দ্বি’লম্বর বিররণ 6:11 - Chakma Bible

^11-12 এধোক্ক্যেন বেক্‌ গম্‌ গম্‌ জিনিস্‌ছোই ভোজ্যে ঘর-বাড়ী যে বেক্‌ পযাপিরানি তুমি নিজে এগত্তর্‌ ন-গরঅ, এধোক্ক্যেন পানি রাগেবার্‌ জাগা যিয়েনি তুমি নিজে কাবিনে ন-বানঅ আর এধোক্ক্যেন আংগুর ক্ষেত্‌ আর জলপাই বাগান যিবের্‌ গাজপালা তুমি নিজেয়ো ন-লাগঅ। মাত্তর্‌ সিদু খেই-দেই ঈল্‌ অবার্‌ পরেন্দিয়ো উঝিয়ার্‌ থেয়ো যেনে তুমি লগেপ্রভুরে ভুলি ন-যঅ, যিবে মিসর দেজর্‌ চাগর কাদানাত্তুন্‌ তমারে নিগিলেই আন্যে।

দ্বি’লম্বর বিররণ 6:11 ပူးပေါင်းရင်းမြစ်များ

নহিমিয় 9:25

তারা দেবাল্‌-ঘিজ্যে ভালোক্কানি শঅর্‌ আর বোল্‌বোল্যে ভূই গজক্‌ গোজ্যন্‌; তারা নানান্‌ বাবোত্যে গম্‌ গম্‌ জিনিজ্‌সোই ভোজ্যে ঘর্‌ আর আগেন্দি কুড়ো ওইয়্যে এধোক্কেন্‌ কূয়ো, আংগুর ক্ষেত্‌, জলপাইয়োর্‌ বাগান আর বোউত্‌ গুলোগুলি গাজ্‌ গজক্‌ গোজ্যন্‌। তারা হেইনে পেট্‌ ভুরিনে পক্তা-মোক্তা ওইয়োন্‌ আর তর্‌ দিয়্যে বোউত্‌ ভালেদি ভোগ গোজ্যন।

গীতসংহিতা 105:44

তে অন্য জাদ্‌তুনোর দেজ্‌ছানি ইস্রায়েলীয়গুনোরে দিলো আর সে জাদ্‌তুনোর কামর্ ফল তা মানুচ্চুনোরে নিবাত্তে দিলো,

দ্বি’লম্বর বিররণ 11:15

লগেপ্রভু তমার য়েমানপালুনোত্তে মাদত্‌ ঘাস অবাত্তে দিবো। সিয়েন বাদে তুমিয়ো পেট ভরে সং হেই পেবা।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 19:1

তমার গোজেন লগেপ্রভু যে দেজ্‌ছান তমারে গজক্ গুরিবাত্তে দিবো সিদুগোর্ জাদ্‌তুনোরে যেক্কে তে ভস্ত গুরি ফেলেব আর তুমি তারার বদলে তারার আদামত্‌ বা শঅরত্‌ আর ঘরানিত বজত্তি গুরি পারিবা,

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।

যিহোশূয় 24:13

যে ভূইয়ানত্‌ তুমি কনঅ কাম্‌ ন-গরঅ আর যে শঅর্‌ আর আদামানি তুমি ন-বানঅ মুই সিয়েনি তমারে দিলুং। তুমি সে শঅর্‌ আর আদামানিত্‌ ইক্কিনে বজত্তি গরর্‌; সিয়েনবাদে যে আংগুরো ক্ষেত্‌তানি তুমি ন-গরঅ আর যে জলপাই গাজ্‌ছুন্‌ তুমি ন-লাগঅ সিগুনোর ফলুনো তুমি খর্‌।”

বিচের গুরিয়্যেগুন 3:7

ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই সিয়েনি গত্তাক্‌। তারা তারার্‌ গোজেন লগেপ্রভুরে ভুলি যেইনে বাল দেবেদাগুনোরে আর আশেরা দেবীগুনোরে পূজো ধুরিলাক্‌।