দ্বি’লম্বর বিররণ 5:6 - Chakma Bible

⁶ মুই লগেপ্রভু তমার গোজেন। মিসর দেজর্‌ চাগর্‌ কাদানাত্তুন্‌ মুয়োই তমারে নিগিলেই আন্যং।

দ্বি’লম্বর বিররণ 5:6 ပူးပေါင်းရင်းမြစ်များ

গীতসংহিতা 81:11

মাত্তর্ মঅ মানুচ্চুনে মঅ কধানি ন-শুনিলাক্; ইস্রায়েল মর্ বাধ্য অদে রাজি ন-অলঅ।

যাত্রা 13:14

“ভবিচ্চদে যেক্কে তমা পূয়োগুনে ইয়েনির্‌ অত্তগানি তমাত্তুন্‌ পুযোর্‌ গুরিবাক্ সেক্কে তুমি পত্তিজনে কবা, ‘লগেপ্রভু মিসরর্ দাসত্বত্তুন্‌ তাঁর্‌ খেমতাগান্‌ দেগেইনে আমারে নিগিলেই আন্যে।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 20:1

ইয়েন পরেন্দি গোজেনে কলঅ‌,

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

দ্বি’লম্বর বিররণ 4:4

মাত্তর্‌ তুমি যিগুনে তমা গোজেন লগেপ্রভুরে আজাবোদে ধোজ্য, তুমি বেক্কুনে এজঅ বাঁঝি আগঅ।

দ্বি’লম্বর বিররণ 6:4

ইস্রায়েলীয়গুন, শুনো, আমার গোজেন লগেপ্রভু এক্কো।

দ্বি’লম্বর বিররণ 7:8

তে সিয়েনি গোজ্যেদে তমা উগুরে তার্‌ অমকদ কোচ্‌পানাত্তে আর তমার পুরোণি মানুচ্চুনো ইদু তে যে শমক্‌ গোজ্যে সিয়েনি রোক্ষে গুরিবাত্তে। সেনত্যে তে খেমতাবলা আঢ্‌তানি বেবহার্‌ গুরিনে তমারে নিগিলেই আন্যে আর মিসরর্‌ রাজা ফরৌণর্‌ আঢত্তুন্‌ আর চাগর খাদানার্‌ দেজত্তুন্‌ তমারে উদ্ধোর্‌ গোজ্যে।

দ্বি’লম্বর বিররণ 8:14

সেক্কে তুমি বার্বো ওইনে উদিবা আর যিবে মিসর দেজর্‌ চাগর্‌ খাদানাত্তুন্‌ তমারে নিগিলেই আন্যে তমার সেই গোজেন লগেপ্রভুরে তুমি ভুলি যেবা।