দ্বি’লম্বর বিররণ 6:16 - Chakma Bible

¹⁶ তুমি তমার্‌ গোজেন লগেপ্রভুরে জগা চেবাত্তে ন-যেয়ো, যেধোক্ক্যেন তুমি মঃসাতত্‌ গোজ্য।

দ্বি’লম্বর বিররণ 6:16 ပူးပေါင်းရင်းမြစ်များ

গীতসংহিতা 78:18

তারার আওজ্ মজিম হানা দাবি গুরিনে মনে মনে তারা গোজেনরে জগা চেলাক্।

যাত্রা 17:2

সেনত্তে তারা মোশি লগে কোল্‌-কোজ্যে বাজেইনে কলাক্, “আমারে হেবাত্তে পানি দে।” মোশি তারারে কলঅ, “তুমি মঅ‌ লগে কিত্তেই কোল্‌-কোজ্যে বাজর্, আর কিত্তেই‌ বা তুমি লগেপ্রভুরে জগা চঅর্‌?”

যাত্রা 17:7

মানুচ্চুনে এই রফীদীমোত্‌ কোল্‌-কোজ্যে গোজ্যন্‌ আর কোইয়োন, “লগেপ্রভু কি আমা লগে আঘে, না-কি নেই?” এই কধানিলোই লগেপ্রভুরে তারা জগা চেইয়োন্‌। সেনত্যে মোশি এই জাগাগানর্‌ দ্বিয়েন্‌ নাঙ্‌ দিলো মঃসা (যিয়েনর্ ভেদ্‌তান্ “জগা চানা”) আর মরীবা (যিয়েনর্ ভেদ্তান্ “কোল্‌বাজানা”)।

গণাণা 20:13

সেই পানিগানরে কুয়া অলঅ মরীবা (যিয়েনর্‌ ভেদ্‌তান “কোল্‌বাজানা”)। ইয়েনত্‌ ইস্রায়েলীয়গুনে লগেপ্রভুর লগে কোল্‌ বাজেয়োন্‌ আর লগেপ্রভু ইয়োদোই তারা ভিদিরে নিজোর পবিত্রতাগান্‌ ফগদাং গোজ্যে।

মথি লেখ্যে গম্ হবর্ 4:7

যীশু শদান্নোরে কলঅ, “আরঅ এ কধাগান্অ লেগা আঘে, তর্ প্রভু গোজেনরে তুই জগা চেবাত্তে ন-যেচ্।”

লূকে লেখ্যে গম্ হবর্ 4:12

যীশু তারে কলঅ, “পবিত্র বোইবোত্ কুয়ো ওইয়্যেদে, ‘তর্ প্রভু গোজেনরে তুই যগা চেবাত্তে ন-যেচ্।’ ”

১ করিন্হীয় 10:9

তারা ভিদিরে ভালোকজনে প্রভুরে পোরোক্ষ্যে গুরিনে যেবাবোত্যে সাপ কামরত্ মুরি যেইয়োন সেবাবোত্যেগুরি আমি যেন প্রভুরে পোরোক্ষ্যে ন-গুরিই।

দ্বি’লম্বর বিররণ 33:8

লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।