দ্বি’লম্বর বিররণ 6:17 - Chakma Bible

¹⁷ তমা গোজেন লগেপ্রভু যেদক্কানি উগুম্‌, উজিয়ারর্‌ কধা আর সুদোমানি দিয়্যে সিয়েনি হামাক্কায় তমাত্তুন্‌ পালন গরা পুরিবো।

দ্বি’লম্বর বিররণ 6:17 ပူးပေါင်းရင်းမြစ်များ

গীতসংহিতা 119:2

বর্ পেইয়্যে সেই মানুচ্চুন, যিগুনে তা কধামজিম্ চলন্ আর মনযোগ দিইনে তার আওজ্ মজিম চলন্।

গীতসংহিতা 119:4

তুই সুদোমানি ঠিগ্ গুরি দুয়োচ্ যেন সিয়েনি আমি গমেডালে পালেই।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

দ্বি’লম্বর বিররণ 11:13

সেনত্যে তমার গোজেন লগেপ্রভুরে কোচ্‌পানা আর বেক্‌ মনান-পরাণানদোই তারে সেবা গুরিবার যে উগুমান এচ্চ্যে মুই তমারে দিলুং সিয়েনি তুমি বিশ্বেজ্ গুরিনে পালেবা।

দ্বি’লম্বর বিররণ 11:22

তমার গোজেন লগেপ্রভুরে কোচ্‌পেবার, তার্‌ পদেন্দি চলিবার আর তারে আজাবোদে ধুরি রাগেবার্‌ যেদক্কানি উগুম্‌ মুই তমারে দিলুং সিয়েনি তুমি গমেডালে পালেবা।

দ্বি’লম্বর বিররণ 27:1

মোশি ইস্রায়েলীয় বুড়ো নেতাগুনোরে সমারে নেযেইনে মানুচ্চুনোরে কলদে, “যেদক্কানি উগুম এচ্চ্যে মুই তমারে দুয়োঙর্‌ সিয়েনি তুমি পালেবা।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

ইব্রীয় 6:11

আমি চেই, তুমি পত্তিজনে যেন থুম্ সং এক্কুই আওজ্ দেগঅ। সেক্কে তুমি পুরোপুরি গুরি নিচ্চিত্ অবা যে, তমার আজাগান পূরোণ অবঅ।

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।