দ্বি’লম্বর বিররণ 6:13 - Chakma Bible13 তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্ নাঙেই শমক্ গুরিবা। အခန်းကိုကြည့်ပါ။ |
দ্বি’লম্বর বিররণ 6:13
29 ပူးပေါင်းရင်းမြစ်များ
ইস্রায়েলীয়গুন, তমা গোজেন লগেপ্রভু ইক্কিনে তমাত্তুন্ কি চায়? তে বানা চায়দে যেনে তুমি তমার্ গোজেন লগেপ্রভুরে ভোক্তি গরঅ, সিয়েনি পৌইদ্যেনে তার্ পধন্দি চল্লো, তারে কোচ্পেবা, তমার বেক মনান-পরাণান দিইনে তারে সেবা গরঅ আর তমার্ গম কামত্তে এচ্চ্যে মুই তমা ইদু লগেপ্রভুর্ যেদক্কানি উগুম্ আর সুদোম দুয়োঙর্ সিয়েনি পালন গরঅ।
সেই ভাববাদী বা সেই স্ববনে-দেখ্যে মানুচ্চোরে মারে ফেলা পুরিবো, কিত্যে তমার গোজেন লগেপ্রভু, যিবে মিসরত্তুন্ তমারে নিগিলেই আন্যে আর সেই চাগর্ খাদানার দেজত্তুন্ তমারে উদ্ধোর গোজ্যে, তে তা বিরুদ্ধে উল্লোমির উচ্চোমি দিয়্যে আর তমার গোজেন লগেপ্রভু যে পদেন্দি চলিবাত্তে তমারে উগুম্ দিয়্যে সে পধত্তুন্ তমারে ফিরেবাত্তে চেট্টা গোজ্যে। তমা ভিদিরেত্তুন্ সেই ভান্ন্যেইয়ানি তুমি শেজ্ গুরি দিবা।
সেক্কে শমূয়েলে বেক্ ইস্রায়েলীয়গুনোরে কলঅ, “যুনি তুমি তমার বেক্ মনান্দোই আরঅ লগেপ্রভুর ইদু ফিরি এবাত্তে চঅ, সালে তমা ভিদিরেত্তুন অন্য জাদ্তুনোর্ দেব-দেবেদা আর অষ্টারোৎ দেবেদার মূত্তিগুন সোরেই দুয়ো আর লগেপ্রভুর ইন্দি নিজোর মনান্ ঠিগ্ গুরিনে বানা তারে সেবা গরঅ। সালে তে পলেষ্টীয়গুনোর আঢত্তুন তমারে উদ্ধোর গুরিবো।”
ကြော်ငြာတွေ