দ্বি’লম্বর বিররণ 5:8 - Chakma Bible

⁸ পূজোর্‌ নাঙে তুমি কনঅ মূত্তি ন-বানেবা, সিবে আগাজর্‌ কনঅ কিজু ধোক্ক্যেন ওক্‌ বা মাদি উগুরে কনঅ কিজু ধোক্ক্যেন ওক্‌ বা পানি উগুরে কনঅ কিজু ধোক্ক্যেন ওক্‌।

দ্বি’লম্বর বিররণ 5:8 ပူးပေါင်းရင်းမြစ်များ

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

যাত্রা 20:4

পূজো গুরিবার্‌ নাঙে তুমি কনঅ‌ মূত্তি ন-বানেবা, সিবে আগাজর্‌ কনকিজু ধোক্ক্যেন ওক্‌ বা মাদি উগুরে কনঅ‌ কিজু ধোক্ক্যেন ওক্‌ বা পানি ভিদিরেত্তুন্‌ কনঅ কিজু ধোক্ক্যেন ওক্।

যাত্রা 34:17

তুমি ধাতুলোই কনঅ‌ মূত্তি ন-বানেবা।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

দ্বি’লম্বর বিররণ 27:15

সে মানুচ্চো অভিশাব্ পেইয়্যে, যে ছাঝি ফেলায় বা তক্তা বা পাত্তর্‌ খুরিনে কনঅ মূত্তি বানায় আর পূজোত্তে সিয়েনি গুমুরো জাগাত থিদেবর্ গরে। এ বেক্ মূত্তিগুন লগেপ্রভুর ঘিনাইদে জিনিস, কালিগরর্‌ আদর কাম্‌ বানা। সেক্কে বেক্কুনে কবাক, আমেন।