীতসংহিতা 19:11

সিয়েনে তর্ চাগর্‌বোরে উজিয়ার গরে, আর সিয়েনি পালন গুরিলে লাভবান অয়।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিশাইয় 38:3

“ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো।

যিহিষ্কেল 18:19

তো তুমি কত্তে, বাবর্ দুজোত্তে কিত্তে পুয়োবো সাজা ন-পেবঅ? সেই পুয়োবো দঅ ন্যায় আর ঠিগ্ কাম গোজ্যে আর মর্ বেক সুদোমানি যত্তন্ গুরি পালেয়্যে, সেনত্তে তে হামাক্কায় বাঁজিবো।

যিহিষ্কেল 18:21

মাত্তর্ যুনি এক্কো পাজি মানুচ্ তার বেক পাপ্পানিত্তুন্ ফিরিনে মর্ বেক সুদোমানি পালায় আর ন্যায় আর ঠিগ্ কাম গরন সালে হামাক্কায় বাঁজিবো, ন-মুরিবো।

যিহিষ্কেল 18:27

মাত্তর্ যুনি এক্কো পাজি মানুচ্ তার ভান্ন্যেয়ত্তুন্ ফিরিনে ন্যায় আর গম্ কাম গরে, সালে তে তা পরাণান্ বাঁজেব।

যিহিষ্কেল 18:5

ধোজ্য এক্কো গম্ মান্‌জ্যে ন্যায় আর ঠিগ্ কাম গরে।‍‌

যিহিষ্কেল 33:14

যুনি মুই এক্কো পাজি মান্‌‌‌‌জ্যরে কং, তুই ঘেচ্চেকগুরি মুরিবে, মাত্তর্ তে পরেদি তা পাপত্তুন্ ফিরিনে ন্যায় আর ঠিগ্ কাম গরে,

যিহিষ্কেল 33:16

তে যেদক্কানি পাপ গোজ্যে সিয়েনর্ কনগান তা বিরুদ্ধে ইদোত্ রাগা ন-অবঅ। তে ন্যায় আর ঠিগ্ কাম গোজ্যে বিলিনে তে ঘেচ্চেকগুরি বাঁজিবো।

যিহিষ্কেল 33:19

এক্কো পাজি মানুচ্ যুনি তার পাজিগানিত্তুন্ ফিরিনে ন্যায় আর ঠিগ্ কাম্ গরে সালে সিয়েনত্তে তে বাঁজিবো।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

যোহন 8:29

যে মরে পাধেয়্যে তেয়ই মঅ সমারে আঘে। তে মরে গায় গায় গুরি ইরি ন-দে, কিয়া যে কামত্ তে হুজী অয় মুই নিত্য সেই কামান গরং।”

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

দ্বি’লম্বর বিররণ 12:25

তমার আর তমার পরেদি তমার পূঅগুনোর যেনে ভালেদি অয় সেনত্যে তুমি লো-গানি ন-হেবা; সালে লগেপ্রভুর চোগোত্‌ যিয়েনি গম্‌ সিয়েনোই গরা অবঅ।

দ্বি’লম্বর বিররণ 12:28

তমার আর তমার পরেদি তমার ঝি-পূঅগুনোরে যেনে আমিঝে ভালেদি অয় সেনত্যে মর্‌ দিয়্যে এ বেক্‌ উগুমানি তুমি যত্তন্‌ গুরিনে পালন গুরিবা, কিত্যে সিয়েনি গুরিলে তমার গোজেন লগেপ্রভুর চোগোত্‌ যিয়েনি ন্যায় আর গম্‌ সিয়েনোই গরা অবঅ।

দ্বি’লম্বর বিররণ 13:18

কিত্যে এচ্চ্যে মুই তমারে যেদক্কানি উগুম দুয়োঙর্‌ সিয়েনি পালন গরঅ আর তার চোগেদি যিয়েনি গম্‌ সিয়েনি গরঅ তুমি তমার গোজেন লগেপ্রভুর বাধ্য ওইয়ো।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

দ্বি’লম্বর বিররণ 6:10

তমার পুরোণি মানুচ্‌ অব্রাহাম, ইস্‌হাক আর যাকোব ইদু তমা গোজেন্‌ লগেপ্রভু তমারে যে দেজ্‌ছান দিবার্‌ কধা শমক্‌ খেইনে কোইয়্যে সিদু তে তমারে নেযেব। সিদু আগেদে এন্‌ দোল্‌ আর দাঙর্‌ দাঙর্‌ শঅর্‌ যিয়েনি তুমি নিজেই ন-বানঅ,

দ্বি’লম্বর বিররণ 8:11

তুমি উঝিয়ার্‌ থেবা যেনে এচ্চ্যে মুই তার্‌ যেদক্কানি উগুম, হুকুম আর সুদোম তমারে দুয়োঙর্‌ সিয়েনি ন-মানিনে তুমি তমার গোজেন লগেপ্রভুরে পুরি ন-ফেলেইয়ো।