দ্বি’লম্বর বিররণ 6:1 - Chakma Bible

¹ তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।

দ্বি’লম্বর বিররণ 6:1 ပူးပေါင်းရင်းမြစ်များ

যাত্রা 21:1

সে পরেদি লগেপ্রভু মোশিরে কলঅ‌, ইস্রায়েলীয়গুনো মুজুঙোত্‌ তুই মর্‌ এই বেক্‌ সুদোমানি তুলি ধুরিবে।

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

যিহিষ্কেল 20:19

মুই তারারে আরঅ কলুং, মুয়ই তারার্ গোজেন লগেপ্রভু, সেনত্তে মর্ সুদোমানি যেন তারা পালান্ আর মর্ রীদি-সুদোমানি মানি চলন।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

লেবীয় 27:34

লগেপ্রভু ইস্রায়েলীয়গুনোত্তে এই বেক্‌ উগুমানি সিনাই মুড়োবোত্‌ মোশি ইদু দিয়্যেগোই।

গণাণা 36:13

যিরীহোর উই কিত্তেন্দি যর্দন গাঙর্‌ পারত্‌ মোয়াবর সংজাগানত্‌ লগেপ্রভু মোশির্‌ মাধ্যমে ইস্রায়েলীয়গুনোরে এই বেক্‌ উগুমানি আর সুদোমানি দিলো।

দ্বি’লম্বর বিররণ 12:1

তমা পুরোণি মানুচ্চুনোর গোজেন লগেপ্রভু যে দেজ্‌ছান তমারে গজক্ গুরিবাত্তে দিয়্যে সিয়েনত্‌ জিংকানিবর্‌ এ বেক্‌ সুদোমানি আর উগুমানি যত্তনগুরি তমাত্তুন্‌ পালন গরা পুরিবো।

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

দ্বি’লম্বর বিররণ 33:3

“ঘেচ্চ্যেকগুরি তে তার নিজোর মানুচ্চুনোরে কোচ্‌পায়। পবিত্র দূত্তুনে তার অধীনোত্‌ আগন, তারা বেক্কুনে তা টেঙানিত্‌ মাদা নিগিরিনে আগন; তাত্তুনোই তারা উগুম পান্‌।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:14

যর্দন গাঙান্‌ পার্‌ ওইনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ যেইনে তমার্‌ যে সুদোম আর রীদি-সুদোমানি পালন গুরিনে চলা পুরিবো সিয়েনি তমারে শিগেবাত্তে সে সলাবোত্‌ লগেপ্রভু মরে উগুম্‌ দিয়্যে।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 5:31

মাত্তর্‌ তুই ইয়োত্‌ মইদু থাক। মুই তরে সে বেক্‌ উগুমানি, আইন আর সুদোমানি দিম্‌ যিয়েনি তত্তুন্‌ তারারে শিগা পুরিবো, যেনে গজক্ গুরিবাত্তে যে দেজ্‌ছান মুই তারারে দিবাত্তে যাঙর্‌ সিদু তারা সিয়েনি পালন গুরিনে চলন্‌।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

দ্বি’লম্বর বিররণ 6:2

সেক্কে তুমি, তমা ঝি-পূঅগুনে আর তারার্‌ বংশধরুনে তমা গোজেন লগেপ্রভুরে ভোক্তি গুরিনে তার্‌ দিয়্যে এ বেক্‌ সুদোমানি আর উগুমানি সারা জিংকানিবর্‌ পালেবা আর সেনত্তে ভালোক্‌ দিন সং বাঁঝি থেবা।